Samuel 1 19:2 - Katɔti Ɔku Kedee

² Ɔmmɔ ɔsu úbo-nwu ɔda ɔnini, “Mina ɔti ɔɔwia ulu ɔni na ɔdu-ɔ. Ɔmmɔ ɔsu kɔnaadi ɔtanta tutuutu ni, nu kaduɛ na ekeli atábɛ alakpi akɔ na asɔ akya mmɔ.

Samuel 1 19:2 ပူးပေါင်းရင်းမြစ်များ

Kɔgya 16:3

Bekyuli bani na Katɔti ɔ́ƒuna úte lɛlɔ na basiaku-nwu kama siin na kalɔ lɛlɔ mɛni ni, beekeye na baayɔ́-mi kaƒɔ geen. Ƒula bekyuli kedee ndi mina bayikune, na bana lɛlɔ na mɔɔkɛ́ ebiti.

Agba 17:17

Ɔkpana buni ɔɔdi nwuna litemi lɛlɔ uwi ndi uwi. Na ukyuli ɔnwani ni, bɔwɔ na báwɔ-nwu ka ute kebunku uwi ɔni na ɔnwani ɔɔwia lɛla lɛdi.

Batalane Kabla 23:16

Nsu ka Paulo ɔnwani ulekubi ubidi ɔnanabi únu ala ani na básu mɛni ƒui ɔsu ni, úkeli úsie aban ɔtɔ mmɔ na útásu Paulo lɛla lɛni na básu.

Batalane Kabla 9:24

Nsu bekyuli badi bábasu Saulo ka baawia-nwu badu. Ɔmɛni ɔsu bekisine bamɛni baagyumana kɔyakun kɔni baasia taalɛ na beeduo ɔma ɔmmɔ kemmo kalɛ na bakɛ-nwu badu.

Samuel 1 19:1

Limeyi lɛdi ni, Saul ɔ́su ubidi Yonatan ku bekpone batɔnkune bakladi ɔnii badu Dawid. Nsu Yonatan ɔɔyɔ́ Dawid geen.

Samuel 1 19:3

Kama ni, ami ku mina ɔti bɔdububo mmɔ, na bulagyunku kesii kani na adubɔbɛ. Na kudeedi ni, ami ku-nwu bɔdubɔda ƒula kɔtɛ bɔnu. Na lɛla biala na bɔ́su ni, ndubɔya na ati nwuna kasusu.”

Samuel 1 20:2

Mmɔ na Yonatan údie kenye ɔnini, “Oowo, ɔmmɔ ulebo-nwu kemmo lɛni kudii! Ɔsika si geen geen na mina ɔti ɔɔbla kasusu ka ɔdu-ɔ ni, nka ɔdubɔsu-mi. Ɔsika mina ɔti ulabla lɛla lɛdi na uledie-mi kɔtɛ. Ami ńtaƒɔ lɛla lɛmmɔ.”

Samuel 1 20:5

Anwuɔsu Dawid ɔ́su Yonatan ɔnini, “Nu! Kɔnaadi ni, anwu na beesé kalɔ ku kɔbuli kɔwɔdi limeyi bɔdi. Na ɔdi ka ami ku ɔga bɔdi bɔsala. Nsu ya na lisie na ntábɛla lɛlɔ lɛkya lɛku kemmo kesii kadi utédu limeyi lɛtɛdi useyi uwi.