Samuel 1 14:6 - Katɔti Ɔku Kedee

⁶ Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”

Samuel 1 14:6 ပူးပေါင်းရင်းမြစ်များ

Samuel 2 1:20

“Bitasu ɔmɛni udu na Gat ɔma kemmo. Na bitebo-ni kudu na Askelon lɛnɔ. Si ɔɔɔdi lɛni ni, lɛlɔ lɛdubɔyɔ Ƒilistiƒuɔ beleku. Na ebiti ada beleku bani na kadi bamba bekyuli bani na bétekulo ago báwɔ.

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Baga 2 19:4

Na ɔƒɛni kalɛ Unwoti ƒula Katɔti únu ala ani na Asiriaƒuɔ ɔga ɔ́tala nwuna bekpone benengu na bábasu-bu na bédumi Katɔti ɔni na uli ngba. Na muuvele nnii ƒula Unwoti Katɔti unu edumi ammɔ na ɔni bani nédumi-nwu mmɔ kɔtu. Anwuɔsu kpali Katɔti na evele ete bula bekyuli ku abu bani nli ngba.”

Ala Alɛdi 2 14:10

Asa úsie útásiaku-nwu na mmɔ na bana akpa anyɔ ƒui báklibi lɛlɔ béte kekpo na kɔwɛ kɔni na baalɔ banii Saƒata kemmo.

Ala Alɛdi 2 14:11

Amu na Asa ɔ́kpali úvele ɔnini, “Unwoti Katɔti awɔ kani ndubɔkana na ebunku bekpone bani neeebo ɔyikun na badi bani na bebo ɔyikun lɛlɔ. Anwuɔsu ƒula lɛlɔ na bula anu asia ka ebunku-bu. Na bɔdubo bekpone bani mbo ɔyikun geen mɛni bukpoku buti bute ƒula lɛnyi ɔbu. Na bɔgyi ka ulakana na wadi-ɔ lɛlɔ, ɔsika awɔ ndi Unwoti bula Katɔti.”

Kɔgya 135:6

Lɛla lɛni mɔɔyɔ́-nwu kaƒɔ ni, ani na Unwoti Katɔti ɔɔbla na katɔ mmɔ ku kalɔ lɛlɔ ku ɛpu kemmo ku kalɔ kemmo ƒui.

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Yeremia 9:25

“Limeyi lɛdubo na ndubo Egyipteƒuɔ ku Edomƒuɔ ku Amonƒuɔ ku Moabƒuɔ kɔtu bɔni ku adua ani bekyuli nkya abi lɛlɔ mmɔ ƒui. Bekyuli bamɛni ƒui békulo ago, nsu ɔɔɔdi ami na baasiaku. Na lɛni kani na use amii Yudaƒuɔ lɛnɔ. Bina ɔlɔna kani na bíkulo na ɔɔɔdi bina kɔyi na bíti bíte-mi na bɛ́vumana udu na bɛsiaku-mi kama siin.”

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Bumomo Bɔka 10:32

Na si asiaku-bu ni, ala abuni ani na Unwoti ɔdubute-bu mmɔ ni, abu ku-ɔ ƒui bɔdubule-nya.”

Bumomo Bɔka 31:4

Na kaba biala kemmo ni, bidie nkyuli apim unwi na betékpo.”

Mateo 19:26

Amu na Yesu ɔ́nu-ma anumi na ɔ́su-ma ɔnini, “Ɔyawine biala ulakana ɔmɛni bɔbla. Nsu Katɔti anwu ni, ɔɔkana lɛla biala bɔbla.”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Litemi Batɛne 15:18

Na ka utukwɛ úbo ɔɔda Simson ɔsu ni, úwulo ɔ́kpali Unwoti ɔnini, “Awɔ náya na ƒula kabla ɔblane úkpo ɔ́di lɛlɔ. Anwuɔsu bunye na adubunye anu na utukwɛ ɔdu-mi na anyonu-mi akya bekyuli bani neeekulo ago mɛni enu kemmo?”

Samuel 1 14:5

Lɛtakpɛ linwi lɛdanku lísie katɔ kakɛ na Mikmas. Na lɛtakpɛ lɛni na ɔvi unyɔdi lɛdanku lísie kada kakɛ na Geba.

Samuel 1 14:7

Amu na nwuna ekpola utine ɔmmɔ ɔ́su-nwu ɔnini, “Tɔ na lɛsiaku-ɔ. Na lɛla biala na aayɔ́ ka abla ni, ami lɛnɔ lɛ́tunaku-ɔ ku mina kayi ku kɔyu ƒui.”

Samuel 1 17:26

Ka Dawid úbo úbasiaku lɛla lɛmɛni ni, úye ukpone ɔni nnye nwuna kɔmadɔ ɔnini, “Bi na badubo bɔbla bute ukyuli ɔni makana Ƒilistini ɔmɛni bɔdu na ɔda bula kadi Israelƒuɔ kɔƒa bɔkya ɔya? Ɔma na Ƒilistini ɔni na útekulo lego mɛni ɔɔkali ka ɔdi na ubataakun lɛmɛnɛ taakya Katɔti ɔni nli ngba uwi ƒui bekpone lɛni?”

Samuel 1 17:36

Ami ƒula kabla ɔblane lɛ́ɛdu gyata ku kegidi. Na ndubɔkana na lɛdu Ƒilistini ɔni nétekulo lego mɛni lɛnɔ aani bana kalɛ, ɔsika ɔ́nu Katɔti ɔni nli ngba bekpone ka baaadi lɛla lɛdi na nwuna anumi!

Samuel 1 17:46

Nsu ɔmwi ni, Unwoti ɔdubɔya na lɛdi-ɔ lɛlɔ. Na ndubukulo-ɔ lili lɛnɔ. Na ɔɔɔdi ɔmmɔ lɛti pɛ. Mmomu bina Ƒilistiƒuɔ bekpone ni, badubo-ma bɔdu geen ɔmwi limeyi lɛmɛni lɛlɔ na bana ɔlɔna unwini lɛdila ute baasɛ ku bebuo bamba na bakun. Na kayawi bekyuli ƒui banu bati ka abu Israelƒuɔ ni, bubo Katɔti ɔni muukpó teete-bu.

Samuel 1 17:47

Lɛla lɛdi litatɔlɔ-ɔ, ɔsika Unwoti mɔɔyá na ukyuli ɔɔdi lɛlɔ, na ɔɔɔdi kewii iye lɛtula ɔyikun kemmo. Ɔsika kekpo kammɔ kadi Unwoti kadi. Na anwu ɔmmɔ ndubɔya na bɔdi-ɔ lɛlɔ lɛnɔ.”

Samuel 1 31:4

Amu na Saul ɔ́su nwuna ekpola ala utine ɔnini, “Ni ƒula kewii kpa livuo kemmo na atu-mi adu, kalɛ na kadi bamba bekyuli bani na bétekulo-ma ago mɛni balábadu-mi na bataakun lɛmɛnɛ teedumi-mi.” Nsu Saul ekpola utine ɔmmɔ ɔ́yia ka ɔbla lɛni. Anwuɔsu Saul údie anwu ɔlati nwuna kewii na úbuli útébi-ka lɛlɔ.