Samuel 1 20:1 - Katɔti Ɔku Kedee

¹ Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 20:1 ပူးပေါင်းရင်းမြစ်များ

Kɔgya 54:3

Baƒɔ bekpidi bani mbo ulikplu báta beekpóku-mi na baawia-mi badu. Na badi bekyuli bani naaadaku-ɔ lɛda.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Yohane 1 3:21

Anwuɔsu ni, banwa bayɔne, si bula kayi kaladu-bu kɔtɔ ni, na bɔdubɔkana na bunye Katɔti anumi ku kayi buse.

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Samuel 1 19:1

Limeyi lɛdi ni, Saul ɔ́su ubidi Yonatan ku bekpone batɔnkune bakladi ɔnii badu Dawid. Nsu Yonatan ɔɔyɔ́ Dawid geen.

Samuel 1 19:18

Amu na uwi ɔni na Dawid úkeli mmɔ ni, ɔ́tɔlɔ úsie Samuel kudɔ na ɔma ɔni baalɔ Rama. Na útásu-nwu ala ani ƒui na Saul ɔ́bla anwu Dawid. Ka ɔ́su Samuel ala amɛni ƒui ɔ́wɔlɔ ni, bana inyɔ bávi bálɛ ɔma ɔmmɔ kemmo na bétélie kesii kani baalɔ banii Naiot.

Samuel 1 20:2

Mmɔ na Yonatan údie kenye ɔnini, “Oowo, ɔmmɔ ulebo-nwu kemmo lɛni kudii! Ɔsika si geen geen na mina ɔti ɔɔbla kasusu ka ɔdu-ɔ ni, nka ɔdubɔsu-mi. Ɔsika mina ɔti ulabla lɛla lɛdi na uledie-mi kɔtɛ. Ami ńtaƒɔ lɛla lɛmmɔ.”

Samuel 1 20:32

Nsu Yonatan údie kenye buɛɛ na úye ɔti ɔnini, “Bi ɔsu na ɔdi ka Dawid ukpi, na bi likpidi na ɔ́bla?”

Samuel 1 24:11

Ati, aanu ƒula awu gyɔlɔɔ ɔni na akya kɔtu na líkulo nda mɛni. Ami ɔlati nékulo awu ɔmmɔ kɔtu, nsu ńtadu-ɔ. Ɔƒaani ni, mɔɔwia ka awɔ ɔlati anu ati nwaa ka ńtabla lɛla lɛdi ńtaƒiɔ-ɔ, na ńtata ńtenye-ɔ lɛlɔ lɛnɔ, nsu awɔ asiaku-mi aatú-mi uwi biala ka adu-mi.

Samuel 1 24:12

Muuvele Unwoti ka ɔtɛ litemi lɛmɛni na ami ku-ɔ ntɛ, na anwu ndubo-ɔ kayu bɔƒɔ na ala ani na aabla-mi kenye. Ɔɔɔdi ami ndubo mina kɔnu budie butuku-ɔ.

Samuel 1 24:17

Na ɔ́su Dawid ɔnini, “Adi ukyuli ɔni na ƒula ablala ese siin etulo ami adi. Awɔ ábla lɛla biala kaduɛ éte-mi na ami mmomu nábla-a likpidi.

Samuel 1 24:9

Mmɔ na ɔ́su Saul ɔnini, “Bi ɔsu na si bekyuli baatɔ́lɔ-ɔ banii mɔɔwia-a lɛdu ni, na aaƒɔ́-ma taadi?

Samuel 1 26:18

Bi ɔsu na awɔ mina ati asiaku ami ƒula kabla ɔblane lɛni? Líbile lɛla lɛdi, munuu likpidi linengudi lɛmani na lɛ́bla?