Samuel 1 22:16 - Katɔti Ɔku Kedee

¹⁶ Nsu Ɔga Saul údie kenye ɔnini, “Ahimelek, ɔlɛka lɛdu-ɔ ku ƒula lɛlɔ bekyuli ƒui.”

Samuel 1 22:16 ပူးပေါင်းရင်းမြစ်များ

Baga 1 18:4

Uwi ɔni na Isebel ɔ́kya útaadu Unwoti kenye bediene ni, Obadia úti kenye bediene bammɔ eti anyɔ útábɛla atabi libu bonwu inyɔ bɔdi kemmo. Na úle-ma ɔ́kya mmɔ liti liti na uute-ma adila ku ntu na mmɔ.

Baga 1 19:2

Mmɔ na Ahab ulekudi Isebel úti kenye úmene Elia ɔnini, “Asa na uteedu kɔnaadi ɔƒaalɛ bene si ńtaya na awɔ lɛnɔ ekpi aani bana kalɛ ni, na baƒiɔ bammɔ bani-mi kɔtu biala na baayɔ́.”

Ester 3:6

Ka únu lɛnɔ ka Yudani na Mordekai ɔdi ɔsu ni, ɔ́lɛ ugyii ka badu Yudaƒuɔ ƒui na ɔɔɔdi Mordekai kani, ɔsika ɔmmɔ ulálɛ kɔsia kɔdi na kɔlɔ kɔni ƒui lɛlɔ na Ɔga Ahasweros ɔɔdi mmɔ lɛlɔ.

Agba 28:15

Ukyuli ukpidi ɔni mɔɔdi bekyuli lɛlɔ ni, ɔdanku ɔgbankpi bonwu ute bawabane aani kalɛ na ebuo ukpidi uuƒie bekyuli.

Daniel 2:12

Lɛla lɛmɛni lɛ́bla ɔga ɔmmɔ kɔnyi geen na údie lɛdi ɔnii badu banundane ƒui na Babilon kalɔ kammɔ ƒui lɛlɔ. Anwuɔsu bátala badi ka betétiku Daniel ku nwuna bakpana ɛtɛ bakladi bammɔ lɛnɔ batádu.

Daniel 2:5

Nsu ɔga ɔmmɔ údie kenye ɔnini, “Oowo! Lɛ́ɛbla mina kasusu líse ka si bítasu-mi kɔna kɔni na lígye ku kuna kalɔ budie ni, ndubɔya na bekulo-mii eku eku bewi kalɔ na babwɛ-mii kɔduli lɛnɔ ƒui.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Batalane Kabla 12:19

Amu uwi ɔni na Herode ɔ́wia Petro bɔyii kalɔ na útabla-nwu nwaa ni, ɔ́ya na bétéƒie bagyumanane leevu-ɛku bammɔ béboku. Na ɔ́tɛku-ma litemi na ɔ́du-ma kukpi kɔtɔ, na bádu-ma. Na ɔmmɔ kama ni, Herode ɔ́tɔlɔ Yudea úsie Kaesarea útélie mmɔ uwi ɔdi.

Lɛkpa Ulu 24:16

Kuƒi kuuubo ka badu bawɔne na likpidi lɛni na bana bebi bábla ɔsu, na batadu bebi na likpidi lɛni na bana bawɔne bábla ɔsu. Mmomu ɔdi biala ɔ́manku ka badu-nwu na anwu ɔlati likpidi lɛni na ɔ́bla ɔsu.

Samuel 1 14:44

Amu na Ɔga Saul údie kenye ɔnini, “Katɔti ɔbla-mi lɛla biala na ɔɔyɔ́ si ńtaya na badu awɔ, Yonatan.”

Samuel 1 20:31

Munuu ulábla-a nwaa ka si Dawid uli ngba ni, alakana ɔga bunwini na Israelƒuɔ kalɔ lɛlɔ? Babla na atáwia-nwu eboku mɛni pla! Ɔlɛka ukpi!”

Samuel 1 22:15

Geen ni, lívele Katɔti líte-nwu na lɛla lɛni na ɔlɛka ɔbla lɛlɔ. Ɔsika ɔmɛni ɔɔɔdi kudeedi ɔni na lívele Katɔti líte Dawid. Na útabla-a kɔnyi lɛnɔ dii! Anwuɔsu na buvele kemmo ni, tada ami-ku mina kaduli bekyuli kenye lɛni. Ami, ƒula kabla ɔblane, lɛɛɛgyi lɛla lɛdi ńtasiku litemi lɛmɛni lɛlɔ.”

Samuel 1 22:17

Amu na Saul únwini na ɔ́su nwuna bagyumanane bani nnye-nwu kɔmadɔ ɔnini, “Binwini na bɛdu Katɔti bakpane bamɛni, ɔsika ama lɛnɔ bebunku Dawid na bagyi ka bukeli na ɔda asa na béni na bátasu-mi.” Nsu bekpone benengu bammɔ ɔdi útayɔ ka ɔdu Unwoti bakpane bammɔ kalɛ na ɔga úbo-ma ɔda.