Samuel 1 17:20 - Katɔti Ɔku Kedee

²⁰ Kadi kegye ɔtanta tutuutu ni, Dawid ɔ́da baƒonu bammɔ ɔ́kya lɛlɔ ɔnune bamba enu kemmo, na únyimi ala ɔ́sia nwuna bebuo ala utine lɛlɔ na ɔ́yu ulu ɔ́tɔlɔ kalɛ na ɔti ɔ́su-nwu. Nwuna mmɔ buduo kani na uunú ka beebó kekpo kudu ka bata besie kekpokɔ.

Samuel 1 17:20 ပူးပေါင်းရင်းမြစ်များ

Luka 19:43

Uwi ɔdi ɔdubo ɔni na bina bekisine badubɔka-mii bakya ekpo ekpo ƒui. Na badubutile eƒi ƒui na lɛla biala lɛsɔ lilakana buduo iye lɛlɛ keyi.

Yosua 3:1

Amu na kadi kégye ɔtanta tutuutu ni, Yosua ku Israelƒuɔ ƒui báta Sitim na bátɔlɔ bétélie Yordan Ketudɔ kesii kani na badubulie asa na bavia ketu kammɔ.

Samuel 1 15:12

Kadi kégye ɔtanta tutuutu ni, Samuel ɔ́ta na úsie utánu Saul. Nsu ka úsie ni, básu-nwu banini, “Saul úsie kesii kani baalɔ banii Karmel. Mmɔ na útátu enyimo lɛtabi lɛdi únyene úte lɛlɔ kalɛ na bekyuli bataakali taanu kalɛ na úkpo ɔ́di lɛlɔ na bataabu-nwu. Ɔmmɔ kama na únwini úsie Gilgal.”

Samuel 1 17:19

Ama ku Israelƒuɔ banana bakladi ƒui nkya Ela Kɔwɛ kɔmmɔ kemmo beekpóku Ƒilistiƒuɔ.”

Samuel 1 17:21

Na sɔsɔ Israelƒuɔ ku Ƒilistiƒuɔ bammɔ béesie beenye anumi ku anumi ka beteekpo.

Samuel 1 17:28

Ka Dawid ɔnwani unengudi Eliab únu ka Dawid ku bekpone bammɔ benye baatɛmi ni, ɔ́kɛ kɔnyi ɔ́kya-nwu geen na úye-nwu ɔnini, “Bi na ébo aawia mɛni? Ɔma na áda baƒonu ɛlɛɛ bammɔ ése na ɔɔnu lɛlɔ? Ngyi-ɔ kalɛ na aakun ala lɛmɛnɛ ku kayi kekpidi kani nkya-a. Ɔɔɔdi kekpo kamɛni ɔsu na ébo mɛni abanu lɛla lɛni mɔɔlɛ́?”

Samuel 1 26:5

Ɔmmɔ kama ni, Dawid ɔ́tu Saul ku nwuna bekyuli buɛɛ na ɔ́bɛ úsie kesii kani na bakya. Na ɔ́nu ka Saul ku nwuna bekpone unengu Abner ɔni ndi Ner ubidi batɛ. Na Saul úsie ɔtɛ bekpone bammɔ kakyakɔ mmɔ, na bekpone bammɔ ntɛ na báka bámana-nwu.

Samuel 1 26:7

Anwuɔsu usien ɔmmɔ kani ni, Dawid ku Abisai bákpɛ buɛɛ na bésie kesii kani na Saul ku nwuna badi batɛ baalɛɛ. Na ɔ́pima nwuna lɛtula ɔ́lɛ kalɔ na ude nwuna eli kakɛ. Na Abner ku bekpone bakladi batɛ bámana-ma na béduo lɛlɛɛ kemmo bésie ɔgyu geen.