Samuel 1 2:26 - Katɔti Ɔku Kedee

²⁶ Na uwi ɔmmɔ kemmo ƒui ni, Samuel ɔɔlɛ́ lili geen na nwuna lɛlɔ lɛɛda Unwoti ku bekyuli bammɔ ƒui ebiti.

Samuel 1 2:26 ပူးပေါင်းရင်းမြစ်များ

Ala Kalɔ Buse 39:4

Yoseƒ lɛlɔ lɛ́da-nwu kubiti geen. Anwuɔsu úti Yoseƒ únwini ukyuli ɔni na ɔɔtala na ɔɔbla nwuna kaduli ala teete-nwu ɔni na Potiƒar lɛla biala lɛkya-nwu enu kemmo.

Agba 3:3

Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Agba 3:4

Ɔmɛni ɔdubɔya na aƒɔ lɛnyi na adia na Unwoti ku bekyuli ƒui anumi.

Luka 1:80

Amu na ubi ɔmmɔ ɔ́lɛ lili na nwuna kayi kasia Katɔti lɛlɔ kpakplaa. Na ketele ntɛ kani na úlie úti útédu uwi ɔni na ɔ́da ɔ́lɛ Israel kadi anumi.

Luka 2:40

Ubi ɔmmɔ ɔ́lɛ lili na ɔ́kɛ lɛlɔ ɔkplu, na ɔ́da anu geen. Na nwuna lɛlɔ lɛ́da Katɔti kubiti.

Luka 2:52

Na Yesu úbalɛ lili na lɛnunda ku ɔlɔna kemmo, na ɔ́ƒɔ lɛnyi na bekyuli ku Katɔti ƒui anumi.

Batalane Kabla 2:47

Na baagyá Blɔti enu na beemwi-nwu lɛnɔ. Na bekyuli ƒui baabu-ma. Na limeyi biala ni, Unwoti uuti bekyuli babambadi bani na ɔɔƒɔ́ teebunku-ma lɛlɔ.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Litemi Batɛne 13:24

Amu na uleku ɔmɛni úbawɔ ubi ɔnanabi na ɔ́sia-nwu lɛnyi ɔnii Simson. Na ɔnanabi ɔmɛni ɔ́lɛ lili na Unwoti úte-nwu kusɛ kusɛ.

Samuel 1 2:21

Unwoti ɔ́bla Hana lɛƒɔndia sɔsɔ na ɔsɔ úbada kaƒɔ na ɔ́wɔ bebi bananabi ɛtɛ ku belekubi inyɔ. Na uwi ɔmmɔ kemmo ni, Katɔti anumi ásia Samuel lɛlɔ na ɔ́lɛ lili geen na kakpakɔ mmɔ.

Samuel 1 3:19

Kalɛ kani na Samuel ɔɔbi lɛlɔ teebu ni, lɛni na Unwoti ɔsiaku-nwu. Na ala ani ƒui na ɔɔsu ni, eebo-nwu kemmo lɛni, na ɔdi ulásia kɔmadɔ.