Samuel 1 17:32 - Katɔti Ɔku Kedee

³² Amu na Dawid ɔ́su ɔnini, “Ɔga Ɔbune, utalɛka Ƒilistini ɔmɛni ɔnu-bu aani bekyuli bani na bubo liƒu. Ami ndubusie na ntékpoku-nwu!”

Samuel 1 17:32 ပူးပေါင်းရင်းမြစ်များ

Kɔgya 3:6

Na liƒu biala lítada-mi na bekisine mpim liti bani náka bámana-mi ɔsu.

Yesaia 35:4

Na bɛsu bani na ɔtɔtɔ ɔɔgyú-ma bɛnini, “Bise kayi na bɛda bɔyia bɛya, ɔsika bina Katɔti ɔdubo na ubedie-mii na udie bina bekisine kasi ute-mii.”

Yesaia 7:4

Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa.

Bumomo Bɔka 13:30

Mmɔ na Kaleb údie lɛdi na ɔ́ya na bekyuli bammɔ bába lɛsɛ na Mose anumi na ɔ́su-ma ɔnini, “Bɛya na busie butéti kalɔ kammɔ, ɔsika bɔdubɔkana bukpo na bɔdi-ma lɛlɔ.”

Bumomo Bɔka 14:9

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Hebriƒuɔ 12:12

Ɔmɛni ɔsu ni, bina akɔnkɔ ku enu ani mɔɔtɔ́-mii ni, bɛya na ɔyikun ɔwɔdi uduo-ni kemmo.

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Samuel 1 17:31

Bekpone bamba bénu lɛla lɛni Dawid ɔ́su na bésie batásu Ɔga Saul. Anwuɔsu Saul ɔ́tala na bátálɔ Dawid béboku.