Samuel 1 17:12 - Katɔti Ɔku Kedee

¹² Na Saul lɛga bɔdi uwi kemmo ni, unengu ɔdi ɔ́kya na baalɔ-nwu Yisai. Ɔdi Eƒrat kɔdua ukyuli na ulie Betlehem na Yuda kalɔ lɛlɔ, na ɔ́ɔbi geen. Ubo bebi bananabi maane. Na bebi bammɔ akɔ unwi ndi Dawid.

Samuel 1 17:12 ပူးပေါင်းရင်းမြစ်များ

Ala Kalɔ Buse 35:19

Ɔmmɔ kama ni, Rahel úkpi na báva-nwu na Eƒrata ulu lɛlɔ mmɔ kesii kani baalɔ Betlehem.

Samuel 2 23:1

Na ɔƒɛni ni, binu Dawid etemila ekplodi. Yisai ubidi Dawid mɔɔsu kenye kamɛni. Na ɔdi ukyuli ɔni na Katɔti ɔ́kɔliku katɔ katɔ ƒui. Anwu na Yakob Katɔti ɔ́ƒuna ka udie lɛla lɛdi kenye. Na ɔdi Israelƒuɔ agya ɔtune ɔbuni. Anwu násu ɔnini,

Kɔgya 132:6

Búnu ka nwuna Bunyimi Adaka ɔkya Eƒrata na bɔ́nu-nwu na Yearim alakpi akɔ.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mateo 1:6

Na ɔ́si Dawid lɛlɔ úbalɛ uwi ɔni na Babilonƒuɔ béƒie Israelƒuɔ bésienku bana kalɔ lɛlɔ ni, kaba kammɔ kemmo bati anyi ndi amɛni. Dawid, Salomo ɔni uni ndi uleku ɔni na Uria úti dii,

Mateo 2:1

Uwi ɔni na Herode ɔɔdi lɛga ni, báwɔ Yesu na ɔma ɔni baalɔ Betlehem na Yudea kalɔ lɛlɔ. Na uwi ɔmmɔ kani kemmo ni, benengu bani mɔɔtɛya ala ani mɔɔlɛ́ na ayabi lɛlɔ taati badi bási ɔƒɛ katukɔ bébo Yerusalem.

Mateo 2:6

“ ‘Awɔ Betlehem, bekyuli baasu ka adi ɔma ubliidi na Yuda kalɔ lɛlɔ. Nsu uuuse lɛni! Ɔsika ƒula kemmo na ɔtɔnkune ubendi ɔdi ɔdubɔlɛ ɔsi na watɔnku mina kadi bekyuli Israelƒuɔ.’ ”

Rut Keliela Ɔku 1:2

Na ɔnana ɔmɛni baalɔ banii Elimelek. Na ulekudi baalɔ banii Naomi. Na nwuna bebi bananabi inyɔ bammɔ baalɔ banii Mahlon ku Kilion. Bekyuli bamɛni bási Eƒrat kaba kemmo na Betlehem na Yudaƒuɔ kalɛkɛ lɛlɔ. Na bátɔlɔ bésie Moab kalɔ lɛlɔ, na bétélie mmɔ.

Rut Keliela Ɔku 4:17

Amu na liku bekyuli beleku bani nli mmɔ básu banini, “Naomi ɔ́kɛ ubi ɔnanabi.” Na beleku bammɔ básia ubi ɔmmɔ lɛnyi banii Obed. Na Obed ɔmɛni náwɔ Yisai, na Yisai lɛnɔ ɔ́wɔ Dawid.

Rut Keliela Ɔku 4:22

na Obed ɔ́wɔ Yisai, na Yisai ɔ́wɔ Dawid.

Samuel 1 1:1

Kuuku ni, ɔnana ɔdi ɔ́kya na baalɔ-nwu Elkana. Ɔnana ɔmɛni ɔ́si ɔma ɔni baalɔ banii Ramataim na Eƒraim abi lɛlɔ kalɛkɛ. Na ɔ́si Suƒ ɔtɔ kemmo na Eƒraim kɔdua kemmo. Elkana ɔmɛni ɔti baalɔ Yeroham. Na ɔtieku baalɔ Elihu ɔni ndi Tohu ubidi.

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Samuel 1 17:11

Ka Ɔga Saul ku Israelƒuɔ bakladi bénu Ƒilistini ɔmmɔ kenye kamɛni ni, liƒu lɛ́da-ma na báyia geen.

Samuel 1 17:58

Mmɔ na Saul úye Dawid ɔti lili. Na Dawid údie kenye ɔnini, “Ƒula kabla ɔblane Yisai ubidi na ndi. Na ɔ́si Betlehem.”