Samuel 1 17:53 - Katɔti Ɔku Kedee

⁵³ Ka Israelƒuɔ báda-ma bɔbɔku báya ni, bénwini bébo kesii kani na Ƒilistiƒuɔ báda bana keliekɔ mmɔ na bébeti bana ala ani na báda bése mmɔ ƒui.

Samuel 1 17:53 ပူးပေါင်းရင်းမြစ်များ

Samuel 2 23:10

Anwu nénye na úteebeyi Ƒilistiƒuɔ bammɔ taadu útédu ka nwuna kɔnu kɔ́sinsi na nwuna animi ágoglo áda kewii kammɔ lɛlɔ. Na Unwoti Katɔti ɔ́ya na bádi-ma lɛlɔ geen na limeyi lɛmmɔ lɛlɔ. Na Israelƒuɔ bekpone bammɔ bénwini bábasiaku Eleasa kama na beedie Ƒilistiƒuɔ bekpone bani na ɔ́du mmɔ lɛlɔ ala.

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Yeremia 4:20

Na mɔɔnu teemene kalɛ na bekisine baadi-bu lɛlɔ taasia kama na beebile lɛla biala. Na mina kaduli muedi bébo-ka bábwɛ ɔni na útaƒɔ uwi ɔdi.

Samuel 1 17:52

Na Israel ku Yuda bekpone bávwi kekpo lise ku kudu momoomo na bábɔku Ƒilistiƒuɔ bekpone bammɔ laa bétédu bana lɛma linengudi lɛni ndi Gat ku Ekron kɔbanye. Na bádu bana bekpone bammɔ béwi ulu lɛlɔ geen úsela ɔma ɔni baalɔ Saraim.

Samuel 1 17:54

Dawid úti Goliat lili úsienku Yerusalem. Na úti Goliat ekpola ani na úti mmɔ úwi nwuna ɔtɔ.

Samuel 1 19:5

Bɔnu na átanu átati kalɛ na úti lɛlɔ ɔ́kpa na ƒula lili uwi ɔni na útékpoku Goliat? Na bɔnu na átanu ka Unwoti ɔ́ya na abu Israelƒuɔ bɔ́di Ƒilistiƒuɔ lɛlɔ ɔkɛnku lɛla lɛni na ɔ́bla ɔsu? Awɔ ɔlati ánu ɔmɛni na ebiti áda-a sɔsɔ. Na bi ɔsu na ɔlɛka abla likpidi lɛmɛni udu na aya na badu Dawid? Útabla likpidi lɛdi!”