Samuel 1 2:9 - Katɔti Ɔku Kedee

⁹ Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.

Samuel 1 2:9 ပူးပေါင်းရင်းမြစ်များ

Hiob 18:18

Badubo-nwu bɔbɔku bɔlɛku bukeye kemmo butákya kasuudikɔ, na bayila-nwu udu kede kede na kayawi.

Hiob 40:13

Ya na benyimi-ma ku bekpine kɔvadi, na bava-ma basala na ɔtumu akɔ.

Hiob 5:16

Anwuɔsu bawabane baakɛ́ lɛnunsia. Na etemila ani na balatɛ teete-ma ulu lɛlɔ siin kenye keekúlo.

Hiob 5:24

Adubulie ku atu bɔyɔ, na lɛla likpidi lɛdi lɛsɔ liláni liléde ƒula kevo. Na ƒula baƒonu badubɔkya kaduɛ na lɛla lɛdi lɛsɔ lilékpoku-ma.

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Kɔgya 105:37

Na ɔ́kpanku Israelƒuɔ ɔ́lɛku kalɔ kammɔ lɛlɔ, Na béti Egyipteƒuɔ sika ugyiedi ku ɔƒualadi ƒui bátɔlɔku. Na ɔlɛne ɔdi uuubo-ma akɔ.

Kɔgya 121:3

Anwu ɔni mɔɔgyumana ukyuli ni, ulenye ulanu-ɔ na ayii kanyankɔ. Ɔsika ɔda-a ngba, na lɛlɛɛ liléti-nwu.

Kɔgya 121:5

Anwu mɔɔnu-ɔ lɛlɔ na ɔkɛ-ɔ kɔdianu kakɛ uute-ɔ ɔyuli.

Kɔgya 121:8

Na ƒula busie teebo ƒui ni, Unwoti Katɔti ɔdubɔnu-ɔ lɛlɔ ɔ́si ɔƒɛni úsela uwi ƒui kemmo.

Kɔgya 145:20

Na bani ƒui mɔɔyɔ́-nwu ni, ɔɔgyumana-ma. Nsu balalane ama ni, ɔdubɔyila-ma udu.

Kɔgya 31:17

O mina Unwoti, taya na kɔƒa kukpo-mi, ɔsika ƒula lɛnyi kani mɔɔlɔ. Nsu balalane ama ni, ya na kɔƒa kukpo-ma na batátɛ kaƒiɔtɔ kemmo kpoo.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Kɔgya 94:18

Uwi ɔni na lɛ́nu lɛ́ti ka nsɔ liiinye mina lɛgba lɛlɔ na muubuli ni, awɔ Unwoti ɔni mɔɔyɔ́-mi uwi ndi uwi náda-mi.

Kɔgya 97:10

Unwoti ɔɔyɔ́ bekyuli bani nkisi likpidi. Na ɔɔgyumana bekyuli bani nsiaku-nwu kama siin. Na uudie-ma taalɛku balalane enu kemmo.

Agba 16:9

Bɔɔkana na bɔɔbla kasusu ku kɔkwɛ na lɛla lɛdi lɛlɔ, nsu Unwoti mɔɔtina bula kasiakɔ.

Agba 2:8

Na bekyuli bani mɔɔdi nwuna litemi lɛlɔ siin ni, ɔɔgyumana-ma na bana kasiakɔ. Na ɔɔda bani nsiaku-nwu kama siin taasiaku bana kɔvinkɔ.

Agba 3:26

Ɔsika Unwoti lɛlɔ na ése kayi na anwu ndubudie-ɔ na alakya kakpagyuɛ kadi ɔgba.

Etemila 5:17

Na nwuna ngba emeyi ƒui ni, ulátuna bulie taadi nwaa ku ebiti mmomu úmii na nwuna kayi ku kasusu kemmo ku ɔdu kati kati.

Etemila 9:11

Lɛ́nu lɛla bamba lɛnɔ lɛ́ti na kayawi. Ɔɔɔdi bekyuli bani ngyi usi bukeli kaduɛ kani muukeli taadi lɛlɔ. Na ɔɔɔdi bekpone bani ngyi kekpo lɛlɔ ala kani muukpó taadi lɛlɔ. Lɛni kani na ɔɔɔdi banundane kani mɔɔkɛ́ adila abuni taadi. Na ɔɔɔdi bani kasusu kemmo nse nwaa kani muunwíni balakɛne iye bani ngyi bana kabla kadi lɛlɔ ala mɔɔƒɔ́ lɛnyi. Mmomu uwi ku lilidia kuƒi kubunku.

Yesaia 27:3

Bɛsu ka ami Unwoti mɔɔnu kemo kammɔ lɛlɔ. Na muuwi-ka ntu uwi ndi uwi na mɔɔgyumana-ka lɛnɔ usien ku ɔƒɛ kalɛ na ukyuli ɔdi ulésie uletébile-ka.

Yesaia 47:5

“Babel, bile kenye kpoo na asɔ elie kasuudikɔ mmɔ, ɔsika kadi kadi bekyuli basɔ baaadubo-ɔ bɔnu aani bana uleku ɔga.

Yeremia 8:14

Yudaƒuɔ básu lɛlɔ banini, “Bi ɔsu na bɔ́sɔ bunye bɔɔnu? Bɛya na bukeli buteesie lɛma lɛni na bátu bámana-ni kemmo na butékpi na mmɔ. Bɔ́ta búnye Unwoti lɛlɔ na bádu-bu kɔtɔ banii bɔni ugyulo ukpidi na bukpi.

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Nahum 1:8

Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Seƒania 1:15

Limeyi lɛmmɔ lɛdubɔbla kɔnyi ku lɛbibo ku ɔlɛ bunu pii, ɔsika limeyi lɛmmɔ lɛdanku ɔgbankpi ɔni ndubo bekyuli bɔyila. Na lɛdisa lɛdubɔƒɔ lɛla biala na bekyuli bayila lɛnunsia biala. Na liƒlukutu lɛdubɔya na ɔyuli ubi lɛla biala na ɔƒɛƒɛɛ kpakplaa uteekpo.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Bumomo Bɔka 6:24

“ ‘Unwoti ute-mii kusɛ kusɛ na ɔda-mii,

Mateo 8:12

Nsu Katɔti ɔdubɔbɔku Yudaƒuɔ badi bani nka badi bagadine mmɔ utákya kasuudikɔ. Mmɔ na badubuwulo na badu bana anumi.”

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Lɛkpa Ulu 33:3

Unwoti ɔɔyɔ́ nwuna bekyuli na ɔɔgyumana bani ndi nwuna badi. Anwuɔsu bɔɔlɛ-nwu akɔnkɔ kalɔ na bɔɔdi nwuna ɔda bubo lɛlɔ.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Petro 2 2:17

Bekyuli bamɛni bese aani abiɔ ani nákwi, iye ɔni na ɔƒɛƒɛɛ ɔda ɔɔvínku. Ama na Katɔti ɔ́da kesii kani nse suu mmɔ úse.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.

Samuel 1 25:26

“Anwuɔsu muuvele-ɔ nnii, ka Unwoti úbunku-ɔ na údie-ɔ ɔ́siku kalɛ na eti ƒula enu ewi ukyuli ubugya kalɔ iye edie-nwu kasi kadi ɔsu ni, na ƒula anumi mɛni mɔɔkpali Unwoti ɔni nli ngba uwi ƒui nnii ɔya na ƒula bekisine bani mɔɔwia-a badu babla aani kalɛ na Nabal use.