Samuel 1 18:5 - Katɔti Ɔku Kedee

⁵ Na lɛla biala na Saul úbo Dawid ɔda ka ɔbla ni, ɔɔbla-ni kaduɛ. Ɔmmɔ ɔsu Saul úti Dawid ɔ́bla bekpone batɔnkune akɔ unwi ɔni na ubo kenyekɔ geen na bekpone bammɔ akɔ. Na lɛla lɛmɛni lɛ́da bekyuli bammɔ ƒui kubiti ku Saul bekpone batɔnkune bammɔ muedi.

Samuel 1 18:5 ပူးပေါင်းရင်းမြစ်များ

Ala Kalɔ Buse 39:23

Na bédie lɛla biala atu na bányonu ana ƒui bákya Yoseƒ enu kemmo, ɔsika Unwoti Katɔti ɔsiaku Yoseƒ ɔni na lɛla biala na ɔɔbla ni, lɛɛtɛ kaduɛ.

Samuel 2 5:10

Na ka Unwoti Katɔti Ɔyikune Ƒui ɔsiaku-nwu ɔsu ni, nwuna ɔyikun ɔ́sɔ úsie anumi kaduɛ.

Samuel 2 5:2

Na kukuuku ƒui uwi ɔni na Saul ɔdi bula ɔga ni, awɔ kani nákpanku bula Israelƒuɔ bekpone ésienku kekpokɔ. Na Unwoti ɔ́su-ɔ ɔnini, ‘Awɔ ndubo mina kadi bekyuli bɔda aani baƒonu ɔdane kalɛ, na awɔ ndubɔdi bana ɔga.’ ”

Ala Alɛdi 2 17:3

Uwi ɔni na Yehosaƒat ɔti úse kalɔ ku lɛga bɔdi na Yuda kalɔ lɛlɔ ni, útaadi Unwoti litemi lɛlɔ kaduɛ na úni na útakpa Baal baƒiɔ aani kalɛ na baga bani nágyu bátɔ-nwu bábla kalɛ. Na Yehosaƒat lɛnɔ úse kalɔ ɔsiku ɔti ɔbladu kama. Na útaabu Unwoti geen na ɔɔkpá-nwu lɛnɔ. Anwuɔsu úte-nwu kusɛ kusɛ

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Kɔgya 101:2

Bo na ebebunku-mi. Mmɔ na ndubɔkana lɛlɔ bɔda kaduɛ ntaabla lɛbuni kalɛ na naaaƒiɔ-ɔ na mina kaduli.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Batalane Kabla 7:10

na únyeku-nwu na ɔ́da-nwu údie nwuna lɛbibo ku kɔnyana buwulo kemmo. Katɔti úte-nwu lɛnunda bonwu. Anwuɔsu Egyipte Ɔga Ƒarao ɔ́yɔ-nwu litemi na úti-nwu ɔ́bla Egyipte kalɔ ƒui lɛlɔ ɔnune ku nwuna kaduli ƒui ala lɛlɔ ɔnune lɛnɔ.

Eƒesoƒuɔ 5:17

Ɔmɛni ɔsu ni, bitabla lɛlɔ aani bekyuli badɔlɔdi. Mmomu bɛwia na bɛti ala ani geen na Blɔti ɔɔyɔ́ ka bɛbla.

Koloseƒuɔ 4:5

Bɛda anu na bina keliela kemmo na bɛti kalɛ na bilieku bani naaadi baƒɔtaadine. Na kuƒi biala na bɛ́kɛ ni, bɛbla kabla bite Blɔti.

Litemi Batɛne 1:19

Na Unwoti únye ku Yuda kɔdua bekyuli na békpo béti kɔlɔ kɔni nkya abi lɛlɔ mmɔ. Nsu bátakana na babɔku bekyuli bani nlie ɔkwalɛ ɔmmɔ kemmo, ɔsika bebo bapɔnkɔ kɛɛkɛ ɔni ndi abuala sɔɔn.

Samuel 1 13:2

Saul ɔ́ƒuna bekpone mpim ɛtɛ ɔ́siku Israel. Na bekpone mpim inyɔ basiaku-nwu na Mikmas ku Betel abi kalɛkɛ lɛlɔ. Na apim unwi basiaku ubidi Yonatan na Gibea na Benyamin kalɛkɛ lɛlɔ. Na bekpone bakladi bani ƒui nébu ni, Saul ɔ́ya na bátɔlɔ bésie bana kɔduli.

Samuel 1 14:52

Na Ɔga Saul ngba bulie uwi ƒui ni, kekpo kpakplaa kákya ama ku Ƒilistiƒuɔ ntɛ geen. Anwuɔsu uwi biala na Saul ɔ́nu ukyuli ɔni na ubo kayi ni, na ɔɔwia ka ɔni-nwu ɔkya lɛlɔ na utaabla-nwu kabla.

Samuel 1 18:16

Nsu Israelƒuɔ ƒui ku Yuda baayɔ́ Dawid na kalɛ na ɔ́tɔnku-ma úsienku kekpokɔ ɔsu.

Samuel 1 18:30

Na uwi ndi uwi ni, Ƒilistiƒuɔ batɔnkune beetiku bana bekpone teetékpoku Israelƒuɔ. Nsu uwi biala na báta lɛni ni, Dawid ku nwuna bekpone baadi-ma lɛlɔ. Na Saul ukpone ɔtɔnkune ɔdi ɔsɔ ulákana-ma lɛlɔ bɔdi aani Dawid kalɛ. Ɔmmɔ ɔsu Dawid úbaƒɔ lɛnyi geen.

Samuel 1 18:4

Na kalɛ na Yonatan ɔɔyɔ́ Dawid ɔsu ni, Yonatan údie nwuna awu gyɔlɔɔ ɔni na ɔɔkya úte Dawid na úti nwuna kekpo adala ku kewii ku kataminta ku kabuli kani na ɔɔsia kavobi mmɔ lɛnɔ úte-nwu.

Samuel 1 18:6

Ɔƒɛni limeyi lɛni na Dawid ɔ́du Goliat mmɔ ni, anwu ku bekpone bakladi bénwini bésela ɔma. Ka básia Israelƒuɔ lɛma lɛmmɔ kemmo bésela ni, beleku bammɔ bálɛ bábasiaku Ɔga Saul na baatu yiiduu teete-nwu ku kɔgya na baatɔ́. Bédie lɛlɔyɔ lɛnu ku lɛbentaa ku agyala abambadi lɛnɔ.

Samuel 1 3:19

Kalɛ kani na Samuel ɔɔbi lɛlɔ teebu ni, lɛni na Unwoti ɔsiaku-nwu. Na ala ani ƒui na ɔɔsu ni, eebo-nwu kemmo lɛni, na ɔdi ulásia kɔmadɔ.