Samuel 1 17:52 - Katɔti Ɔku Kedee

⁵² Na Israel ku Yuda bekpone bávwi kekpo lise ku kudu momoomo na bábɔku Ƒilistiƒuɔ bekpone bammɔ laa bétédu bana lɛma linengudi lɛni ndi Gat ku Ekron kɔbanye. Na bádu bana bekpone bammɔ béwi ulu lɛlɔ geen úsela ɔma ɔni baalɔ Saraim.

Samuel 1 17:52 ပူးပေါင်းရင်းမြစ်များ

Samuel 2 23:10

Anwu nénye na úteebeyi Ƒilistiƒuɔ bammɔ taadu útédu ka nwuna kɔnu kɔ́sinsi na nwuna animi ágoglo áda kewii kammɔ lɛlɔ. Na Unwoti Katɔti ɔ́ya na bádi-ma lɛlɔ geen na limeyi lɛmmɔ lɛlɔ. Na Israelƒuɔ bekpone bammɔ bénwini bábasiaku Eleasa kama na beedie Ƒilistiƒuɔ bekpone bani na ɔ́du mmɔ lɛlɔ ala.

Baga 1 20:21

Na Israelƒuɔ ɔga ɔ́bi ɔ́siaku-ma na útavi bapɔnkɔ ku bapɔnkɔ kɛɛkɛ lɛmmɔ. Na ɔ́du Siriaƒuɔ kaduɛ.

Yosua 15:11

Na údeyi ɔkɛ Ekron na katɔ kakɛ na ɔ́kanti úsie Sikron. Na ɔ́vi ɔkɛ Baala Kɔbi lɛlɔ, na ɔkɛ Yabneel útédu Mediterenia Ɛpu.

Litemi Batɛne 7:23

Na Gideon ɔ́tala bekyuli ɔ́kya Naƒtali ku Aser ku Manase kalɔ lɛlɔ, na bekyuli bási bébo bábasiaku Midianƒuɔ.

Samuel 1 17:53

Ka Israelƒuɔ báda-ma bɔbɔku báya ni, bénwini bébo kesii kani na Ƒilistiƒuɔ báda bana keliekɔ mmɔ na bébeti bana ala ani na báda bése mmɔ ƒui.

Samuel 1 5:10

Ɔmɛni ɔsu ama lɛnɔ béti Bunyimi Adaka ɔmmɔ bémene ɔma ɔni baalɔ Ekron. Nsu ka bétédu mmɔ ni, bátavia ɔma ɔmmɔ ɔban kenye asa Ekron ɔma bekyuli bése kalɔ beení-ma ku kɔvanu momoomo banini, “Béti Israel Katɔti Bunyimi Adaka badububoku bula ɔma. Na ɔdubo abu ku bula bebi bɔdu.”

Samuel 1 5:8

Amu na Asdod ɔma bekyuli bálɔ Ƒilistiƒuɔ agyina besiene ƒui básala na Asdod mmɔ na béye-ma banini, “Bi na ɔlɛka bɔblaku Israelƒuɔ Katɔti Bunyimi Adaka ɔmɛni?” Amu na batɔnkune bammɔ bédie kenye banini, “Biti-nwu bimene ɔma ɔni baalɔ Gat.” Amu na béti-nwu bétése mmɔ.