Samuel 1 22:18 - Katɔti Ɔku Kedee

¹⁸ Amu na Ɔga Saul únwini na ɔ́su Doeg ɔnini, “Awɔ, nwini na adu bakpane bamɛni!” Anwuɔsu Doeg, Edomni ɔmmɔ, únwini na ɔ́du bana nkyuli liti ku avlaatɛ-ɛlɔ bani nkya bana bɔkpa kabla lɛwu buni benye mmɔ.

Samuel 1 22:18 ပူးပေါင်းရင်းမြစ်များ

Ala Alɛdi 2 24:21

Ɔga Yoas ɔ́ɔyiƒala ka Sakaria ɔmɛni ɔti Yehoiada ni, anwu ku-nwu bádi bɔkpana babuni geen. Anwuɔsu uwi ɔni na bekyuli bammɔ bátása lili likpidi Sakaria lɛlɔ ka badu-nwu ni, anwu lɛnɔ únu ku-ma kalɔ na udie lɛdi ka bebo-nwu atabi badu na kakpakɔ kaduli kemmo mmɔ. Amu na uwi ɔni na Sakaria ɔdaku bɔyula ni, ɔ́su ɔnini, “Muuvele Unwoti nnii ɔnu lɛla lɛni mɔɔlɛ́ mɛni na ɔni bina ƒui kɔtu.”

Kɔgya 78:64

Lɛni kani na bana bakpane lɛnɔ ni, kuwii kenye na békpi ɔni na bétete bana bekpinele kuƒi na bewulo-ma.

Israelƒuɔ Bɔlɛ 28:40

“Na Aaron bebi lɛnɔ ni, ɔlɛka abla lɛwu lɛtɔdi akɔnkɔ bune ku kavobi aduni ku atɛntɛ aduni ani mɔɔdia bɔnu na eekeye ete-ma.

Agba 24:15

Tatábɛ tebi bekyuli babuni badi kaduli ulu aani ukyuli ukpidi. Na tetéyu-ma tatu ekpoku-ma na eti-ma ala lɛnɔ!

Hosea 5:11

Baƒiɔ bani na Israel kadi bekyuli basiaku baakpá nénwini kɔtɔ bɔdu úte-ma, anwuɔsu na ala enye eekpóku-ma na beesusu-ma lɛni uwi biala.

Hosea 7:3

“Na bana ɔbladu ɔmɛni ɔdi bana benengu bammɔ ƒui lɛlɔyɔ.

Mika 6:16

“Ala amɛni ndubo-mii bɔlɛku na ɔni na bɛsiaku Ɔga Omri ku ubidi Ɔga Ahab likyulikpi ala bɔbla kama ɔsu. Anwuɔsu ndubo-mii udu bɔyila ku bina akɛla ƒui na kadi bamba bekyuli ƒui bataama-mii na bedumi-mii.”

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Samuel 1 2:28

Ƒ'ɔti kaba kemmo bekyuli na lɛ́ƒuna na atɔƒi bamba ƒui akɔ na Israel. Na ama kani ndubusie mina lɛkpabi lɛlɔ na bakyula oloƒui bete-mi. Na bakya bakpane awu asa benye-mi anumi bataabla-mi kabla. Na ama kani na líti bɔkyula akpala ani na Israelƒuɔ béboku kadikɔ líte.

Samuel 1 2:36

Na ukyuli biala ɔni mebu na ƒula ɔtɔ kaba bebi akɔ ni, mina ɔkpane ɔmɛni na ɔdububo ubakya lili kalɔ ute na uvele-nwu sika iye bodobodo asa wakɛ lɛdila. Na ɔdubuvele ka ɔya na ɔkɛ ɔkpane kabla kadi utaabla kalɛ limeyi lɛdila ani lɛsɔ lilabɔ-nwu.”