Samuel 1 2:20 - Katɔti Ɔku Kedee

²⁰ Na Eli uute Elkana ku ulekudi kusɛ kusɛ. Na ɔɔsu-ma ɔnini, “Unwoti ute-mii bebi bamba na bɛwɔ, na ama benye udeedi kenye ka anwu na ƒ'ulekudi úvele Unwoti na úte-nwu, na ɔ́sɔku-nwu úte Unwoti.” Na ɔmmɔ kama ni, baasɔ teenwini teesie bana ɔma.

Samuel 1 2:20 ပူးပေါင်းရင်းမြစ်များ

Ala Kalɔ Buse 14:19

Úvele kusɛ kusɛ úte-nwu ɔnini, “Katɔti Ɔni Ntulo Ƒui na anwu nédie katɔ ku kalɔ ni, ɔdubɔya na nwuna kusɛ kusɛ ɔsiaku Abram.

Malakai 2:15

Budie na Katɔti údie awɔ ku ƒ'ulekudi ka bɛbla aani ukyuli unwi. Na bi ɔsu na ɔ́bla lɛni? Ɔdi ka bɛwɔ bebi na bɛtɔnku-ma na benwini Katɔti bekyuli. Anwuɔsu bɛda bina ngba kaduɛ, na bitalɛ bina lɛkloƒu uwi uleku kama kudii.

Luka 2:34

Na Simon úte-ma kusɛ kusɛ na ɔ́su Maria ɔnini, “Ubi ɔmɛni ɔdi Katɔti Ukyuli Ɔƒunadi. Na ɔdi bɔƒɔ iye bɔyii ute Israelƒuɔ pii na kalɛ na báƒɔ-nwu kenye. Ɔdi bɔnu bɔti bɔni nási Katɔti kudɔ na bekyuli pii badubɔta benye-nwu lɛlɔ.

Rut Keliela Ɔku 2:12

Muuvele Blɔti nnii ɔƒɔ-ɔ kayu na lɛla lɛni na ábla mɛni ɔsu. Na nsɔ muuvele Unwoti Israel Katɔti ɔni kudɔ na ébo mɛni ka ɔgyumana-a na ɔƒɔ-ɔ kayu ƒui.”

Rut Keliela Ɔku 4:11

Amu na benengu bammɔ ku bekyuli bani ƒui nli mmɔ básu banini, “Ɛɛn, bɔdi kenye bediene bute-ɔ. Na buuvele Unwoti bɔnii ulekubi ɔni ndubo ubelie-ɔ kaduli mmɔ ni, ɔbla-nwu aani Rahel ku Lea kalɛ. Rahel ku Lea bamɛni náwɔ bebi pii béte Israel. Na buuvele bɔnii kɛ akɛla pii na Eƒrata ɔtɔ ɔni kemmo na Unwoti ɔ́bla-a ukyuli ɔni náƒɔ kuye na Betlehem.

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”