Samuel 1 20:2 - Katɔti Ɔku Kedee

² Mmɔ na Yonatan údie kenye ɔnini, “Oowo, ɔmmɔ ulebo-nwu kemmo lɛni kudii! Ɔsika si geen geen na mina ɔti ɔɔbla kasusu ka ɔdu-ɔ ni, nka ɔdubɔsu-mi. Ɔsika mina ɔti ulabla lɛla lɛdi na uledie-mi kɔtɛ. Ami ńtaƒɔ lɛla lɛmmɔ.”

Samuel 1 20:2 ပူးပေါင်းရင်းမြစ်များ

Ala Kalɔ Buse 44:7

Nsu banana bammɔ bédie kenye banini, “Ati, bi ɔsu na aasu ala amɛni udu taasiku-bu lɛlɔ. Abu ƒula kabla bablane bulakana lɛmɛni udu bɔbla kudii!

Kɔgya 40:6

Akpala ku etela alaƒɔ-ɔ anu. Na aláwia anii bekyuli beboku akpala ani bákyula ku ekpidi lili buvele akpala. Mmomu anii nse atu na linu ƒula litemi.

Agba 29:24

Ukyuli ɔni nébunku uyune ni, anwu ɔlati muukisi lɛlɔ. Ɔsika ulakana kenye buse na ɔsu lɛla lɛni nálɛ.

Yesaia 50:5

Ɔ́ya na muusé atu teenu-nwu litemi na naaabla atu ɔkplu iye linwini kama lɛkya-nwu.

Luka 20:16

Mɔɔyá na bɛti ka ɔdububo ubadu kemmo lɛlɔ banune bammɔ ƒui na uti kemmo kammɔ ɔkya lɛlɔ banune babambadi lɛkɔkɔ.” Ka bekyuli bammɔ bénu lɛni ni, básu banii, “Oowo! Utebo lɛni!”

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Yohane 17:8

Kenye kani na ásu-mi ka mabasu-ma ni, bégyingya enu báƒɔ-ka. Na bagyi ka sɔsɔ na ɔdi ka ƒula kudɔ na lɛ́si, na awɔ nátala-mi.

Yosua 22:29

“Na bútata bútenye Unwoti lɛlɔ iye bɔ́lɛ-nwu kama kudii. Na bútatu lɛkpabi lɛdi na butaabla akpala nina lɛlɔ. Ntu Unwoti ɔni ndi bula Katɔti lɛkpabi lɛni na ɔ́tu lɛlɔ kani na bɔdubutaabla bula akpala.”

Yosua 24:16

Amu na Israelƒuɔ bammɔ ƒui bédie kenye banini, “Kudii, bulálɛ Unwoti kama, na bulasiaku baƒiɔ badi kama.

Samuel 1 14:45

Mmɔ na bekpone bammɔ básu banini, “Bulénu kalɔ bɔnii ukpi, ɔsika Yonatan na Katɔti úbunku asa na bɔ́di kekpo kamɛni lɛlɔ. Anwuɔsu ɔkɛnku Unwoti ɔni nli ngba lɛlɔ ni, bɔɔɔdubo bɔtuna na ina nwuna lili linwini linwi pɛ muedi lɛtimi-nwu lili.” Ɔmmɔ ɔsu bekpone bammɔ békpo báƒɔ Yonatan na bátadu-nwu.

Samuel 1 20:1

Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 20:12

Mmɔ ni, Yonatan ɔ́su Dawid ɔnini, “Mɔɔsu-ɔ kpakplaa na Unwoti, Israel Katɔti anumi nnii asa na limeyi lɛtɛdi liteedu ni, ndubuye mina ɔti na lɛnu-nwu kasusu lɛti na ƒula lɛlɔ. Na nsɔ mɔɔsu-ɔ kpakplaa nnii ndubɔya na ati mina ɔti kasusu si ɔɔwia-a lɛbuni.

Samuel 1 20:3

Nsu Dawid ɔ́su ɔnini, “Litemi lɛmmɔ lɛkya-nwu kemmo sɔsɔ. Ƒ'ɔti ɔgyi nwaa ka ami ku-ɔ bɔdi bakpana kpakplaa. Anwuɔsu ulasu-ɔ ka ɔɔwia-mi ɔdu, ɔsika ɔmmɔ ɔdubo-ɔ bukpoku geen. Mɔɔsu-ɔ na Katɔti ɔni nli ngba lɛnyi kemmo ka mina ngba bɔkya ɔgbankpi kemmo, ɔsika ƒ'ɔti ɔɔwia ka ɔdu-mi.”

Samuel 1 9:15

Na limeyi lɛni ntɔ asa na Saul úbo úbasiaku Samuel mɛni ni, Unwoti údie ala ammɔ ƒui ɔ́tina Samuel.