Samuel 1 18:6 - Katɔti Ɔku Kedee

⁶ Ɔƒɛni limeyi lɛni na Dawid ɔ́du Goliat mmɔ ni, anwu ku bekpone bakladi bénwini bésela ɔma. Ka básia Israelƒuɔ lɛma lɛmmɔ kemmo bésela ni, beleku bammɔ bálɛ bábasiaku Ɔga Saul na baatu yiiduu teete-nwu ku kɔgya na baatɔ́. Bédie lɛlɔyɔ lɛnu ku lɛbentaa ku agyala abambadi lɛnɔ.

Samuel 1 18:6 ပူးပေါင်းရင်းမြစ်များ

Samuel 2 1:20

“Bitasu ɔmɛni udu na Gat ɔma kemmo. Na bitebo-ni kudu na Askelon lɛnɔ. Si ɔɔɔdi lɛni ni, lɛlɔ lɛdubɔyɔ Ƒilistiƒuɔ beleku. Na ebiti ada beleku bani na kadi bamba bekyuli bani na bétekulo ago báwɔ.

Samuel 2 6:5

Na ulu lɛlɔ ni, Dawid ku Israelƒuɔ bammɔ bakɛ beemwi Unwoti ku agya. Na beedie lɛnu na baatɔ́. Bada lɛbentaa ku ebi ku agyala abambadi baagyá.

Kɔgya 149:3

Bɛtɔ katɔ na biti bimwi-nwu lɛnyi. Na biti enukpɛ agyala ku lɛbentaa bidie lɛnu bimwi-nwu.

Kɔgya 68:11

Katɔti údie lɛdi, na beleku pii badi básu lɛla lɛni nálɛ mmɔ na bégyingya-ni, banini,

Kɔgya 68:25

Na lɛnu bediene batɔ anumi, na bagyane bakpɛ kama. Na belekubi bani nda akasaa bakya-ma ntɛ.

Israelƒuɔ Bɔlɛ 15:20

Amu na Katɔti Kenye Udiene Miriam ɔni ndi Mose ɔnwani ulekubi úti nwuna kabontobi na Israel beleku básiaku-nwu, na ama lɛnɔ bada bana ɔdi na baakunku na baatɔ́.

Israelƒuɔ Bɔlɛ 15:21

Na kɔgya kɔni na Miriam údie ndi, “Bidie kɔgya bite Unwoti, ɔsika úkpo ɔ́di lɛlɔ geen. Bapɔnkɔ ku bana lɛlɔ beliene ƒui úbo-ma útákya ɛpu kemmo.”

Yesaia 30:32

Na lɛtuni biala nébo-ma lɛlɔ aani ebola ani na Katɔti ɔɔyula-ma kalɛ ni, nwuna kadi bekyuli badubo kɔku ku agyala lidu butaagya taasiaku-nwu lɛlɔ ku lɛnu budie.

Litemi Batɛne 11:34

Uwi ɔni na Yeƒta ɔ́si úsela nwuna ɔma Mispa ni, ka ɔɔnu ni, aanu ukyuli ɔdi nátási ɔdubo na ɔda kabontobi ɔɔkunku na ɔɔtɔ́. Ubidi ulekubi unwi pɛ ɔni na ɔdi. Ɔsika ɔsɔ uuubo ubi ulekubi iye ɔnanabi ɔdi.

Samuel 1 18:5

Na lɛla biala na Saul úbo Dawid ɔda ka ɔbla ni, ɔɔbla-ni kaduɛ. Ɔmmɔ ɔsu Saul úti Dawid ɔ́bla bekpone batɔnkune akɔ unwi ɔni na ubo kenyekɔ geen na bekpone bammɔ akɔ. Na lɛla lɛmɛni lɛ́da bekyuli bammɔ ƒui kubiti ku Saul bekpone batɔnkune bammɔ muedi.