Samuel 1 22:8 - Katɔti Ɔku Kedee

⁸ Lili na bɛɛsa mina lɛlɔ ka bɛtu-mi lɛga? Ami ɔlati ubidi únyimiku Yisai ubidi Dawid kenye na mina lɛlɔ, na bina ɔdi útasu-mi! Bina akɔ ina ukyuli unwi muedi uláwia-mi bɔdia. Na ɔdi útasu-mi ka mina ubi ɔɔkya mina kabla ɔblane ogya ka unye utaatu-mi kalɛ na ɔɔbla ɔmwi mɛni!”

Samuel 1 22:8 ပူးပေါင်းရင်းမြစ်များ

Baga 2 6:11

Ɔkɛnku ɔmɛni ɔsu Siriaƒuɔ ɔga úbakɛ kɔnyi kaduɛ, ɔsika ulenu kalɔ lɛla lɛni ɔsu na ala aaví lɛni. Anwuɔsu ɔ́lɔ nwuna kabla bablane benengu bɔmmɔ ƒui ɔ́sala na ɔ́su-ma ɔnini, “Mɔɔwia ka lɛti bula akɔ ɔni geen nnye Israelƒuɔ ɔga kama na uunú ala taatásu-nwu?”

Hiob 33:16

Uwi ɔmmɔ kemmo na ɔɔlɛmi bekyuli atu na ɔɔlɛ-ma kpakplaa lɛnɔ kalɛ na bati lɛlɔ bɔda.

Samuel 1 18:1

Ka Dawid ku Saul báwɔlɔ butemi kama ƒui ni, bɔyɔ bɔdi búbeduo Yonatan ku Dawid ntɛ. Na Yonatan ɔ́yɔ Dawid geen aani kalɛ na anwu Yonatan ɔɔyɔ́ nwuna lɛlɔ.

Samuel 1 18:3

Na Yonatan ku Dawid bényimi kpakplaa ka bana kɔkpana kɔsɔ kulékulo kudii, ɔsika baayɔ́ lɛlɔ geen.

Samuel 1 20:2

Mmɔ na Yonatan údie kenye ɔnini, “Oowo, ɔmmɔ ulebo-nwu kemmo lɛni kudii! Ɔsika si geen geen na mina ɔti ɔɔbla kasusu ka ɔdu-ɔ ni, nka ɔdubɔsu-mi. Ɔsika mina ɔti ulabla lɛla lɛdi na uledie-mi kɔtɛ. Ami ńtaƒɔ lɛla lɛmmɔ.”

Samuel 1 20:42

Mmɔ na Yonatan ɔ́su Dawid ɔnini, “Ɔlɛka atɔlɔ. Na Unwoti ɔsiaku-ɔ. Anwu nnye na únu bula bunyimi, anwuɔsu ala ani na bɔ́su ƒui ebo-nwu kemmo lɛni ute bula kaba kemmo bebi.” Ɔmmɔ kama ni, Dawid ɔ́yu ulu ɔ́tɔlɔ. Na Yonatan lɛnɔ únwini úsie ɔma.

Samuel 1 20:8

Ɔmmɔ ɔsu ka unwi bɔbla bunyimi nkya ami ku-ɔ ntɛ na Unwoti anumi ɔsu ni, muuvele-ɔ na atina-mi ƒula lɛƒɔndia. Na si bɔnu na awɔ lɛnɔ ánu áti ka lɛ́bla lɛla likpidi lɛdi ni, teti tesienku ƒ'ɔti, mmomu awɔ ɔlati du-mi kɔnakunwi.”

Samuel 1 22:13

Mmɔ na Saul úse kalɔ ɔnini, “Bi ɔsu na awɔ ku Yisai ubidi Dawid bɛ́sa lili na mina lɛlɔ, na éte-nwu adila ku kewii, na évele Unwoti éte-nwu kalɛ na ɔta unye-mi lɛlɔ, na unye ɔgya kalɛ na ɔdu-mi aani kalɛ na ɔdaku bɔbla ɔmwi?”

Samuel 1 23:21

Amu na Saul údie kenye ɔnini, “Katɔti úte-mii kusɛ kusɛ na kalɛ na biiti-mi lɛlɔ kasusu ɔsu.