Samuel 1 16:1 - Katɔti Ɔku Kedee

¹ Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 16:1 ပူးပေါင်းရင်းမြစ်များ

Baga 1 8:16

‘Ɔ́si uwi ɔni na lɛ́kpanku mina bekyuli lɛ́lɛku Egyipte kalɔ lɛlɔ ni, ńtaƒuna ɔma unengudi ɔdi ńtasiku Israel adua ammɔ kɔdi kemmo ńtese lɛlɔ ka batu kakpakɔ bete-mi, na bataakpa-mi na mmɔ. Nsu lídie awɔ Dawid ka ataadi mina kadi bekyuli Israelƒuɔ lɛlɔ.’

Baga 2 9:1

Uwi ɔdi ni, Kenye Udiene Elisa ɔ́lɔ okloƒu ɔdi ɔ́siku kenye bediene kasala akɔ na ɔ́su-nwu ɔnini, “Ti kabuli da ƒula kavobi, na eteesie Ramot-Gilead. Na si ésela ni, na eti ɔsii ɔni na nnɔmii buwi-nwu kemmo mɛni ada.

Baga 2 9:3

Na eti ɔsii ɔmmɔ na ewi-nwu nnɔmii bɔmmɔ lili na ebo kudu anii, ‘Lɛni na Unwoti ɔɔsu ɔnii líwi-ɔ nnɔmii lili na líse-ɔ lɛga ka ataadi Israelƒuɔ ƒui lɛlɔ.’ Ɔmmɔ kama na alɛmi ɔtɔ ɔmmɔ na ekeli atɔlɔ, na tebile uwi!”

Baga 2 9:6

Ɔmmɔ kama Yehu ɔ́ta na bétéduo ɔtɔ ɔdi kemmo. Na okloƒu ɔmɛni úwi Yehu nnɔmii bɔmmɔ lili na ɔ́su-nwu ɔnini, “Lɛni na Unwoti ɔni ndi Israelƒuɔ Katɔti ɔɔsu. ‘Muuwi-ɔ nnɔmii bɔmɛni lili ka énwini Unwoti kadi bekyuli Israelƒuɔ ɔga.

Ala Alɛdi 1 11:3

Ɔmmɔ ɔsu Israel benengu ƒui bébo Hebron na Dawid kudɔ mmɔ. Na bényimi bunyimi bɔdi ku lɛlɔ na Unwoti anumi. Na bébo Dawid kudu na béwi-nwu lili nnɔmii béti bése-nwu likpo ka anwu ndi Israelƒuɔ ɔga aani kalɛ na Unwoti úse kenye ɔ́siaku Samuel lɛlɔ.

Ala Alɛdi 1 28:4

“Unwoti Katɔti ɔ́ƒuna Yuda ka nwuna kɔdua kɔbla lili na Israel ƒui. Na ɔ́si Yuda ɔmmɔ kemmo na ɔ́ƒuna mina ɔti kaduli. Na mmɔ na ɔ́ƒuna-mi ka linwini Israel ɔga. Na úse kenye lɛnɔ ka mina kaba kemmo bebi badubo lɛlɔ butaadi aani baga kalɛ.

Yesaia 11:1

Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Yesaia 55:4

Lɛ́bla-nwu na ɔdi kadi bekyuli ƒui ɔtɔnkune na anwu nádi mina kenye udiene úte-ma.

Yeremia 11:14

“Yeremia, takpali tevele na bekyuli bamɛni lili iye asu-mi anii ndie-ma. Ɔsika lɛɛɛdubo bunu ina ákpali-mi na lɛɛɛdubo bana buvele lɛnɔ bunu!”

Yeremia 15:1

Unwoti ɔ́su-mi ɔnini, “Ina Mose ku Samuel nnye mɛni bebunku-ɔ na bɛɛkpali-mi teevele ni, lɛɛɛdubo bunu, anwuɔsu ya na Yudaƒuɔ bammɔ benwini batɔlɔ.

Yeremia 6:30

Nsu mina bekyuli bebo kalala geen ɔni na basɔ balakana bɔbla sɛɛn. Anwuɔsu líni-ma.”

Yeremia 7:16

“Yeremia, takpali-mi tevele na bekyuli bamɛni lili! Ami Unwoti lɛɛɛdubo bunu.

Sakaria 4:14

Amu na ɔ́su-mi ɔnini, “Kɔgba kɔmɛni kunye kute batɔnkune inyɔ bani na béwi-ma lili nnɔmii na báƒuna-ma mmɔ na benye bayawine ƒui Unwoti kudɔ.”

Romaƒuɔ 15:12

Yesaia lɛnɔ ɔ́sɔ únweni ɔnini, “Yese kugyii ugyiitu ɔdubɔta. Na ɔdi ukyuli ɔni ndubɔta na ɔdi kadi ƒui bekyuli lɛlɔ. Na bekyuli bani naaadi Yudaƒuɔ ƒui badubɔkɛ lɛnunsia na nwuna lɛlɔ.”

Hebriƒuɔ 11:32

Bi lɛnɔ na nsɔ nsu-mii? Uwi uuubo ka lɛtɛmi lɛsiku Gideon ku Barak ku Simson ku Yeƒta ku Dawid ku Samuel ku Katɔti kenye bediene lɛlɔ.

Yohane 1 5:16

Si ɔdi ɔ́nu ka nwuna ɔnwa ɔƒɔtaadine ɔ́bla likpidi lɛdi lɛni na lilákpanku-nwu taatákya kukpi ƒui kemmo ni, ɔkpali katɔ na nwuna lili na Katɔti ɔdubute-nwu ngba. Na ɔmɛni use ute bekyuli bani na bana ekpidi alákpanku-ma taatákya kukpi ƒui kemmo. Nsu likpidi lɛdi lɛkya lɛni mɔɔkpanku bekyuli taatákya kukpi ƒui kemmo. Na naaasu nnii bɛkpali katɔ na likpidi lɛmɛni lili.

Samuel 1 10:1

Ɔmmɔ kama ni, Samuel úti ɔsii ɔdi na nnɔmii buwi-nwu kemmo na úwilimi nnɔmii bɔmmɔ úwi Saul lili na ɔ́kya-nwu kɔgbu na ɔ́su-nwu ɔnini, “Geen geen ni, Katɔti ɔ́ƒuna-a ka enwini nwuna kadi bekyuli Israelƒuɔ ɔga.

Samuel 1 15:11

“Úduo-mi geen ka lɛ́ya na Saul ɔ́di lɛga, ɔsika únwini kama ɔ́kya-mi na útadi mina kenye kani na lɛ́su-nwu lɛlɔ.” Lɛla lɛmɛni líkpoku Samuel geen, anwuɔsu útalɛɛ, mmomu ɔkya ɔɔkpali Katɔti teevele usien umodi ɔmmɔ.

Samuel 1 15:23

Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”

Samuel 1 15:26

Nsu Samuel úni na ɔ́su-nwu ɔnini, “Nsɔ lɛɛɛdubo bunwini bubasiaku-ɔ, ɔsika éni ka adi Unwoti litemi lɛlɔ, anwuɔsu Unwoti lɛnɔ úni ka awɔ asɔ adi nwuna ɔga na Israel lɛlɔ!”

Samuel 1 15:35

Na ɔ́si ɔmmɔ lɛlɔ útédu limeyi lɛni na Samuel úkpi ni, ɔ́sɔ útésie útatánu Saul kudii, ina ka Saul lɛlɔ litemi líkpoku-nwu na úwulo-nwu kɔnyana. Na úduo Katɔti lɛnɔ ka úse Saul lɛga úte Israelƒuɔ.

Samuel 1 16:15

Na nwuna benengu básu-nwu banini, “Nu! Kɔyu kukpidi kɔdi na Unwoti ɔ́ya na kuukpóku-ɔ.

Samuel 1 16:23

Ɔƒɛni uwi biala na kɔyu kukpidi kɔmmɔ kúbo kuukpóku Saul ni, Dawid ɔɔgyá nwuna ɔbentaa, na Saul lɛlɔ kemmo kaayɔ́ buɛɛ na kɔyu kɔmmɔ kɔtɔlɔ.

Samuel 1 17:12

Na Saul lɛga bɔdi uwi kemmo ni, unengu ɔdi ɔ́kya na baalɔ-nwu Yisai. Ɔdi Eƒrat kɔdua ukyuli na ulie Betlehem na Yuda kalɔ lɛlɔ, na ɔ́ɔbi geen. Ubo bebi bananabi maane. Na bebi bammɔ akɔ unwi ndi Dawid.

Samuel 1 9:16

Na ɔ́su-nwu ɔnini, “Kɔnaadi aani uwi ɔni kemmo na mɔɔtɛmiku-ɔ mɛni ni, ndubɔya na ɔnana ɔdi ubo-ɔ kudɔ. Na ɔnana ɔmmɔ ɔ́si Benyamin kalɔ kemmo. Wi-nwu lili nnɔmii na ese-nwu likpo na unwini ɔtɔnkune ute mina kadi bekyuli Israelƒuɔ. Anwu ndubo-ma bɔtɔnku na lɛƒɔ-ma na Ƒilistiƒuɔ enu kemmo. Ɔsika lɛla lɛni na bévele-mi ni, línu-ma bɔkpali.”