Samuel 1 2:3 - Katɔti Ɔku Kedee

³ Amii bani muukú lɛlɔ ni, bɛda bina lɛlɔ buku ku asula bɛya. Ɔsika Unwoti ndi Katɔti ɔni ngyi lɛla biala. Na ɔɔkɔ́ku ablala ƒui taanu.

Samuel 1 2:3 ပူးပေါင်းရင်းမြစ်များ

Baga 1 8:39

na enu bana bɔkpali na kesii kani na akya na katɔ mmɔ. Na eti bana ekpidi akyiɛ-ma na ete-ma kebunku. Ɔsika awɔ lɛti ngyi ukyuli kasusu ku kayi kemmo, na aablaku ukyuli biala kalɛ na ɔ́manku

Hiob 31:6

Ya na Katɔti ɔlati ɔkɔku-mi ɔnu na unu lɛkɔkula lɛbuni geen lɛlɔ, na ɔnu si lɛ́bla-nwu likpidi lɛdi.

Kɔgya 147:5

Bula Unwoti Katɔti úbomo na ubo ɔyikun geen. Nwuna lɛnunda lɛni na ɔda ɔɔnu ala kemmo kágyu geen, na uuubo kawɔlɔkɔ.

Kɔgya 17:10

Ɔsika bekyuli bammɔ udu balanu bekyuli kɔnyana, mmomu baatɛmi taakun lɛmɛnɛ.

Kɔgya 31:18

Bala ɔkɔ banyine bammɔ ƒui kenye, ɔsika baakun lɛmɛnɛ na baatalaku lɛlɔ katɔ. Na baalɔ bekyuli bani nsiaku-ɔ kama siin anyikpi.

Kɔgya 44:21

awɔ Katɔti adubɔnu ati. Ɔsika agyi abɛla ani nkya bekyuli kayi kemmo.

Kɔgya 75:5

Na lɛya na bada lɛlɔ katɔ bɔkɔliku baya.”

Kɔgya 94:4

Enyekpi kani na baatɛmi uwi ndi uwi na baakun lɛmɛnɛ na bana likyulikpi ala ani na baabla lɛlɔ.

Agba 16:2

Bekyuli baanu ka bana ablala akɛ ulu ɔbuni lɛlɔ. Nsu Unwoti mɔɔkɔ́ku lɛla biala taanu kalɛ na lɛdia.

Agba 24:12

Tekeli kabla kadi na akya kakwɛ anii átati anii awɔ na ɔlɛka abla-ka. Ɔsika Unwoti ɔgyi ukyuli biala kayi kemmo na ɔɔnu awɔ lɛnɔ. Anwu mɔɔnu ƒula kɔyu lɛlɔ na ɔgyi ka áti kabla kammɔ lɛlɔ litemi. Na ɔdubɔtɛku bekyuli ƒui litemi na lɛla lɛni na bábla lɛlɔ.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Esekiel 35:13

Na bidumi ami ɔlati muedi na línu ɔnaƒui kede kede.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Malakai 3:13

“Bɛ́tɛmi enyekpi bonwu bonwu bɛ́siku-mi lɛlɔ, nsu ɔƒaani buye na biiye bɛnini, ‘Bi na bɔ́su o-o?’

Hebriƒuɔ 4:12

Katɔti litemi lɛdi lɛla lɛni mbo ngba na lɛɛbla kabla pla pla teetulo kewii kani na bádɔ-ka lɛvi inyɔ. Na liiduo ukyuli kasusu ku kɔyu ntɛ. Na lɛɛbla lɛni aani kalɛ na kewii keele ɔlɔna ku ekubi ntɛ. Litemi lɛmmɔ lɛɛnu lɛla biala lɛni nkya ukyuli kasusu ku kayi kemmo taatina-nwu.

Yosua 22:22

“Unwoti Katɔti ndi Katɔti Ɔyikune Ƒui. Na anwu ndi Unwoti, na ɔgyi lɛla lɛni ɔsu na bɔ́bla lɛla lɛmɛni. Na abu lɛnɔ bɔɔyɔ́ ka amii lɛnɔ bɛti lɛla lɛni ɔsu na bɔ́tu lɛkpabi lɛmɛni. Na si bɔtu na bɔ́tu-nwu ka buuti bɔta bunye Unwoti lɛlɔ iye ka bɔɔlɛ́-nwu kama ni, bibo kuƒi ka bɛdu-bu.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Litemi Batɛne 9:38

Mmɔ na Sebul ɔ́su Gaal ɔnini, “Wɛ na ƒula lɛmɛnɛ lɛni akya aakun lɛkya? Ɔɔɔdi awɔ néye anini, ‘Bi ɔsu na ɔlɛka bɔkya Abimelek ɔmɛni kalɔ?’ Na ɔɔɔdi awɔ nkya muutemi enyekpi teewi bekyuli bamɛni? Ta na eteesie etékpoku-ma!”

Samuel 1 16:7

Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”