Samuel 1 18:8 - Katɔti Ɔku Kedee

⁸ Ɔnu ɔmɛni ɔ́ya na Saul kayi kékpoku-nwu na ɔ́kɛ kɔnyi geen. Ɔsika únu-nwu kalɔ na nwuna kasusu kenye na ɔ́su ɔnini, “Bɔsu na beleku bammɔ bada-nwu banii Dawid ɔ́du bekisine mpim leevu leevu, na ami Saul anwu ni, bana apim apim kani na lɛ́kana bɔdu. Na ulu bamba ɔni lɛlɔ na badubɔsia na babu Dawid betulo kalɛ na badaku bɔbla mɛni ndi ka batu-mi lɛga na beti Dawid bese.”

Samuel 1 18:8 ပူးပေါင်းရင်းမြစ်များ

Ala Kalɔ Buse 37:11

Ɔmmɔ ɔsu nwuna lɛlɔ líbo liigyie nwuna banwani anumi, nsu ɔti úti litemi lɛmɛni ɔ́kya kasusu kemmo.

Ala Kalɔ Buse 37:8

Mmɔ ni, nwuna banwani béye-nwu banini, “Bɔkali na ada anii awɔ ndubo-bu lɛlɔ butaadi?” Ɔmɛni ɔsu bukisi bɔmmɔ bɔ́kɔ katɔ búbu na kɔna kɔni na úti ɔ́su-ma ɔsu.

Baga 1 2:22

Amu na Ɔga Salomo údie uni kenye ɔnini, “Bi ɔsu na aawia ka Abisag Sunamni ɔmmɔ utélieku Adonia? Ɔɔɔdi ɔmmɔ lɛti, ƒɔ lɛgadi lɛmmɔ lɛnɔ bunku-nwu gyɔnkɔ. Ɔsika na ulu biala lɛlɔ ni, mina ɔnwani unengudi na ɔdi. Na ngyi lɛnɔ ka ɔkpane Abiatar ku Seruia ubidi Yoab bebunku-nwu.”

Ester 3:5

Haman úti kɔnyi kpakplaa ka únu kenye kamɛni ka Mordekai úni ɔnii ulalɛ akɔnkɔ kalɔ ulete-nwu ɔbu.

Agba 13:10

Bekyuli bani mɔɔtalaku lɛlɔ katɔ baakya unyeƒi pii. Na bekyuli bani muunú bɔlɛ baadá anu.

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Etemila 4:4

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Bumomo Bɔka 11:1

Na Unwoti únu ka Israelƒuɔ bamɛni bésie kalɔ beetemi enyekpi taasiku-nwu lɛlɔ na lɛbibo lɛni baasiáku ɔsu. Na ka Unwoti únu bana etemila ammɔ ni, úti kɔnyi kaduɛ. Na ɔkɛnku ɔmmɔ ɔsu ɔ́ya na ogya ɔ́si katɔ na úbakyula ala na bana keliekɔ mmɔ amadɔ.

Bumomo Bɔka 22:34

Amu na Bileam údie ɔtu ɔmmɔ kenye ɔnini, “Lɛ́bla likpidi. Ńtati ka awɔ nnye ulu lɛlɔ étile-mi. Nsu muuvele-ɔ ka si ɔɔɔdia ka lɛsɔ nteesie ulu ɔmmɔ ni, na asu-mi na linwini nteesie kaduli.”

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Samuel 1 13:14

Nsu ɔƒaani ni, ƒula lɛgadi lɛsɔ lilenye uwi ƒui. Ɔsika Unwoti ɔ́ɔƒuna ukyuli bamba ɔni na nwuna kayi kaayɔ́ ka ɔtɔnku nwuna kadi bekyuli. Ɔsika awɔ átadi nwuna ɔda bubo lɛlɔ.”

Samuel 1 15:28

Amu na Samuel ɔ́su-nwu ɔnini, “Unwoti ɔ́bwɛ Israelƒuɔ lɛga kadikɔ ɔ́lɛku-ɔ lɛkɔkɔ. Na úti-ka úte ƒula badi bammɔ akɔ ɔdi. Na ɔdi ukyuli ɔni na ɔdia utulo-ɔ ƒui.

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.

Samuel 1 18:9

Ɔmmɔ ɔsu ɔ́si uwi ɔmmɔ ni, Saul ɔkya ɔɔnu Dawid ɔnusɛ geen ku kogyulo bukpo.

Samuel 1 19:1

Limeyi lɛdi ni, Saul ɔ́su ubidi Yonatan ku bekpone batɔnkune bakladi ɔnii badu Dawid. Nsu Yonatan ɔɔyɔ́ Dawid geen.

Samuel 1 20:31

Munuu ulábla-a nwaa ka si Dawid uli ngba ni, alakana ɔga bunwini na Israelƒuɔ kalɔ lɛlɔ? Babla na atáwia-nwu eboku mɛni pla! Ɔlɛka ukpi!”