Samuel 1 19:5 - Katɔti Ɔku Kedee

⁵ Bɔnu na átanu átati kalɛ na úti lɛlɔ ɔ́kpa na ƒula lili uwi ɔni na útékpoku Goliat? Na bɔnu na átanu ka Unwoti ɔ́ya na abu Israelƒuɔ bɔ́di Ƒilistiƒuɔ lɛlɔ ɔkɛnku lɛla lɛni na ɔ́bla ɔsu? Awɔ ɔlati ánu ɔmɛni na ebiti áda-a sɔsɔ. Na bi ɔsu na ɔlɛka abla likpidi lɛmɛni udu na aya na badu Dawid? Útabla likpidi lɛdi!”

Samuel 1 19:5 ပူးပေါင်းရင်းမြစ်များ

Samuel 2 23:10

Anwu nénye na úteebeyi Ƒilistiƒuɔ bammɔ taadu útédu ka nwuna kɔnu kɔ́sinsi na nwuna animi ágoglo áda kewii kammɔ lɛlɔ. Na Unwoti Katɔti ɔ́ya na bádi-ma lɛlɔ geen na limeyi lɛmmɔ lɛlɔ. Na Israelƒuɔ bekpone bammɔ bénwini bábasiaku Eleasa kama na beedie Ƒilistiƒuɔ bekpone bani na ɔ́du mmɔ lɛlɔ ala.

Ala Alɛdi 1 11:14

Anwuɔsu anwu ku nwuna bekyuli bénye kakpa kemo kammɔ ntɛ na békpoku Ƒilistiƒuɔ na Unwoti ɔ́ya na bádi lɛlɔ geen.

Ala Alɛdi 1 11:18

Ɔmmɔ ɔsu bekpone ɛtɛ bammɔ bábɛ béduo Ƒilistiƒuɔ bekpone bammɔ kesii kani na benye baagyumana mmɔ na bétédu ntu libiɔ lɛni na Betlehem ɔban kayakun kenye mmɔ béboku-nwu. Nsu Dawid útani-mu. Mmomu úti-mu úbo úwi kalɔ úvele Katɔti.

Kɔgya 109:5

Na ɔmɛni ƒui kama ni, likpidi na béti bágya-mi enu na lɛbuni lɛni lɛ́bla-ma kenye. Na bukisi lɛnɔ béti básiaku-mi na mina bɔyɔ kenye.

Kɔgya 119:109

Mina ngba bɔtu ugyii kenye uwi biala na bekisine bammɔ ɔsu. Nsu naaayiƒala ƒula ɔda bubo bɔmmɔ.

Kɔgya 25:3

Bekyuli bani lɛnɔ na bana anu asia-a lɛlɔ ni, kɔƒa kɔɔɔdubo-ma bukpo kudii. Nsu bani mɔɔta teenye-ɔ lɛlɔ, nsu balánu bɔƒiɔ bɔdi na ƒula lɛlɔ ama ni, anumi adubuwi-ma kalɔ.

Kɔgya 69:4

Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Kɔgya 94:21

Na baasa lili na bekyuli bani nse siin lɛlɔ. Na bani na bátaƒiɔ muedi ni, baadú-ma kɔtɔ ka badu-ma.

Israelƒuɔ Bɔlɛ 14:13

Amu na Mose ɔ́su Israelƒuɔ bammɔ ɔnini, “Liƒu litada-mii. Binye kpakplaa na bɛdubɔnu kalɛ na Unwoti ɔdubukpo ute-mii ɔmwi kadi. Na mɔɔsu-mii ka Egyipteƒuɔ bani na bɛɛnu ɔmwi mɛni ni, bɛsɔ bɛɛɛdubo-ma bɔnu kudii.

Yeremia 26:15

Nsu si bɛ́du-mi ni, bɛti ka bina akɔ ɔdi biala na Yerusalem ɔ́bla likpidi na bɛ́du ukyuli ɔni na útabla lɛla lɛdi. Ɔsika lɛla biala na mɔɔsu ni, Unwoti kudɔ na lɛ́si.”

Mateo 27:24

Uwi ɔni na Pilato ɔ́nu ka ɔ́sɔ ulakana lɛla lɛdi bɔbla, na mmomu unyeƒi kpakplaa ndubo bɔlɛ ni, úti ntu na ɔ́ƒɔ enu na bekyuli bammɔ anumi na ɔ́su-ma ɔnini, “Ukyuli ɔmɛni kukpi kɔɔɔsia-mi lɛlɔ! Bina litemi na lɛdi.”

Mateo 27:4

Na ɔ́su-ma ɔnini, “Lɛ́bla likpidi ka lɛ́kya ukyuli ɔni nátaƒiɔ ɔmmɔ kakya nnii badu-nwu.” Na bédie kenye banini, “Ɔmɛni anwu ɔɔɔkɛ-bu. Ƒula litemi na lɛdi!”

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Ƒilipiƒuɔ 2:30

Ɔsika úti nwuna ngba ɔ́kpa na úbu blii suɛ nka úkpi ɔ́si Kristo kabla ɔsu. Na úte-mi kebunku kani amii alati bítakana-mi bute.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Litemi Batɛne 12:3

Na uwi ɔni lɛ́nu lɛ́ti ka aaadubo-mi bubunku ni, líti mina ngba lɛ́kpa na lɛ́vi lísie ńtékpoku Amonƒuɔ. Na Unwoti úti-ma ɔ́kya-mi enu kemmo. Na bi ɔsu na bíbo mɛni bibekpoku-mi?”

Litemi Batɛne 9:17

Na bɛkali kalɛ na mina ɔti úti nwuna ngba úse na úkpo ɔ́ƒɔ-mii ɔ́lɛku Midianƒuɔ enu kemmo.

Samuel 1 11:13

Nsu Saul ɔ́su-ma ɔnini, “Kudi kudii, ukyuli unwi pɛ muedi batadu ɔdi. Ɔsika ɔmwi limeyi lɛmɛni lɛlɔ na Unwoti údie-bu ɔ́lɛku bula bekisine enu kemmo.”

Samuel 1 14:45

Mmɔ na bekpone bammɔ básu banini, “Bulénu kalɔ bɔnii ukpi, ɔsika Yonatan na Katɔti úbunku asa na bɔ́di kekpo kamɛni lɛlɔ. Anwuɔsu ɔkɛnku Unwoti ɔni nli ngba lɛlɔ ni, bɔɔɔdubo bɔtuna na ina nwuna lili linwini linwi pɛ muedi lɛtimi-nwu lili.” Ɔmmɔ ɔsu bekpone bammɔ békpo báƒɔ Yonatan na bátadu-nwu.

Samuel 1 19:6

Saul únu ubidi Yonatan buvele ku bɔlɛ na úse kenye ɔnini, “Nkɛnku Unwoti ɔni nli ngba uwi ƒui lɛlɔ muusé kenye ka lɛɛɛdubo bɔya na badu Dawid.”

Samuel 1 20:32

Nsu Yonatan údie kenye buɛɛ na úye ɔti ɔnini, “Bi ɔsu na ɔdi ka Dawid ukpi, na bi likpidi na ɔ́bla?”

Samuel 1 22:14

Amu na Ahimelek údie lɛlɔ kenye na ɔ́su Ɔga Saul ɔnini, “Ati, Dawid ni, awɔ ɔlati ƒula ɔnamu na ɔdi. Na ulakana lɛla lɛni na aasu mɛni udu bɔbla na ƒula lɛlɔ kudii. Na ɔdi ƒ'ubidi ɔgyani. Na ɔni ntulo lɛnɔ ndi ka anwu ndi ƒula bekpone bani mɔɔgyumana-a ƒui unengu. Na ƒula bekpone benengu bamba ku kabla bablane ƒui lɛnɔ baabu-nwu geen.

Samuel 1 28:21

Uwi ɔni na uleku ɔmmɔ únwini úbo na ɔ́nu ka Saul ɔtɛ kalɔ ɔni na lɛlɔ lɛ́tɔ-nwu lɛni ɔsu ni, ɔ́su Ɔga Saul ɔnini, “Ati, buti na líti mina ngba lɛ́kpa, na lɛ́di ƒula litemi lɛlɔ, na lɛ́bla lɛla lɛni na ásu-mi anii mbla aani ƒula uleku kabla ɔblane kalɛ.