Samuel 1 24:11 - Katɔti Ɔku Kedee

¹¹ Ati, aanu ƒula awu gyɔlɔɔ ɔni na akya kɔtu na líkulo nda mɛni. Ami ɔlati nékulo awu ɔmmɔ kɔtu, nsu ńtadu-ɔ. Ɔƒaani ni, mɔɔwia ka awɔ ɔlati anu ati nwaa ka ńtabla lɛla lɛdi ńtaƒiɔ-ɔ, na ńtata ńtenye-ɔ lɛlɔ lɛnɔ, nsu awɔ asiaku-mi aatú-mi uwi biala ka adu-mi.

Samuel 1 24:11 ပူးပေါင်းရင်းမြစ်များ

Samuel 2 1:14

Dawid úye-nwu ɔnini, “Bi ɔsu na átayia ka adu ukyuli ɔni na Unwoti úwi-nwu lili nnɔmii?”

Baga 2 5:13

Amu na Naaman kabla bablane bésie-nwu kudɔ na bétéye-nwu banini, “Ati, si kenye udiene ɔmɛni bɔsu na ɔ́su-ɔ ɔnii wia ala bonwu bonwu boku ni, nka aaadubo bɔbla? Amu na si ɔ́su-ɔ ɔmɛni ɔnii, ‘Teesie na atákpi na ɔlɛ ɔba-a,’ anwu na eení?”

Hiob 10:16

Na uwi biala na lɛ́bla kasusu nnii mɔɔtalaku lɛlɔ blii ni, na eebó-mi taava kalɔ ku ƒula ɔyikun ala bɔbla aani kalɛ na gyata ɔɔtú ebuo teeƒie.

Kɔgya 119:161

Bagadine benye beekpóku-mi uwi biala keeke. Nsu ami ni, ƒula litemi bɔtɛ kani na mɔɔbu taanu mina kayi kemmo.

Kɔgya 140:11

Taya na ukyuli ɔni muubile bekyuli anyi ɔkɛ bɔnwuna bɔdi na kalɔ kamɛni lɛlɔ. Ya na lɛbibo lɛsiaku bekyuli bani muuti kalala kasusu.

Kɔgya 35:7

Ńtabla-ma lɛla lɛdi, nsu baabɛ́ taakywɛ-mi kɔkpagyuɛ ka bedie-mi. Na béku libu bonwu bonwu bése-mi ka lɛnu liduo-ni kemmo.

Kɔgya 59:3

Ɔsika ni, Ati, bábɛ belie-mi ulu lɛlɔ ka badu-mi. Na bayikune bála lɛlɔ básala baawia-mi ngba bebile. Nsu ntabla-ma lɛla likpidi lɛdi.

Kɔgya 7:5

Na si lɛ́bla ala amɛni adi ni, na aya na mina bekisine babi basiaku-mi na beƒie-mi, na banya-mi badu bava kalɔ.

Agba 15:1

Kɔnyi kulakɔ ukyuli si éboku lɛlɔ kalɔ na édie litemi kenye buɛɛ. Nsu etemila bɔtu taalɛ ukyuli ɔɔyá kɔnyi kuubo.

Kɔnyana Buwulo 4:18

Bekisine báka-bu bákya na lɛblɔnu linengudi ƒui lɛlɔ, na bɔsɔ buuubo kasiakɔ. Bula uwi údu ka bɔyii udu.

Esekiel 13:18

Ya na bati anii ama ɔdi ɔ́sa! Baakya evo ala na kavobi na baamána lɛduku eli lɛni lɛlɔ na evo ala ada. Na baatɔ́lɔ bekyuli na baaƒɔ́ taadi ka badubɔkana na basu ala ani ndubo bɔlɛ uwi ɔni mebo. Nsu baaadubo ɔkɔ ɔmɛni ƒui bɔnyi na balɛ sɛɛn na lɛla lɛdi lilálɛku-ma.

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Samuel 1 18:27

Dawid ku nwuna bekpone báta na bátádu Ƒilistiƒuɔ banana nkyuli eti ene. Békulo-ma ago kenye ɔlɔna ɔmmɔ sɔsɔ aani kalɛ na Saul ɔ́su, na Dawid úti úboku-nwu. Na bana anumi mmɔ ni, úti nwuna elila etela ammɔ úwi ɔga anumi, na ɔɔtina ka ɔga únwini-nwu ɔƒanti sɔsɔ. Anwuɔsu Saul lɛnɔ úti ubidi ulekubi Mikal úte Dawid na únwini-nwu ulekudi.

Samuel 1 23:14

Dawid ɔ́kya kɔbɛkɔ na Siƒ kalɔ kakwiidi kemmo na abi lɛlɔ. Na uwi ɔmmɔ ƒui ni, na Saul ɔ́kɛ útaawia-nwu, nsu Katɔti úteti Dawid útakya Saul enu kemmo.

Samuel 1 23:23

Bɛnu kesii kani ƒui na ɔɔyɔ́ busie taatábɛ taakya na bibasu-mi lɛla lɛni geen na lɛdi. Na ami ku-mii bɔdubusie na butáwia-nwu na ntɛ mmɔ, na ntékpo-nwu lɛlɛku na Yuda adua ammɔ ƒui kemmo si mmɔ na ɔkya geen geen.”

Samuel 1 25:28

Buvele kemmo, ti ƒula kabla ɔblane bɔƒiɔ ƒui kyiɛ-nwu. Unwoti ɔdubɔgyumana-a ku ƒula kaduli bekyuli ƒui uwi ndi uwi, ɔsika nwuna kekpo na enye eekpó. Na muuvele lɛnɔ nnii na ƒula ngba bulie uwi ƒui ni, Unwoti udie-ɔ na alabla lɛla likpidi lɛdi.

Samuel 1 26:18

Bi ɔsu na awɔ mina ati asiaku ami ƒula kabla ɔblane lɛni? Líbile lɛla lɛdi, munuu likpidi linengudi lɛmani na lɛ́bla?

Samuel 1 26:20

Bitaya na ntékpi ɔgyu na kalɔ kani naaadi Unwoti kadi kemmo. Bi na ami ɔmɛni ndi ka ńtedu alɔlɔ muedi na Israelƒuɔ ɔga ɔkɛ ɔɔwia-mi na abi akɔ aani aasɛ ɔnii ɔɔdú?”

Samuel 1 26:23

Unwoti úti-ɔ ɔ́kya-mi enu kemmo ɔmwi na nka lɛdu-ɔ, nsu nwuna ɔga ɔƒunadi na adi. Anwuɔsu ami lɛɛɛdubo-ɔ lɛla lɛdi bɔbla. Unwoti ɔlati mɔɔƒɔ kayu buni teete bekyuli bani mɔɔdi nwuna litemi lɛlɔ ulu lɛlɔ na baasiaku-nwu kama siin.