Samuel 1 18:12 - Katɔti Ɔku Kedee

¹² Saul úbo ɔɔyia Dawid geen, ɔsika ɔ́nu ɔ́ti nwaa ka Unwoti ɔsiaku Dawid geen. Nsu anwu Saul ni, Unwoti údie-nwu atu.

Samuel 1 18:12 ပူးပေါင်းရင်းမြစ်များ

Samuel 2 5:10

Na ka Unwoti Katɔti Ɔyikune Ƒui ɔsiaku-nwu ɔsu ni, nwuna ɔyikun ɔ́sɔ úsie anumi kaduɛ.

Ala Alɛdi 2 17:3

Uwi ɔni na Yehosaƒat ɔti úse kalɔ ku lɛga bɔdi na Yuda kalɔ lɛlɔ ni, útaadi Unwoti litemi lɛlɔ kaduɛ na úni na útakpa Baal baƒiɔ aani kalɛ na baga bani nágyu bátɔ-nwu bábla kalɛ. Na Yehosaƒat lɛnɔ úse kalɔ ɔsiku ɔti ɔbladu kama. Na útaabu Unwoti geen na ɔɔkpá-nwu lɛnɔ. Anwuɔsu úte-nwu kusɛ kusɛ

Kɔgya 51:11

Tabɔku-mi tatɔlɔku na ƒula anumi. Na taya na ƒula Kɔyu ɔyikun ɔlɛ-mi lɛlɔ kemmo.

Kɔgya 53:5

Liƒu bonwu líbo-mii lɛlɔ lɛni udu nétebo tɔ kudii. Ɔsika Katɔti úbo amii mina bekisine ekubi úgyingya. Na kɔƒa kúkpo geen, ɔsika Katɔti úni-mii.

Hosea 9:12

Na si ina bɛ́wɔ muedi ni, ndubɔkpanku-ma ƒui, na kebu amii lɛti. Bɛdubulie biteewulo kɔnyana uwi ɔni na línwini kama lɛ́kya-mii na ala ekpoku-mii na bɛyii udu ƒui kede kede.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Marko 6:20

Nsu ulákana na Herode ɔsu. Ɔsika Herode útaayia Yohane, na ɔgyi ka Yohane ɔdi ukyuli ɔni nse siin na use kedee. Anwuɔsu útaagyumana-nwu. Ɔ́yɔ ka uteenu-nwu ala bɔtina uwi ndi uwi ina ka nwuna litemi líteekpoku-nwu kayi si únu-ni.

Luka 8:37

Ɔmɛni ɔsu Gerase kalɔ kammɔ ku kana amadɔ bekyuli básu Yesu banii ɔtɔlɔ bana kalɔ lɛlɔ, ɔsika baayia. Anwuɔsu Yesu úduo ɔkɔlɔ kemmo ka ɔtɔlɔ.

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Litemi Batɛne 1:19

Na Unwoti únye ku Yuda kɔdua bekyuli na békpo béti kɔlɔ kɔni nkya abi lɛlɔ mmɔ. Nsu bátakana na babɔku bekyuli bani nlie ɔkwalɛ ɔmmɔ kemmo, ɔsika bebo bapɔnkɔ kɛɛkɛ ɔni ndi abuala sɔɔn.

Litemi Batɛne 16:20

Mmɔ na Delila ɔ́kpali ɔnii, “Simson, Ƒilistiƒuɔ bási badubo!” Na ka ɔ́gyinya ni, ɔ́su lɛlɔ ɔnii, “Lísela ntékpo lɛƒɔ lɛlɔ.” Nsu uwi ɔmmɔ útati tɔ ka Unwoti ɔ́ɔda-nwu úse.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Samuel 1 16:4

Samuel ɔ́bla lɛla lɛni na Unwoti ɔ́su-nwu. Na ka údu Betlehem ni, ɔma benengu bammɔ báyia geen na béye-nwu banini, “Buɛɛ na ɔdi bɔdi?”

Samuel 1 18:15

Ka Saul ɔ́nu kalɛ na ala aatɛku-nwu ɔsu ni, úbo ɔɔyia-nwu.

Samuel 1 18:20

Ɔƒɛni Saul ubidi ulekubi bamba ɔni baalɔ Mikal úbo ɔɔyɔ́ Dawid geen. Na ka Saul únu lɛni ni, ɔ́da-nwu ebiti geen.

Samuel 1 18:29

Dawid lɛlɔ lɛ́sɔ lɛ́da Saul liƒu líbu. Na ɔ́si uwi ɔmmɔ lɛlɔ ni, Saul úkisi Dawid nwuna ngba emeyi kemmo ƒui.

Samuel 1 20:13

Nsu si mina ɔti ɔda kasusu kekpidi ka ɔbla-a lɛla lɛdi na ami Yonatan ńtete-ɔ bɔti na ekeli aƒɔ ƒula lili ngba ni, na Unwoti ɔni-mi kɔtu kpakplaa biala námanku-mi. Muuvele Unwoti nnii ulieku-ɔ kalɛ kani na úlieku mina ɔti úbavi.

Samuel 1 22:13

Mmɔ na Saul úse kalɔ ɔnini, “Bi ɔsu na awɔ ku Yisai ubidi Dawid bɛ́sa lili na mina lɛlɔ, na éte-nwu adila ku kewii, na évele Unwoti éte-nwu kalɛ na ɔta unye-mi lɛlɔ, na unye ɔgya kalɛ na ɔdu-mi aani kalɛ na ɔdaku bɔbla ɔmwi?”

Samuel 1 28:15

Amu na Samuel úye-ma ɔnini, “Bi ɔsu na biléte-mi bɔtɛ kpoo na bɛɛkpali-mi lɛni?” Mmɔ na Saul ɔnini, “Ala eekpóku-mi geen ɔni na ɔɔɔdia. Ƒilistiƒuɔ báta banii bebekpoku-mi, nsu Unwoti únwini kama ɔ́kya-mi ɔni na ɔsɔ ulakpete-mi ɔkɛnku nwuna Kenye Udiene ɔdi lɛlɔ iye ina kɔna bugye kemmo muedi. Anwuɔsu na lɛ́kɔ-ɔ lɛlɔ na atina-mi kalɛ na lɛbla.”

Samuel 1 3:19

Kalɛ kani na Samuel ɔɔbi lɛlɔ teebu ni, lɛni na Unwoti ɔsiaku-nwu. Na ala ani ƒui na ɔɔsu ni, eebo-nwu kemmo lɛni, na ɔdi ulásia kɔmadɔ.