Samuel 1 22:4 - Katɔti Ɔku Kedee

⁴ Ɔga ɔmmɔ únu kalɔ úte Dawid, anwuɔsu Dawid ɔ́ya na ɔti ku uni bébo bakya Moab ɔga ɔmmɔ kudɔ na Mispa mmɔ. Na anwu ɔlati útábɛla lɛlɔ ɔ́kya kabɛkɔ kagyumanakɔ kpakplaa kadi.

Samuel 1 22:4 ပူးပေါင်းရင်းမြစ်များ

Samuel 2 24:11

Ɔƒɛni asa na Dawid wata kadi kegye ni, Unwoti úuti litemi ɔ́kya Kenye Udiene Gad ɔni mɔɔnu ala taasu Dawid kenye.

Samuel 2 8:2

Dawid ɔ́di Moabƒuɔ lɛnɔ lɛlɔ. Na ɔ́ya na Moabƒuɔ bekpone bammɔ básɔ bátɛ kalɔ na lɛgaala kemmo. Ɔmmɔ kama ɔ́ya na béti kabuli kadi udu bákɔku bana linene na béle-ma kemmo akpa atɛ. Na akpa anyɔ edeedi ni, ɔ́ya na bádu-ma. Na lɛkpa lɛtɛdi kani na bátadu. Ɔmmɔ ɔsu Moabƒuɔ bénwini bakya Dawid kalɔ na baaƒɔ lɛlɔ bɔdi kadikɔ kayu teete Dawid.

Ala Alɛdi 1 11:16

Na uwi ɔmmɔ lɛlɔ na Dawid ɔkya kabɛkɔ kagyumanadi geen. Na Ƒilistiƒuɔ bekpone bakya Betlehem.

Ala Alɛdi 1 12:16

Benyamin ku Yuda kaba bekyuli badi lɛnɔ bébo Dawid kudɔ na nwuna kagyumanakɔ na kesii kani na ɔkya.

Ala Alɛdi 1 21:9

Amu na Unwoti ɔ́su Dawid Kenye Udiene Gad ɔnini,

Ala Alɛdi 1 29:29

Na lɛla biala na Dawid ɔ́bla uwi ɔni na ɔdi ɔga ni, kenye bediene Samuel ku Natan ku Gad bénweni-nya bákya kasikɔ etemila ku ala alɛdi ɔku kemmo.

Ala Alɛdi 2 29:25

Amu na ɔmmɔ kama ni, Hesekia ɔ́ya na Lewiƒuɔ bammɔ bésie béténye bana kunyekɔ na bana kabla kenye na kakpakɔ kammɔ kemmo. Na úti enukpɛ agyala ku lɛbentaa ku agyala bamba ani na béti kɔbuli bábla úte-ma aani kalɛ na Unwoti úbo Ɔga Dawid ku kenye bediene bani ndi Gad ku Natan ɔda kalɛ.

Nehemia 6:11

Amu na lídie kenye nnini, “Lɛɛɛdi ɔnana ɔni udu mɔɔyia, na ukeli utabɛ. Munuu aakali ka si líkeli ńtábɛ Katɔti kakpakɔ na ndubɔƒɔ mina ngba? Lɛɛɛdubo bukeli kudii.”

Kɔgya 11:1

Unwoti ndi mina katamikukɔ. Bi ɔsu na aasu-mi anii nkeli nteesie abi lɛlɔ ntábɛ aani aasɛ kalɛ?

Mateo 10:23

Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Samuel 1 22:3

Na uwi klukui ɔdi kama ni, Dawid ɔ́tɔlɔ kesii kani na ɔkya mmɔ úsie ɔma ɔni baalɔ Mispa na Moabƒuɔ kalɔ lɛlɔ. Mmɔ na úvele ɔga ɔmmɔ kuƒi ɔnini, “Adubɔtuna na ami ku mina ɔti ku uni ƒui bubelie ƒula kalɔ lɛlɔ, wetédu ka lɛ́nu lɛla lɛni na Katɔti ɔɔwia ka lɛbla lɛti?”

Samuel 1 22:5

Nsu Katɔti Kenye Udiene Gad ɔ́su Dawid ɔnini, “Tasɔ telie kabɛkɔ kpakplaa kamɛni kemmo, mmomu tɔlɔ teesie Yuda kalɔ lɛlɔ.” Anwuɔsu Dawid ɔ́tɔlɔ mmɔ na útélie lɛku lɛdi kemmo na kesii kani nde ɔma ɔni baalɔ Heret.