Samuel 1 19:1 - Katɔti Ɔku Kedee

¹ Limeyi lɛdi ni, Saul ɔ́su ubidi Yonatan ku bekpone batɔnkune bakladi ɔnii badu Dawid. Nsu Yonatan ɔɔyɔ́ Dawid geen.

Samuel 1 19:1 ပူးပေါင်းရင်းမြစ်များ

Ala Kalɔ Buse 37:18

Nsu ama báka-nwu bɔnu ka ɔkɛ ɔgyu ɔdubo. Na asa na webedu-ma kudɔ ni, báasa lili ka badu-nwu.

Samuel 2 4:8

Na béti Is-Boset kuli kɔmmɔ béboku Dawid na Hebron na básu-nwu banini, “Ɔga ɔbune, aanu Is-Boset ƒula ukisine Saul ubidi lili na búkulo búboku mɛni. Ukyuli ɔmɛni náwia ka ɔdu-ɔ. Na ɔmwi ni, Unwoti ɔ́ya na búdie Saul ku nwuna kaƒɔ ubi kasi búte-ɔ.”

Samuel 1 18:1

Ka Dawid ku Saul báwɔlɔ butemi kama ƒui ni, bɔyɔ bɔdi búbeduo Yonatan ku Dawid ntɛ. Na Yonatan ɔ́yɔ Dawid geen aani kalɛ na anwu Yonatan ɔɔyɔ́ nwuna lɛlɔ.

Samuel 1 18:25

Anwuɔsu Saul ɔ́tala-ma ɔnii batásu Dawid banini, “Uleku buti elila ani kani na mɔɔwia taasiku-ɔ kudɔ ni, anwu ndi ka adu Ƒilistiƒuɔ bekpone eti anyɔ na ekulo-ma ago kenye ɔlɔna ɔmmɔ abatina-mi ka ádu-ma sɔsɔ. Na ɔmmɔ na ami lɛnɔ ndubuti lidie mina bekisine bammɔ kasi na lɛla lɛni na bábla ɔsu.” Na Saul kasusu ndi ka ɔsia ulu ɔmmɔ lɛlɔ na ɔya na Dawid uduo Ƒilistiƒuɔ enu kemmo na badu-nwu.

Samuel 1 18:3

Na Yonatan ku Dawid bényimi kpakplaa ka bana kɔkpana kɔsɔ kulékulo kudii, ɔsika baayɔ́ lɛlɔ geen.

Samuel 1 18:8

Ɔnu ɔmɛni ɔ́ya na Saul kayi kékpoku-nwu na ɔ́kɛ kɔnyi geen. Ɔsika únu-nwu kalɔ na nwuna kasusu kenye na ɔ́su ɔnini, “Bɔsu na beleku bammɔ bada-nwu banii Dawid ɔ́du bekisine mpim leevu leevu, na ami Saul anwu ni, bana apim apim kani na lɛ́kana bɔdu. Na ulu bamba ɔni lɛlɔ na badubɔsia na babu Dawid betulo kalɛ na badaku bɔbla mɛni ndi ka batu-mi lɛga na beti Dawid bese.”

Samuel 1 18:9

Ɔmmɔ ɔsu ɔ́si uwi ɔmmɔ ni, Saul ɔkya ɔɔnu Dawid ɔnusɛ geen ku kogyulo bukpo.

Samuel 1 19:2

Ɔmmɔ ɔsu úbo-nwu ɔda ɔnini, “Mina ɔti ɔɔwia ulu ɔni na ɔdu-ɔ. Ɔmmɔ ɔsu kɔnaadi ɔtanta tutuutu ni, nu kaduɛ na ekeli atábɛ alakpi akɔ na asɔ akya mmɔ.

Samuel 1 20:1

Amu na Dawid úkeli ɔ́si Naiot na Rama kalɔ lɛlɔ mmɔ úsie Yonatan kudɔ. Na útéye-nwu ɔnini, “Bi lɛ́bla iye bɔƒiɔ bɔmadi udu na lɛ́ƒiɔ iye likpidi lɛmani na lɛ́bla ɔsu na ƒ'ɔti ɔsiaku-mi ɔɔwia-mi ɔdu?”

Samuel 1 20:19

Ɔmɛni ɔsu limeyi lɛtɛdi useyi uwi ni, sie tábɛ Esel Lɛtabi kama, kesii kani na ábɛ mina ɔti kudeedi mmɔ ataakywɛɛ-mi.