Samuel 1 23:4 - Katɔti Ɔku Kedee

⁴ Ɔmmɔ ɔsu Dawid ɔ́sɔ útéye Unwoti kunyɔdi si usie utékpoku-ma, na Unwoti údie kenye ɔnini, “Awɔ, teesie Keila, ɔsika ndubuti Ƒilistiƒuɔ lɛkya-a enu kemmo na adi-ma lɛlɔ.”

Samuel 1 23:4 ပူးပေါင်းရင်းမြစ်များ

Samuel 2 2:1

Na uwi ɔdi kama ni, Dawid úye Unwoti ɔnini, “Aayɔ́ ka lisie na ntélie Yuda kalɔ lɛlɔ ɔma ɔdi kemmo?” Amu na Unwoti údie kenye na ɔ́su-nwu ɔnini, “Lɛ́tuna, teesie.” Dawid ɔ́sɔ úye-nwu ɔnini, “Unwoti, na ɔma ɔmani kemmo na aayɔ́ ka ntélie?” Mmɔ na Unwoti ɔ́su-nwu ɔnini, “Teesie Hebron ɔma kemmo.”

Samuel 2 5:19

Ɔmmɔ ɔsu Dawid úye Unwoti kasusu únu ɔnini, “Nsie na ntékpoku Ƒilistiƒuɔ bamɛni munuu ntesie? Na si lísie ni, adubo-mi bubunku na lɛdi lɛlɔ?” Amu na Unwoti údie kenye na ɔ́su-nwu ɔnini, “Ɛɛn, sie na etékpoku-ma, ɔsika ndubɔya na adi-ma lɛlɔ.”

Baga 2 3:18

Ɔmɛni bɔbla bɔdi lɛla lɛni nse kpɛtɛ kpɛtɛ na Unwoti anumi. Na lɛnɔ ni, ɔdubɔya na bɛdi Moabƒuɔ lɛlɔ.

Ala Alɛdi 1 14:10

Ɔmmɔ ɔsu Dawid úye ɔ́siku Katɔti kudɔ ɔnini, “Nteesie ntékpoku Ƒilistiƒuɔ? Adubɔnyonu-ma akya-mi enu kemmo?” Amu na Unwoti údie kenye ɔnini, “Teesie na ndubuti-ma lɛkya-a enu kemmo.”

Yosua 8:7

Na si ɔlɛ lɛni ni, na bɛta bina kabɛkɔ mmɔ na bitádi ɔma ɔmmɔ lɛlɔ. Ɔsika Unwoti Katɔti ɔdubo ɔma ɔmmɔ buti bɔkya bina enu kemmo.

Litemi Batɛne 6:39

Amu na Gideon ɔ́su Unwoti ɔnini, “Buvele nda-a, teti kɔnyi takya-mi. Ya na lɛsɔ lɛsu-ɔ na abla lɛla lɛdi na kpekpe ɔmɛni lɛlɔ ete-mi. Ɔƒɛni ya na kpekpe ɔmmɔ utaƒɔyi, na aya na amii ammɔ ɔƒɔyi kalɔ kammɔ mmomu.”

Litemi Batɛne 7:7

Amu na Unwoti ɔ́su Gideon ɔnini, “Nkyuli eti aku (300) bani náni ntu básiku bana akɔkɔ kemmo lɛlɔ na ndubɔsia na liti Midianƒuɔ lɛkya-a enu kemmo. Anwuɔsu ya na bekyuli bakladi ƒui benwini besie bana kɔduli.”

Litemi Batɛne 7:9

Usien ɔmmɔ ni, Unwoti údie lɛdi na ɔ́su Gideon ɔnini, “Ta na etékpoku Midianƒuɔ bammɔ na kesii kani na bakya mmɔ. Ɔsika ndubuti-ma lɛ́kya-a enu kemmo.

Samuel 1 10:22

Mmɔ na béye Unwoti banini, “Ukyuli ɔni na álɛ ugyii éte-bu ni, bubo na útebo tɔ útebeduo munuu dɛ?” Amu na Katɔti údie kenye ɔnini, “Ɛɛn, úubo na ɔ́bɛ ɔkya ala ani na bákono bése mmɔ akɔ.”

Samuel 1 23:2

Amu na Dawid úye Unwoti kasusu únu ɔnini, “Nsie ntékpoku Ƒilistiƒuɔ bamɛni?” Mmɔ na Unwoti ɔ́su-nwu ɔnini, “Sie na etékpoku-ma na aƒɔ Keila ɔma bekyuli!”

Samuel 1 23:3

Nsu Dawid bekyuli básu-nwu banini, “Na Yuda kalɔ lɛlɔ mɛni muedi bɔɔyia. Amu na si búsie Keila mmomu bɔnii butékpoku Ƒilistiƒuɔ ni, dɛ na ɔdubo buse?”

Samuel 1 23:5

Anwuɔsu Dawid ku nwuna bekpone báyu ulu bésie Keila na bétékpoku Ƒilistiƒuɔ na béƒie-ma bebuo ku ala pii báƒɔ, na údie Keila ɔma bekyuli.

Samuel 1 28:6

Anwuɔsu úye Unwoti lɛla lɛni na ɔlɛka ɔbla, nsu Unwoti útakpete-nwu na udie lɛla lɛdi ɔtina-nwu na kɔna kemmo iye ɔsia ɔkpane ɔdi lɛlɔ iye kenye udiene ɔdi lɛlɔ na ɔsu-nwu lɛla lɛdi.

Samuel 1 30:8

Na Dawid úye Unwoti ɔnini, “Nteesie na ntásia bekyuli bani nébekpoku-bu mɛni kama? Na si lísie ni, ndubɔsiaku-ma?” Amu na Unwoti údie kenye ɔnini, “Teesie, adubɔsiaku-ma na aƒɔ bina lɛlɔ bekyuli lɛnɔ ƒui.”