Samuel 1 2:30 - Katɔti Ɔku Kedee

³⁰ “Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Samuel 1 2:30 ပူးပေါင်းရင်းမြစ်များ

Baga 1 11:11

Ɔmmɔ ɔsu Unwoti ɔ́su Salomo ɔnini, “Ka udu ɔmɛni ɔkya-a kemmo na átakana mina ɔda bubo lɛlɔ bɔdi ɔsu ni, ndubo ƒula lɛgakadikɔ bugyingya na liti-ka lite ƒula kalɔ bakyane akɔ unwi ɔdi.

Baga 1 2:27

Ɔmɛni ɔsu Salomo ɔ́da Abiatar údie ɔkpane kabla kemmo, na kenye kani na Unwoti ɔ́su ɔ́siku Eli ɔtɔ kemmo bekyuli lɛlɔ na Silo úbo úte lɛni.

Ala Alɛdi 1 17:18

“Ƒula kabla ɔblane na ndi na agyi mina lili kemmo kasusu ƒui. Bi na ndubɔsɔ lɛkana bɔsu ɔƒɛni bɔsiku kalɛ na ákɔliku-mi kɔtɔ mɛni lɛlɔ?

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Ala Alɛdi 2 26:18

Béye-nwu etemila geen na básu-nwu banini, “Ɔɔɔdi ulu ka ɔbla lɛla lɛni udu na aabla mɛni, ɔsika Aaron bebi bani na bése likpo aani bakpane kani na ɔlɛka babla bɔkyula ɔdi ɔmɛni udu. Anwuɔsu ɔlɛka avi alɛ mɛni! Ábla likpidi áƒiɔ Unwoti ɔni na nwuna kusɛ kusɛ ɔsɔ ɔɔɔdubo-ɔ bɔsiaku.”

Kɔgya 18:20

Unwoti ɔ́bla-mi lɛƒɔndia, ɔsika nsiaku-nwu kama siin na úse-mi kɔdɛ, ɔsika likpidi lɛdi lɛɛɛda-mi.

Kɔgya 18:26

Na bani mɔɔsia bana ablala anu ni, awɔ lɛnɔ aasia ala anu teete-ma. Na bani na balásia bana ablala anu ni, aaní-ma kɔtu na bana ablala kenye.

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Kɔgya 73:20

Na bana uwi use aani kalɛ na ukyuli ɔɔtɛ teegye kɔna na si ɔ́ta ni, ɔ́sa lɛla biala lɛ́vi.

Kɔgya 91:14

Katɔti ɔnini, “Ukyuli ɔni mɔɔyɔ́-mi na ɔ́nu-mi ɔ́ti ni, ndubɔgyumana-nwu na lɛƒɔ-nwu ngba.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Israelƒuɔ Bɔlɛ 28:43

Na uwi biala na beeduo Adi Kevo kammɔ kemmo iye bébo bababla ɔkpane kabla na mina lɛkpabi kudɔ ni, na baláni lɛtuni beleboku lɛlɔ na ɔdi wekpi. “Na ɔda bubo bɔmɛni bɔdubuse bute anwu ku nwuna kaba bebi úsela uwi ƒui.”

Israelƒuɔ Bɔlɛ 29:9

Na eti atɛntɛ aduni ammɔ ada-ma eli. Na eti bana aduni ada-ma kavobi. Na ese-ma aani mina bakpane kalɛ. Ɔsika ama ku bana bawɔ ndubo mina bakpane bɔbla úsela uwi ƒui.

Agba 12:8

Ukyuli ɔni na ubo kasusu kabuni lɛlɔ lɛɛda bekyuli ƒui ebiti, na beení bani nsiaku kalala ulu.

Agba 4:8

Ya lɛnunda lɛ́ƒɔ-ɔ kuye geen na lɛdubɔkɔliku-ɔ katɔ. Kya-nwu kɔgbu na ɔbu ɔdubɔkya-a lɛlɔ.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Yesaia 29:13

Unwoti ɔ́su ɔnini, “Bekyuli bamɛni bada bana kenye kani baabu-mi, nsu balayɔ-mi na bana kayi kemmo. Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.

Yeremia 29:32

Na ala ani na ɔ́ɔsu-mii bɔsu bɔsu ɔsu bínwini batuɔkplune na bɛsɔ bilenu-mi litemi. Anwuɔsu ndubo-nwu kɔtu bɔni geen na anwu ku nwuna bawɔ ɔdi biala ɔɔɔdubo ngba bulie bɔnu lɛbuni lɛni na ndubo bɔbla bute mina kadi bekyuli.”

Yeremia 49:15

“Ndubo-mii bɔbla na bɛsɔ na kadi ƒui akɔ na balabu-mii balakya lɛla lɛdi akɔ.

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Malakai 2:3

“Ndubo bina bebi ku bawɔ kɔtu bɔni. Na ala ani na bɛ́kpɛ bídie bebuo bani na bíbakpa bíte-mi livo kemmo ni, ndubuti-ni lisusu-mii anumi na lidie-mii atu na bɛyii udu.

Bumomo Bɔka 11:20

Mmomu bɛdubo lɛna lɛmmɔ bɔkun kɔbuli kumodi sɔɔn utédu ka lɛna lɛmmɔ lɛdi lɛ́lɛ-mii enwu kemmo na bɛ́kɛ ɔlɛ bɛ́siku-nwu kemmo na bikisi-ni, ɔsika bíni Unwoti ɔni nkya-mii akɔ, na bíwulo kɔnyana na nwuna anumi na bɛɛsu bɛnini, “Bi ndi lɛla lɛni ɔsu geen na bɛ́lɛ Egyipte kalɔ lɛlɔ?” ’ ”

Bumomo Bɔka 35:34

Anwuɔsu bitebile kalɔ kani lɛlɔ na bilie na ami lɛnɔ nkya-mii akɔ, ɔsika ami Unwoti nli Israelƒuɔ akɔ.’ ”

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Yohane 5:44

Dɛ na ɔdubɔbla asa na bɛƒɔ-mi bɛdi ka bilie bɛɛwia bumwi taasiku bina lɛlɔ kudɔ, na biláwia ka Anwu ɔni lɛti pɛ ndi Katɔti umwi-mii?

Yohane 8:49

Amu na Yesu údie kenye ɔnini, “Kɔyu kukpidi kɔdi kɔɔɔsiaku-mi. Ami mɔɔtalaku mina Ɔti lɛnyi katɔ, nsu amii biibile-mi lɛnyi.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Litemi Batɛne 9:10

“Amu na básɔ básu kɔdingyii banini, ‘Bo na ababla bula ɔga.’