Samuel 1 2:15 - Katɔti Ɔku Kedee

¹⁵ Na ɔƒaani ni, lɛmwi lɛmmɔ muedi asa na badubɔkyula-ni ni, kabla ɔblane ɔmmɔ uubo na ubasu ukyuli ɔni mɔɔbla akpala ammɔ ɔnini, “Bite ɔkpane nwuna lɛna na ɔgyi, ɔsika ulawia ka buƒulo nwuna lɛna mmomu ɔɔwia-ni ɔwɔdi.”

Samuel 1 2:15 ပူးပေါင်းရင်းမြစ်များ

Israelƒuɔ Bɔlɛ 12:9

Nsu ukyuli biala uteƒulo lɛna lɛmmɔ lɛdi iye ɔkun lɛna lɛmmɔ ɔwɔdi, mmomu biƒi-ni ku lili ku lɛgba ku aƒɔla ammɔ ƒui na bɛkun.

Lewiƒuɔ Ɔda Bubo 3:16

Na ɔkpane ɔdubuti ala amɛni kakɛ ɔkyula na lɛkpabi lɛlɔ. Na ɔmmɔ ɔdubɔbla ogya akpala bɔkyula ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ aani kalɛ lɛdila liimó ukyuli. Unwoti mbo lɛmwi biala.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Samuel 1 2:14

Kabla ɔblane ɔmmɔ uuti ɔvili ɔmmɔ na ubatu lɛna lɛni nsia ogya mmɔ lɛdi udie na libui kemmo. Na ɔkpane ɔmmɔ lɛnɔ ɔƒɔ-ni. Na lɛni kani na baabla ku Israelni biala ɔni nébo Silo mmɔ.

Samuel 1 2:16

Uwi pii si úbo lɛni ni, bɔsu na bekyuli bammɔ baasu banii kabla ɔblane ɔmmɔ ɔlati udie lɛni na ɔɔyɔ́. Mmomu ɔya na baka-ni buti bɔkpa bute Unwoti asa. Nsu kabla ɔblane ɔmmɔ ɔɔsu-ma ɔnini, “Oowo, na si bitenu-mi kalɔ bɔdi ni, ndubudie lɛni mɔɔyɔ́ ɔkplu kemmo.”