Samuel 1 18:1 - Katɔti Ɔku Kedee

¹ Ka Dawid ku Saul báwɔlɔ butemi kama ƒui ni, bɔyɔ bɔdi búbeduo Yonatan ku Dawid ntɛ. Na Yonatan ɔ́yɔ Dawid geen aani kalɛ na anwu Yonatan ɔɔyɔ́ nwuna lɛlɔ.

Samuel 1 18:1 ပူးပေါင်းရင်းမြစ်များ

Ala Kalɔ Buse 44:30

“Ɔmmɔ ɔsu ɔƒɛni ni, si ɔnanabi ɔmɛni ɔɔɔsiaku-mi si lɛ́sɔ línwini ńtéduo mina ɔti ɔni ndi ƒula kabla ɔblane kudɔ ni,

Samuel 2 1:26

O Yonatan, mina ɔnwani, líduo kɔnyana ɔsika mɔɔyɔ́-ɔ geen. Ƒula bɔyɔ bɔni na ebo ete-mi búbomo geen. Na beleti-mu balákɔku ɔnana ku uleku bɔyɔ.

Ala Alɛdi 1 12:17

Amu na Dawid úsie útásiaku-ma na ɔ́su-ma ɔnini, “Si atubɔyɔ kemmo na bɛkɛ bibo ka bibebunku-mi ni, nnye kagyumana ka lɛƒɔ-mii libunku lɛlɔ. Nsu si bubo na bíbo bɛnii bibedie-mi bite mina bekisine ɔni na mina enu ese sɛɛn na ńtabla likpidi lɛdi bɔdi ni, na muuvele bula bati Katɔti nnii, ɔtɛku-mii litemi lɛmmɔ.”

Kɔgya 86:11

Unwoti, tina-mi ƒula ulu geen ɔmmɔ na lɛsia-nwu lɛlɔ, kalɛ na naaalɛ-ɔ kama. Na aya na ntaayɔ-ɔ geen ku mina kayi ƒui.

Agba 18:24

Bakpana badi bakya bani ɔbladu mɔɔyila lɛlɔ udu. Nsu badi beebó taada lɛlɔ geen utulo banwa muedi.

Lɛkpa Ulu 13:6

Binye kagyumana bite bina ɔnwani iye bina ubidi ɔnanabi iye ulekubi iye bina beleku bani na bɛɛyɔ́ geen iye ƒula ɔkpana geen ɔni ndubo bɔbɛ bubasu-mii ka bibo na bitákpa baƒiɔ bani udu na amii iye bina bati kuuku bítakpa kudii.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Litemi Batɛne 20:11

Anwuɔsu Israelƒuɔ banana ƒui básala lisu aani ukyuli unwi kalɛ ka betékpoku ɔma ɔmmɔ bekyuli.

Samuel 1 14:45

Mmɔ na bekpone bammɔ básu banini, “Bulénu kalɔ bɔnii ukpi, ɔsika Yonatan na Katɔti úbunku asa na bɔ́di kekpo kamɛni lɛlɔ. Anwuɔsu ɔkɛnku Unwoti ɔni nli ngba lɛlɔ ni, bɔɔɔdubo bɔtuna na ina nwuna lili linwini linwi pɛ muedi lɛtimi-nwu lili.” Ɔmmɔ ɔsu bekpone bammɔ békpo báƒɔ Yonatan na bátadu-nwu.

Samuel 1 18:3

Na Yonatan ku Dawid bényimi kpakplaa ka bana kɔkpana kɔsɔ kulékulo kudii, ɔsika baayɔ́ lɛlɔ geen.

Samuel 1 19:1

Limeyi lɛdi ni, Saul ɔ́su ubidi Yonatan ku bekpone batɔnkune bakladi ɔnii badu Dawid. Nsu Yonatan ɔɔyɔ́ Dawid geen.

Samuel 1 19:2

Ɔmmɔ ɔsu úbo-nwu ɔda ɔnini, “Mina ɔti ɔɔwia ulu ɔni na ɔdu-ɔ. Ɔmmɔ ɔsu kɔnaadi ɔtanta tutuutu ni, nu kaduɛ na ekeli atábɛ alakpi akɔ na asɔ akya mmɔ.

Samuel 1 20:17

Na Yonatan ɔ́ya na Dawid ɔ́lɛ bunyimi linyese lɛmmɔ ugyii ɔkɛnku bana bɔyɔ kenye, ɔsika ɔɔyɔ́ Dawid aani nwuna lɛlɔ kalɛ.

Samuel 1 20:8

Ɔmmɔ ɔsu ka unwi bɔbla bunyimi nkya ami ku-ɔ ntɛ na Unwoti anumi ɔsu ni, muuvele-ɔ na atina-mi ƒula lɛƒɔndia. Na si bɔnu na awɔ lɛnɔ ánu áti ka lɛ́bla lɛla likpidi lɛdi ni, teti tesienku ƒ'ɔti, mmomu awɔ ɔlati du-mi kɔnakunwi.”

Samuel 1 22:8

Lili na bɛɛsa mina lɛlɔ ka bɛtu-mi lɛga? Ami ɔlati ubidi únyimiku Yisai ubidi Dawid kenye na mina lɛlɔ, na bina ɔdi útasu-mi! Bina akɔ ina ukyuli unwi muedi uláwia-mi bɔdia. Na ɔdi útasu-mi ka mina ubi ɔɔkya mina kabla ɔblane ogya ka unye utaatu-mi kalɛ na ɔɔbla ɔmwi mɛni!”

Samuel 1 23:18

Mmɔ na bana inyɔ bényimi na Unwoti anumi ka lɛla lɛdi lilebile-ma ntɛ. Na Yonatan únwini ɔ́tɔlɔ, nsu Dawid anwu ɔ́ƒɔ lɛlɔ ɔkya Hores mmɔ.