Samuel 1 20:8 - Katɔti Ɔku Kedee

⁸ Ɔmmɔ ɔsu ka unwi bɔbla bunyimi nkya ami ku-ɔ ntɛ na Unwoti anumi ɔsu ni, muuvele-ɔ na atina-mi ƒula lɛƒɔndia. Na si bɔnu na awɔ lɛnɔ ánu áti ka lɛ́bla lɛla likpidi lɛdi ni, teti tesienku ƒ'ɔti, mmomu awɔ ɔlati du-mi kɔnakunwi.”

Samuel 1 20:8 ပူးပေါင်းရင်းမြစ်များ

Ala Kalɔ Buse 24:49

Ɔmɛni ɔsu ni, si bɛdubɔbla mina ɔtɔlati kaƒɔ buni na bɛdubɔdi nwuna litemi lɛlɔ bite-nwu ni, na bɛsu-mi. Na si ɔɔɔdi lɛni lɛnɔ ni, na bɛsu-mi na lɛti kesii kani na masia.”

Ala Kalɔ Buse 47:29

Na ka nwuna ukpiwi ɔ́ni úde ni, ɔ́ya na bálɔ Yoseƒ béte-nwu. Mmɔ na ɔ́su-nwu ɔnini, “Si mina lɛlɔ lɛ́da-a ebiti ni, na ete-mi kɔnu na akpali Katɔti ese-mi kenye ka adubɔbla-mi lɛƒɔndia lɛdi. Na adubɔdi-ka lɛlɔ lɛnɔ. Tava-mi na Egyipte mɛni.

Samuel 2 14:32

Amu na Absalom údie kenye ɔnini, “Nu, lɛ́tala nnii babalɔ-ɔ na etéye ɔga lɛla lɛni ɔsu na lɛ́si Gesur líbo mɛni. Na si mmɔ na lɛ́sɔ nkya muedi na nka ɔɔɔdia uuutulo? Anwuɔsu ya na lɛnu ɔga anumi kɔnakunwi, na si lɛ́bla likpidi lɛdi ni, na ɔdu-mi.”

Ala Alɛdi 1 12:17

Amu na Dawid úsie útásiaku-ma na ɔ́su-ma ɔnini, “Si atubɔyɔ kemmo na bɛkɛ bibo ka bibebunku-mi ni, nnye kagyumana ka lɛƒɔ-mii libunku lɛlɔ. Nsu si bubo na bíbo bɛnii bibedie-mi bite mina bekisine ɔni na mina enu ese sɛɛn na ńtabla likpidi lɛdi bɔdi ni, na muuvele bula bati Katɔti nnii, ɔtɛku-mii litemi lɛmmɔ.”

Kɔgya 116:11

Ina uwi ɔni na kayi kaakpulu-mi na ɔ́bla-mi dɛye dɛye ni, lɛ́su nnini, “Ɔkɔ banyine kani na bekyuli ƒui badi.”

Agba 3:3

Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Batalane Kabla 25:11

Si lɛ́bla lɛla lɛni na ɔlɛka badu-mi ni, ndubɔtuna na badu-mi! Nsu si ńtaƒiɔ ni, útalɛka awɔ iye ukyuli bamba uti-mi ute bekyuli bamɛni ɔnii badu-mi. Anwuɔsu lɛ́da mina litemi mɔɔvá Ɔga Unengudi Kaesare anumi!”

Yosua 2:14

Na Israelƒuɔ batu inyɔ bamɛni básu Rahab banini, “Si bútadi lɛla lɛni bɔdubo-ɔ bɔsu mɛni lɛlɔ ni, Katɔti ɔdu-bu. Na si átasu ukyuli ɔdi lɛla lɛni ɔsu búbo mɛni ni, buusé-ɔ kenye ka bɔdubɔbla-mii lɛƒɔndia si Unwoti úti kalɔ kamɛni ɔ́kya-bu enu kemmo.”

Yosua 22:22

“Unwoti Katɔti ndi Katɔti Ɔyikune Ƒui. Na anwu ndi Unwoti, na ɔgyi lɛla lɛni ɔsu na bɔ́bla lɛla lɛmɛni. Na abu lɛnɔ bɔɔyɔ́ ka amii lɛnɔ bɛti lɛla lɛni ɔsu na bɔ́tu lɛkpabi lɛmɛni. Na si bɔtu na bɔ́tu-nwu ka buuti bɔta bunye Unwoti lɛlɔ iye ka bɔɔlɛ́-nwu kama ni, bibo kuƒi ka bɛdu-bu.

Rut Keliela Ɔku 1:8

Uwi ɔni bésela ni, Naomi ɔ́su nwuna bebi bele bamɛni ɔnini, “Binwini biteesie bina ɔma na bitélie bina beni kudɔ. Na muuvele Unwoti nnii ɔbla lɛƒɔndia ute-mii aani kalɛ na bɛ́bla lɛƒɔndia bíte-mi ku bina bagya bani nékpi mmɔ.

Samuel 1 18:1

Ka Dawid ku Saul báwɔlɔ butemi kama ƒui ni, bɔyɔ bɔdi búbeduo Yonatan ku Dawid ntɛ. Na Yonatan ɔ́yɔ Dawid geen aani kalɛ na anwu Yonatan ɔɔyɔ́ nwuna lɛlɔ.

Samuel 1 18:3

Na Yonatan ku Dawid bényimi kpakplaa ka bana kɔkpana kɔsɔ kulékulo kudii, ɔsika baayɔ́ lɛlɔ geen.

Samuel 1 20:16

Anwuɔsu Yonatan ku Dawid bényimi ku lɛlɔ na Yonatan ɔ́su ɔnini, “Muuvele Unwoti nnii ɔtɛku Dawid bekisine ƒui litemi na bana ɔbladu kenye.”

Samuel 1 20:9

Amu na Yonatan údie kenye ɔnini, “Lɛɛɛdubo-ɔ bɔdu kudii! Na si bunu na línu iye lɛ́ti lɛnɔ ka mina ɔti ɔɔwia ka ɔdu-ɔ ni, áƒɔ ádi ka ndubuti lɛbɛla-a?”

Samuel 1 23:18

Mmɔ na bana inyɔ bényimi na Unwoti anumi ka lɛla lɛdi lilebile-ma ntɛ. Na Yonatan únwini ɔ́tɔlɔ, nsu Dawid anwu ɔ́ƒɔ lɛlɔ ɔkya Hores mmɔ.