Samuel 1 21:2 - Katɔti Ɔku Kedee

² Amu na Dawid údie kenye ɔnini, “Ami lɛti nkɛ, ɔsika bula ɔga nátala-mi ɔnii mbabla lɛla kpakplaa lɛdi nte-nwu. Na ɔ́su-mi ɔnii ntaya na ɔdi ɔti lɛla lɛni na ɔ́tala-mi ɔnii mbabla. Na mina bekyuli ama ni, lɛ́su-ma nnii ami ku-ma bɔdubɔsa na kesii bamba.

Samuel 1 21:2 ပူးပေါင်းရင်းမြစ်များ

Ala Kalɔ Buse 27:20

Amu na Isak úye ubidi ɔnini, “Dɛ na ɔ́bla asa na ákɛ ebuo ádu pla lɛni?” Mmɔ na Yakob údie kenye ɔnini, “Ƒula Unwoti Katɔti náya na lɛku lɛtɛnku-mi lɛni.”

Ala Kalɔ Buse 27:24

Ka ɔ́wɔlɔ ni, Isak ɔ́sɔ úye Yakob ɔnini, “Sɔsɔ na mina ubi unengudi Esau na adi?” Amu na Yakob lɛnɔ údie kenye ɔnini, “Ami na ɔdi.”

Baga 1 13:18

Amu na kenye udiene ɔni náabi lɛlɔ mmɔ údie kenye ɔnini, “Ami lɛnɔ kenye udiene na ndi aani ƒula kalɛ. Na Katɔti ɔtu ɔdi ɔ́su-mi ka Unwoti ɔnii, ‘Nwiniku-nwu boku ƒula kaduli na ubadi na ɔni lɛla lɛdi.’ ” Nsu ɔkɔ na unengu ɔmmɔ ɔɔnyi.

Nehemia 11:32

ku Anatot ku Nob ku Anania

Kɔgya 119:29

Na ada-mi kɔkɔɔkɔ kalɛ na naaasia ulu ukpidi ɔdi lɛlɔ. Bla-mi lɛƒɔndia na atina-mi ƒula ɔda bubo bɔmmɔ.

Kɔgya 141:3

O Unwoti, ya na lɛti mina kenye bɔda na lɛkɔsi bɔtɛmi!

Yesaia 10:32

Ɔmwi ni, bekisine bammɔ badubɔƒɔ lɛlɔ bakya Nob ɔma na bataadu anyi teekene lɛvu taayila Sion teemene kɔbi kɔmmɔ na Yerusalem.

Galatiƒuɔ 2:12

Ɔsika asa na bekyuli bani na Yakobo ɔ́tala bɔdububo bebeduo ni, Petro ku banwa bani naaadi Yudaƒuɔ básala baadi. Nsu uwi ɔni kani na ɔ́nu batalane bamɛni ni, ɔ́da bɔdi ɔ́ya na ɔ́ta-ma kudɔ. Ɔsika ɔɔyia kasusu kani na bekyuli bani nékulo ago na badi Yudaƒuɔ mmɔ badubuti bɔsiku-nwu lɛlɔ ɔsu.

Koloseƒuɔ 3:9

Bitatɔlɔ lɛlɔ, ɔsika bɛ́da udu ɔkukudi ɔni nákya-mii kemmo mmɔ bídie.

Samuel 1 19:17

Ka Saul únu ɔmɛni ni, útéye Mikal ɔnini, “Bi ɔsu na átɔlɔ-mi lɛni na áya na mina ukisine úkeli ɔ́tɔlɔ-mi kudɔ?” Mmɔ na Mikal ɔ́su Saul ɔnini, “Bɔsu na mina ɔgyani ɔ́su-mi ɔnini, ‘Ya na nteesie si alayɔ anii ndu-ɔ.’ ”

Samuel 1 21:3

Bi adila na ebo ɔƒɛni? Ɔƒaalɛ ndubɔkɛ bodobodo ɛlɔ iye lɛla bamba lɛdi lɛƒɔ na ƒula kudɔ.”

Samuel 1 22:22

Ɔmɛni kama Dawid lɛnɔ ɔ́su Abiatar ɔnini, “Limeyi lɛmmɔ ni, Doeg ɔni ndi Edomni ɔmmɔ unye mmɔ. Ngyi ka anwu kani ndubɔsu Ɔga Saul ala amɛni ƒui. Na ɔkɛnku ami ɔsu na ƒ'ɔti ku nwuna lɛlɔ bekyuli ƒui baakɛ́ kukpi.

Samuel 1 22:9

Nsu Doeg ɔni ndi Edomni na unye Saul benengu bammɔ kudɔ ɔ́su ɔnini, “Lɛ́nu Yisai ubidi ɔmmɔ ka úbo Ahitub ubidi Ahimelek kudɔ na Nob.