Samuel 1 15:23 - Katɔti Ɔku Kedee

²³ Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”

Samuel 1 15:23 ပူးပေါင်းရင်းမြစ်များ

Ala Kalɔ Buse 31:19

Uwi ɔni na Laban úsie útéteekulo baƒonu bammɔ linwini ni, Rahel úyu ɔti kaduli baƒiɔ badi.

Ala Kalɔ Buse 31:34

Nsu asa na úbedu mmɔ ni, Rahel úuti ɔti kaduli baƒiɔ bammɔ ɔ́kya liboku lɛdi kalɔ na ɔ́sɔ úlie-ni lɛlɔ. Na ani na ɔɔsia nwuna ebuo ala utine kama teelie. Na Laban ɔ́wia lɛla biala kemmo ɔ́nɔ na útanu lɛla lɛdi.

Samuel 2 12:9

Bi ɔsu na átadi Unwoti litemi lɛlɔ na ábla likpidi na nwuna anumi? Awɔ nádu Uria Hitini ku kewii na áƒɔ ulekudi énwini awɔ ɔdi. Ɔkɛnku awɔ ɔsu na Amonƒuɔ bádu-nwu ku kewii.

Samuel 2 7:15

Nsu bɔyɔ bɔni nkya ami ku-nwu ntɛ bulékulo kudii aani ami ku Saul bɔdi kalɛ. Anwu na lɛ́da lídie lɛga kadikɔ mmɔ asa na líti awɔ líse nwuna kenyekɔ.

Ala Alɛdi 1 10:13

Na Saul úkpi, ɔsika útasiaku Unwoti siin. Na úni Unwoti ɔda bubo na úsie like bebone kudɔ ka úteye ala únu muedi.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Hiob 34:37

Ƒula ɔbladu ƒui ɔ́ta únye Katɔti lɛlɔ. Na ɔmmɔ kama muedi budumi na asɔ eedumi-nwu.”

Kɔgya 107:11

Ɔsika báta bénye Katɔti Ɔyikune Ƒui lɛlɔ na béni nwuna bɔlɛ.

Israelƒuɔ Bɔlɛ 22:18

“Na uleku biala matɛya kalɛ beebó like ni, bɔdu ɔlɛka badu-nwu.

Yesaia 19:3

Na enu adubɔƒɛ Egyipteƒuɔ. Na libile bana kɔkwɛ ƒui, na beye kasiakɔ basiku bana baƒiɔ ku bekpine, ku bekebone ku bevone kudɔ banɔ.

Yesaia 8:19

Si bekyuli baasu-mii banii bitébo like na biye bekpine ku ayu ani mɔɔtɛmi kabɛnsɛ na baatɛmi linwubwɛ ala binu ni, ɔɔɔdi Katɔti mmomu na biye ala kalɔ binu? Bi ɔsu na bekpine na biiye ala binu bɛsiku bayawine lɛlɔ?

Yeremia 16:12

Na bɛ́bla ala ani na ásɔ ébie etulo amɛni! Bɛɛbla atuɔkplu kpakplakpa na ɔni na binu-mi litemi na bedi-ni lɛlɔ ni, ala ekpidi ani nébo-mii kasusu kani na bɛɛbla.

Yeremia 29:32

Na ala ani na ɔ́ɔsu-mii bɔsu bɔsu ɔsu bínwini batuɔkplune na bɛsɔ bilenu-mi litemi. Anwuɔsu ndubo-nwu kɔtu bɔni geen na anwu ku nwuna bawɔ ɔdi biala ɔɔɔdubo ngba bulie bɔnu lɛbuni lɛni na ndubo bɔbla bute mina kadi bekyuli.”

Hosea 13:11

Kɔnyi kemmo na líte-ɔ ɔga ɔni na aawia na líti-nwu lɛ́tɔlɔku na livoƒi kemmo.

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Lewiƒuɔ Ɔda Bubo 20:27

“ ‘Si ɔnana iye uleku ɔdi ɔkya-mii akɔ na uubó like iye uuye bekpine ala teenu ni, ɔlɛka bibo-nwu atabi bɛdu. Na bana ubugya ɔdubɔsia ama alati lili.’ ”

Lewiƒuɔ Ɔda Bubo 20:6

“ ‘Ukyuli ɔni ndubusie bekyuli bani muubó like iye baakpali bekpine teeye ala teenu kudɔ na ama ku bekyuli bammɔ baabla lɛyalɛ ala ni, ndubo mina anumi budie bɔlɛ ukyuli ɔmmɔ. Na ndubɔda-nwu lidie nwuna badi akɔ.

Bumomo Bɔka 14:9

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Batalane Kabla 13:22

Nsu Katɔti ɔ́da-nwu údie liboku lɛlɔ na úti Dawid úse lɛgaboku lɛmmɔ lɛlɔ. Dawid ɔmɛni ɔdi ukyuli ɔni lɛlɔ na Katɔti ɔ́su ɔnini, ‘Lɛ́ƒuna Yese ubidi Dawid líse. Ɔdi ukyuli ɔni na mina kayi kaayɔ́, ɔsika anwu ɔdubɔbu-mi.’

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Lɛkpa Ulu 9:24

Na ɔ́si uwi ɔni na ami Mose lɛ́ti-mii ni, bɔta kani na bɛɛta teenye Unwoti lɛlɔ.

Lɛkpa Ulu 9:7

Bitayiƒala kalɛ na bɛ́ya na Unwoti úti kɔnyi ɔ́kya-mii na kalɔ kakwiidi kemmo. Úti ɔ́si limeyi lɛni lɛlɔ na bɛ́ta Egyipte kalɔ úti úbedu limeyi lɛni bíbeduo mɛni ni, lɛni kani na bɛkya bɛɛta teenye Unwoti lɛlɔ.

Yosua 22:15

Amu na bátásu Ruben ku Gad kaba ku Manase kaba kakɛ bekyuli banini,

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.

Samuel 1 13:14

Nsu ɔƒaani ni, ƒula lɛgadi lɛsɔ lilenye uwi ƒui. Ɔsika Unwoti ɔ́ɔƒuna ukyuli bamba ɔni na nwuna kayi kaayɔ́ ka ɔtɔnku nwuna kadi bekyuli. Ɔsika awɔ átadi nwuna ɔda bubo lɛlɔ.”

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Samuel 1 28:3

Na uwi ɔmmɔ ƒui kemmo ni, Samuel úukpi, na Israel kadi bekyuli béewulo-nwu báva na anwu ɔlati nwuna ɔma na Rama. Na like bebone ku bani ƒui mɔɔkpali bekpine taatɛmiku-ma ni, Saul ɔ́bɔku-ma na kalɔ kammɔ ƒui lɛlɔ.