Samuel 1 17:26 - Katɔti Ɔku Kedee

²⁶ Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”

Samuel 1 17:26 ပူးပေါင်းရင်းမြစ်များ

Samuel 1 11:2

Nsu Nahas Amonni ɔmmɔ údie kenye ɔnini, “Ɔmmɔ uuubo ɔkplu, nsu asa menu ɔmmɔ kalɔ ni, lɛla linwi lɛdi kani na ami lɛnɔ mɔɔyɔ́ ka lɛbla-mii. Ndubudie ɔnana biala kɔdianu lɛnumi liti lɛkya Israelƒuɔ ƒui kɔƒa.”

Lɛkpa Ulu 5:26

Na buuye bɔnii ukyuli ɔdi uulie ngba dii ka únu Katɔti ɔni nlie ngba lɛdi ɔ́siku lɛgyavonku kemmo?

Samuel 1 17:36

Ami ƒula kabla ɔblane lɛ́ɛdu gyata ku kegidi. Na ndubɔkana na lɛdu Ƒilistini ɔni nétekulo lego mɛni lɛnɔ aani bana kalɛ, ɔsika ɔ́nu Katɔti ɔni nli ngba bekpone ka baaadi lɛla lɛdi na nwuna anumi!

Samuel 1 17:10

Amu na Ƒilistini ɔmmɔ ɔ́su ɔnini, “Na ɔmwi ni, mɔɔsu amii Israelƒuɔ ka naaanu bina ɔyikun taakya lɛla lɛdi kemmo munu munu. Bidie ɔnana ɔni na ɔnii ubo kayi na ubo na ami ku-nwu bukpo.”

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”

Baga 2 19:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Daniel 9:16

Uwi ɔni návi kemmo ni, ábla-bu lɛƒɔndia geen lɛni náya na bɔɔnu taati na buuvele-ɔ ɔmwi ka ada kɔnyi kpakplaa kɔni na éti ákya Yerusalem mɛni buti taakya-bu aya. Ɔsika ina bi na abu ku bula bati kuuku bɔ́bla na bula anumi éwi kalɔ na kadi ƒui anumi muedi ni, ƒula ɔma ɔni na áƒuna na áya na bátu-nwu bálɛ ƒula kɔbi kedee lili lɛnɔ na ɔdi.

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Kɔgya 79:12

Unwoti, die kadi bekyuli bamɛni kasi akpa maatɛ na kalɛ na beedumi-ɔ kenye.

Kɔgya 44:13

Áya na bula liku bekyuli baatɛmi teewi-bu na beedumi-bu lɛnɔ ɔni na bɔ́sɔ bútaƒɔ kuye kɔdi na bana anumi.

Nehemia 5:9

Amu na lísie anumi na lɛ́su-ma nnini, “Lɛla lɛni na bɛɛbla mmɔ lɛɛɛdia munu munu! Na dɛ ɔsu na útalɛka bɛbla ala na Katɔti ulu lɛlɔ, kalɛ na Unwoti ulanyonu-bu ulakya bula bekisine bani naaadi Yudaƒuɔ enu kemmo?

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Yoel 2:19

Unwoti údie kenye na ɔ́su nwuna bekyuli ɔnini, “Bɛnu, líti edula ku ntɛ ku nnɔ muumene-mii na ala ammɔ emo-mii. Na nsɔ lɛɛɛdubo bɔya na kadi bamba bekyuli beteedumi-mii taama.

Kɔgya 74:18

O Unwoti, kali nu kalɛ na bekisine badɔlɔdi bamɛni baama-a na baalɔ-ɔ lɛnyikpi.

Samuel 1 17:30

Amu na Dawid únwini na úye ukpone bamba lɛla lɛmmɔ kani na anwu lɛnɔ kenye kani na básu-nwu kudeedi mmɔ kani na anwu lɛnɔ ɔ́su.

Samuel 1 31:4

Amu na Saul ɔ́su nwuna ekpola ala utine ɔnini, “Ni ƒula kewii kpa livuo kemmo na atu-mi adu, kalɛ na kadi bamba bekyuli bani na bétekulo-ma ago mɛni balábadu-mi na bataakun lɛmɛnɛ teedumi-mi.” Nsu Saul ekpola utine ɔmmɔ ɔ́yia ka ɔbla lɛni. Anwuɔsu Saul údie anwu ɔlati nwuna kewii na úbuli útébi-ka lɛlɔ.

Yeremia 9:25

“Limeyi lɛdubo na ndubo Egyipteƒuɔ ku Edomƒuɔ ku Amonƒuɔ ku Moabƒuɔ kɔtu bɔni ku adua ani bekyuli nkya abi lɛlɔ mmɔ ƒui. Bekyuli bamɛni ƒui békulo ago, nsu ɔɔɔdi ami na baasiaku. Na lɛni kani na use amii Yudaƒuɔ lɛnɔ. Bina ɔlɔna kani na bíkulo na ɔɔɔdi bina kɔyi na bíti bíte-mi na bɛ́vumana udu na bɛsiaku-mi kama siin.”

Esekiel 28:10

Baƒɔ ndubo bebekpoku na badu-ɔ na adubukpi aani bekyuli bani naaakya liili kalɔ teete-mi kalɛ. Ami Unwoti násu.’ ”

Yosua 3:10

Ɔni na bísela mɛni ni, Bina Unwoti Katɔti ɔdubo Kanaanƒuɔ ku Hetiƒuɔ ku Hewiƒuɔ ku Perisiƒuɔ ku Girgasiƒuɔ ku Amoriƒuɔ ku Yebusiƒuɔ bɔbɔku bɔlɛku kɔlɔ kɔmmɔ lɛlɔ. Na mmɔ bɛdubo bɔnu bɔti ka Katɔti ɔni nlie ngba mmɔ ɔkya-mii akɔ sɔsɔ.

Ala Alɛdi 2 32:17

Na ɔku ɔni na Sanaherib únweni kemmo ni, ɔ́kya Unwoti lɛlɔ lɛma na ɔ́su ɔnini, “Kadi bamba baƒiɔ bátakana bana kadi bekyuli bɔƒɔ bɔsiku Asiriaƒuɔ enu kemmo na Hesekia Katɔti ɔni na ɔɔkpá lɛnɔ ɔɔɔdubo lɛla lɛdi bɔkana bɔbla.”

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 6:27

Uudie bekyuli taalɛku ɔgbankpi kemmo na baakɛ́ bɔnwuna. Ɔɔbla akɔla ala budie taatina geen na katɔ ku kalɔ lɛlɔ ƒui. Daniel Katɔti údie-nwu, na ɔ́lɛ bagyata enu kemmo.”