Samuel 1 2:24 - Katɔti Ɔku Kedee

²⁴ Oowo! Mina bebi, ńtatunaku-mii. Unwoti bekyuli bamɛni beledie-mi kenye buni kadi.

Samuel 1 2:24 ပူးပေါင်းရင်းမြစ်များ

Baga 1 15:26

Na aani kalɛ na ɔti ɔ́bla kalɛ ni, anwu lɛnɔ ɔ́bla likpidi. Na ɔ́tɔnku Israelƒuɔ lɛnɔ na bábla likpidi na Unwoti anumi.

Baga 1 15:30

Na ɔmɛni úbo úte lɛni, ɔsika Yerobeam ɔ́kya Unwoti ɔni ndi Israelƒuɔ Katɔti kɔnyi ɔ́kɛnku likpidi lɛni na ɔ́bla ku lɛla lɛni na ɔ́ya na Israelƒuɔ lɛnɔ bábla ɔsu.

Baga 2 10:31

Nsu Yehu úteti nwuna kayi ƒui útasia Unwoti ɔni ndi Israelƒuɔ ɔti ɔda bubo lɛlɔ. Mmomu ɔ́siaku Yerobeam ɔbladu kama na ɔ́kpanku Israelƒuɔ útákya likpidi kemmo.

Israelƒuɔ Bɔlɛ 32:21

Amu na Mose úye Aaron ɔnini, “Bi na bekyuli bamɛni bábla-a ɔsu na áya na bábla likpidi bonwu lɛmɛni udu?”

Malakai 2:8

Nsu bínwini kama bɛ́kya-mi. Na bina ala ani bɛɛtina mmomu mɔɔkpanku bekyuli na beesié taatábla ala ekpidi. Na bíbile bunyimi bɔni na línyimiku bina ati kuuku Lewi.

Mateo 18:7

“Bɔbuɛ muute kayawi ɔsika ala adi akya-ka kemmo ani ndubɔya na bekyuli benwini kama bakya bana bɔƒɔtaadi na mina lɛlɔ. Ala ammɔ udu adubo bɔkya uwi biala bɔdi. Nsu ukyuli ɔni lɛlɔ na ala amɛni adubɔsia eduo bekyuli akɔ ni, bɔbuɛ ndi anwu ɔdi.

Batalane Kabla 6:3

Na ɔƒaani ni, banwa, bɛnu bɛmana na bidie nkyuli maatɛ bani náda anu na Katɔti Kɔyu kɔ́ƒɔ-ma lɛlɔ kemmo ƒui. Na bɔdubuti-ma buse kabla kamɛni kenye kalɛ na abu bɔkɛ uwi bute Katɔti bɔkpali ku litemi buni bɔsu ku ala bɔtina.”

Korintoƒuɔ 2 6:8

Bekyuli badi baabu-bu, na badi lɛnɔ beewi-bu anumi kalɔ. Badi beedumi-bu na babambadi lɛnɔ beemwi-bu. Bekyuli baanu-bu aani ɔkɔ banyine, nsu litemi geen lɛmmɔ na bɔɔsu.

Timoteo 1 3:7

Ɔlɛka ɔbla ukyuli ɔni na ubo lɛnyi buni na bekyuli bani naaadi baƒɔtaadine lɛnɔ anumi, kalɛ na balasu lɛla likpidi lɛdi na nwuna lɛlɔ na weduo ukisine ɔmmɔ kakpagyuɛ kemmo.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Yohane 3 1:12

Na Demetrio anwu ni, ukyuli biala ɔɔlɔ-nwu lɛnyi buni. Na kalɛ na bɔɔnu litemi geen lɛmmɔ na nwuna lɛlɔ kemmo ni, úte-nwu lɛnyi buni. Na abu lɛnɔ bɔɔlɔ-nwu lɛnyi buni. Na bɛgyi ka lɛla lɛni na bɔɔsu lise lɛni.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Samuel 1 2:17

Eli bebi bamɛni beléte Unwoti akpala ɔbu ɔdi ɔni na bana likpidi lɛmɛni lɛdi bɔƒiɔ bunengudi geen na Unwoti anumi.

Samuel 1 2:22

Na Eli lɛnɔ ɔ́ɔbi geen na uunú lɛnɔ kalɛ na nwuna bebi bamɛni baabla Israel kadi bekyuli ƒui. Na Adi Kevo kani kemmo baasiáku Katɔti kenye, baatɛnku beleku bani mɔɔbla kabla mmɔ.

Samuel 1 2:23

Anwuɔsu úye-ma ɔnini, “Bi ɔsu na bɛɛbla Israel kadi bekyuli ƒui udu ukpidi ala ani na muunú taasiku-mi lɛlɔ mɛni udu?