Samuel 1 14:5 - Katɔti Ɔku Kedee

⁵ Lɛtakpɛ linwi lɛdanku lísie katɔ kakɛ na Mikmas. Na lɛtakpɛ lɛni na ɔvi unyɔdi lɛdanku lísie kada kakɛ na Geba.

Samuel 1 14:5 ပူးပေါင်းရင်းမြစ်များ

Ala Alɛdi 1 3:6

Na Yibhar ku Elisama ku Eliƒelet

Yesaia 10:28

Bɛnu! Báasi bébedu Aiat ɔma, na básia bálɛ Migron ɔma kemmo. Na baaklibi bana ala buse na Mikmas.

Yesaia 10:29

Bávia ketu na utukwalɛ bonwu ɔdi, na bátáƒɔ lɛlɔ bátɛ Geba ɔma kemmo. Na liƒu lɛ́ya na lɛlɔ lɛɛtɔ́ Rama ɔma bekyuli. Na Saul ɔma Gibea kadi bekyuli beekeli ka baƒɔ bana lili ngba.

Samuel 1 13:11

Mmɔ kani ni, Samuel úye-nwu ɔnini, “Bi ndi lɛla lɛni na ábla mɛni?” Amu na Saul údie kenye ɔnini, “Lɛ́nu ka banana bammɔ beegyingya. Na lɛnɔ ni, étebeduo uwi ɔni na ése lɛlɔ, na Ƒilistiƒuɔ badaku lɛlɔ bɔsala na Mikmas.

Samuel 1 13:2

Saul ɔ́ƒuna bekpone mpim ɛtɛ ɔ́siku Israel. Na bekpone mpim inyɔ basiaku-nwu na Mikmas ku Betel abi kalɛkɛ lɛlɔ. Na apim unwi basiaku ubidi Yonatan na Gibea na Benyamin kalɛkɛ lɛlɔ. Na bekpone bakladi bani ƒui nébu ni, Saul ɔ́ya na bátɔlɔ bésie bana kɔduli.

Samuel 1 13:23

Na Ƒilistiƒuɔ bekpone badi bésie bátágyumana abi atɛ ulu ɔni ntɛ úsie Mikmas.

Samuel 1 13:3

Amu na limeyi lɛdi ni, Yonatan útéyu Ƒilistiƒuɔ ɔ́tu na útékpoku-ma na kesii kani baalɔ Geba. Na kɔku kɔmmɔ kúwi Ƒilistiƒuɔ bakladi bani nkya ekpo bamba. Lɛni kani na Saul lɛnɔ únu kɔku kɔmɛni, na ɔ́ya na bávwi kakpɛɛ bávi Hebriƒuɔ lɛma ƒui kemmo ka basala lɛlɔ na betékpo.

Samuel 1 14:31

Na limeyi lɛmmɔ ni, Israelƒuɔ békpoku Ƒilistiƒuɔ ɔ́si Mikmas útédu Ayalon na bádi-ma lɛlɔ. Nsu ina ka bádi-ma lɛlɔ ni, bekpone bammɔ bábla kpɛtɛ kpɛtɛ.

Samuel 1 14:4

Na asa na badubɔkana na bedu kesii kani na bana bekisine Ƒilistiƒuɔ bakya ni, ɔlɛka basia Mikmas abi ntɛ ulu ɔmmɔ. Na ulu ɔvi biala ni, lɛtakpɛ bonwu lɛdi lɛƒa. Na linwi baalɔ Boses, na lɛkladi baalɔ Sene.

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”