Samuel 1 17:7 - Katɔti Ɔku Kedee

⁷ Nwuna ugyii lɛtula gyɔlɔɔ lɛni na ɔda use aani bedine ɔkɔlɔ. Na lɛbuala lɛni ntu-nwu kenye unu ɔbla aani antabi akyami maatɛ unu. Anwuɔsu ukpone ɔbambadi ɔni muuti nwuna agyumanala ɔɔtɔ-nwu anumi uwi biala.

Samuel 1 17:7 ပူးပေါင်းရင်းမြစ်များ

Samuel 2 21:16

Ɔƒɛni ukpone ɔni baalɔ Yisbi-Benob na ɔdi Raƒa kaba kemmo ubi ni, ɔda lɛtula lɛdi na nwuna lili lɛmmɔ lɛti pɛ unu wabla aani antabi akyami anyɔ unu. Na ɔda kewii kawɔdi na ɔ́su ka wadu Ɔga Dawid.

Samuel 2 21:19

Na kekpo bamba kani na Israelƒuɔ ku Ƒilistiƒuɔ básɔ békpo na Gob ni, ɔnana ɔni baalɔ Elhanan nádu Goliat ɔni ndi Gatni na ɔda lɛtula lɛni lili akpɛlɛ nébomo aani bedine abuala. Na Elhanan ɔti ndi Yaare-Oregim na ɔ́si Betlehem.

Ala Alɛdi 1 11:23

Ɔ́du Egyipteni ukpone unengudi ɔdi na nwuna bɔkuku bɔdi lɛgba bɔka maatɛ ku kakɛ. Na ina ka Egyipteni ɔmmɔ ɔda kewii gyɔlɔɔ ni, ligyiiku lɛdi kani na Benaia ɔda útásiaku-nwu na úƒie nwuna kewii kammɔ ɔ́ƒɔ na úti ɔ́tu-nwu ɔ́du. Na ɔ́da lɛtula gyɔlɔɔ aani ɔta kalɛ. Na Benaia ɔ́wia ligyiiku na útekpoku-nwu. Na úkpeli Egyipteni ɔmmɔ lɛtula lɛmmɔ ɔ́ƒɔ na úti ɔ́du-nwu.

Ala Alɛdi 1 20:5

Na kekpo bamba kadi na Israelƒuɔ ku Ƒilistiƒuɔ békpo kemmo ni, Yair ubidi Elhanan ɔ́du Lami ɔni ndi Goliat ɔni nási Gat ɔma kemmo ɔnwani. Na Goliat ɔmɛni lɛtula lɛni na ɔda akpɛlɛ ani nlɛ-nwu lili ese aani lɛbuala lɛni lɛlɔ na adi bedine beebó kɔdi abuli taada.

Samuel 1 17:41

Na uwi ɔmmɔ kemmo ni, Goliat ɔ́ni uudé Dawid, na nwuna ukpone ɔni nti-nwu ekpola ɔtɔ-nwu anumi.