Samuel 1 2:25 - Katɔti Ɔku Kedee

²⁵ Si ukyuli ɔdi ɔ́bla nwuna ɔkpana lɛla lɛdi ni, Katɔti ɔɔkana na ɔɔklibi bana ntɛ litemi na unwi bɔbla bubo. Nsu si Unwoti ɔmmɔ ɔlati na áƒiɔ bɔƒiɔ bonwu bɔdi udu ni, ɔma ndubɔkana awɔ ku Unwoti ntɛ buduo na uvele ute-ɔ?” Nsu ɔmɛni ƒui ni, bebi bammɔ bétenu bana ɔti bɔdɔnku ku bɔlɛ. Ɔsika Unwoti ɔ́ɔlɛ ugyii ka ɔyila-ma udu.

Samuel 1 2:25 ပူးပေါင်းရင်းမြစ်များ

Ala Kalɔ Buse 38:10

Na Katɔti ɔ́nu ka lɛla lɛni na Onan lɛnɔ ɔɔbla mɛni lɛdi kalala na nwuna anumi ɔsu ɔ́ya na anwu lɛnɔ úkpi.

Ala Kalɔ Buse 38:7

Nsu Er ablala na Unwoti Katɔti anumi ni, ɔɔtina ka ubo kalala. Ɔmmɔ ɔsu ni, Unwoti Katɔti ɔ́ya na Er úkpi.

Baga 1 8:31

“Na muuvele-ɔ nnii si ɔnwa ɔdi ɔ́ƒiɔ ɔkpanadi na ɔlɛka use kenye kadi, na úbo kakpakɔ kamɛni Lɛkpabi lɛlɔ úbese kenye kammɔ ni,

Baga 1 8:32

na enu asiku katɔ na atɛ litemi lɛmmɔ. Na ɔni na ádu kɔtɔ ni, na ani-nwu kɔtu kalɛ na ɔ́manku. Na edie ɔni nátaƒiɔ ubo atina na ukeye.

Ala Alɛdi 2 10:15

Amu ka bekyuli bammɔ bánu báti ka Rehoboam ɔɔɔdubo-ma litemi bunu ɔsu ni, báva momoomo básu banini, “Bɔdubɔta bunye Dawid ɔtɔ kemmo bekyuli litemi lɛlɔ na utalɛka bunu-ma litemi na bɔdi-ni lɛlɔ. Bɔkana na butaabla lɛla lɛni na abu alati bɔɔyɔ́. Bula kadi bekyuli Israelƒuɔ, bibo na bɛya na buteesie bula ɔma! Na Rehoboam utaadi nwuna bekyuli lɛlɔ.” Amu na Rehoboam ɔ́tala Adoniram ɔni nnye kabla bɔbla kenye ɔnii utátɛmiku bekyuli bammɔ, nsu bekyuli bammɔ bébo-nwu atabi bádu. Mmɔ na Rehoboam úkeli úsie nwuna ɔpɔnkɔ kɛɛkɛ kudɔ na útéti-nwu na úkeli ɔ́tɔlɔ úsie Yerusalem. Na ɔmmɔ kama Israelƒuɔ adua ani na ási kalɔ kammɔ katɔ kakɛ ƒui bátɔlɔ bésie bana kalɔ lɛlɔ na bányonu Rehoboam na utaadi bani ndi Yudaƒuɔ kani lɛlɔ. Na ɔ́si limeyi lɛmmɔ lɛlɔ ni, Israelƒuɔ adua atɔdi ammɔ áta enye Dawid ku nwuna ɔtɔ kemmo bekyuli bani na Yuda kalɔ lɛlɔ lɛlɔ.

Ala Alɛdi 2 25:16

Nsu kenye udiene ɔmmɔ útawɔlɔ tɔ lɛla lɛni na uuye asa na Ɔga Amasia ɔ́tu-nwu kenye ɔnini, “Aaadi mina kasusu bakyane akɔ ɔdi! Anwuɔsu si aaagyi na ásɔ ébimi kenye ásu lɛla lɛdi ɔƒɛni ni, ndubɔya na badu-ɔ.” Mmɔ kani na kenye udiene ɔmmɔ ɔ́da butemi ɔ́ya. Nsu ɔ́su ɔ́sia ɔnini, “Katɔti úse ka ɔyila-a udu geen! Ɔsika kudeedi ni, ábla likpidi na ásɔ éni mina bɔlɛ.”

Hiob 9:33

Na nka mɔɔwia ka ukyuli ɔdi uduo-bu ntɛ na ɔsia-bu kɔnu,

Kɔgya 51:16

Ɔsika ɔɔɔdi akpala na aawia nka ndubuti adi liboku-ɔ. Na ala ani bɔɔkyula teete-ɔ lɛnɔ alaƒɔ-ɔ anu.

Kɔgya 51:4

Awɔ kani na lɛ́bla alaekpidi amɛni lɛ́ƒiɔ. Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ

Agba 13:1

Ubi ɔni na ɔ́da anu ni, ɔɔtuna na nwuna bawɔne baatumini-nwu kalɛ na ɔ́manku. Na ɔnamu ɔni muuti lɛla biala taakya bɔƒia ni, ulenu litemi.

Agba 15:10

Ukyuli biala na únwini kama ɔ́kya ulu geen ɔmmɔ ni, Unwoti ɔdubɔni-nwu kɔtu kpakplaa. Na ukyuli ɔni nkisi ka bedie-nwu bɔƒiɔ ni, ɔdubo bukpi.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Etemila 3:3

Uwi ɔni baadú lɛla lɛdi ɔkya, na uwi ɔni na baabwi lɛnɔ ɔkya. Na uwi ɔni na baabwɛ lɛnɔ ɔkya, na uwi ɔni na baatú lɛnɔ ɔkya.

Bumomo Bɔka 15:30

“ ‘Nsu si ukyuli ɔdi ɔgyi nwaa asa na ɔ́bla likpidi lɛdi na ɔdi ɔmantɛ ubi iye ɔdi ɔƒɔ ni, ukyuli ɔmmɔ udu ɔlɛka bada-nwu bedie bina akɔ.

Lɛkpa Ulu 1:17

Na ɔdi utanu anumi utatɛ litemi lɛdi. Mmomu batɛ-ni ulu lɛlɔ. Ɔlakɛne na ɔdi o-o, ɔwabane na ɔdi o-o ni, batayia ɔdi biala. Batɛku ɔdi biala litemi kalɛ kani na ɔ́manku-nwu. Na mɔɔsu-mii nnii kalɛ biala na litemi lɛmmɔ lise ni, Katɔti ɔdubute-ma kasusu na batɛ-ni ulu lɛlɔ. Na lɛ́su-ma ka si litemi bɔtɛ bɔdi bútulo-ma ni, beti litemi lɛmmɔ beboku-mi na lɛtɛ lite-ma.

Lɛkpa Ulu 2:30

Nsu Ɔga Sihon anwu útenu kalɔ ka bɔsia bana kalɔ kemmo. Bina Unwoti Katɔti nábla-nwu na nwuna kayi káyu ɔkplu kalɛ na bukpoku-nwu na bɔdi-nwu lɛlɔ.

Timoteo 1 2:5

Sɔsɔ ni, Katɔti unwi kani nkya. Na kɔnu ɔsiane lɛnɔ unwi kani nkya. Anwu ndi ukyuli ɔni baalɔ banii Kristo Yesu. Anwu mɔɔklibi abu ku Katɔti ntɛ.

Hebriƒuɔ 10:26

Nsu si bɔgyi ƒui na búti bɔ́sia lɛlɔ na bɔɔbla ala ekpidi na uwi ɔni na bédie litemi geen lɛmmɔ ala bátina-bu ni, na likpidi buti taakyiɛ akpala adi asɔ eeebo na babla lɛnɔ.

Hebriƒuɔ 10:27

Mmomu ɔlɛka bunye butaanu ulu ku liƒu ka badubɔtɛku-bu litemi. Ɔsika ogya bonwu ɔni muubile ala ubakyula Katɔti bekisine ƒui.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

Samuel 1 3:14

Ɔmmɔ ɔsu líse kenye na lɛ́su ka Eli ku nwuna kaduli bekyuli likpidi lɛni na bábla ni, akpala iye kɔtɔ bukpi etela adi alakana likpidi lɛmmɔ budie.”