Samuel 1 14:41 - Katɔti Ɔku Kedee

⁴¹ Amu na Saul ɔ́kpali Unwoti ɔnini, “Bula Unwoti, Israel Katɔti, bi ɔsu na bɔ́kpali-ɔ na étedie lɛla lɛni na búye-ɔ kenye étete-bu? Die ukyuli ɔni náƒiɔ tina-bu si ami ku mina ubi Yonatan na ɔdi iye bekpone bammɔ akɔ ɔdi na ɔdi.” Mmɔ na kenye budie bɔmmɔ búbo ka ɔga ku Yonatan akɔ ɔdi na ɔdi, na útasi bekyuli bammɔ.

Samuel 1 14:41 ပူးပေါင်းရင်းမြစ်များ

Agba 16:33

Adubɔkana na ebo egulabi akɔliku katɔ, nsu Unwoti mɔɔtina ɔƒɛnyi ɔni lɛlɔ na ɔdubo bɔyu.

Agba 18:18

Baakana na baatu egulabi taanu na bayikune inyɔ bani mɔɔkya unyeƒi ɔdi lɛlɔ na unyeƒi ɔsa.

Yona 1:7

Amu na bekyuli bani ƒui nkya ɔkɔlɔ ubendi ɔmmɔ kemmo básala eli lisu na básu banini, “Bɔdubo egulabi bɔtu bɔnu ukyuli ɔni lɛlɔ ɔsu na bɔɔkɛ́ ɔgbankpi ɔmɛni udu.” Na ka bátu-ni, Yona lɛnyi nálɛ.

Batalane Kabla 1:24

Na bákpali katɔ banini, “Blɔti, awɔ ngyi ukyuli biala kasusu kemmo. Anwuɔsu tina-bu nkyuli inyɔ bamɛni akɔ unwi ɔni na áƒuna, ka unye ɔtalane kenyekɔ kani na Yuda ɔ́da úse na ɔ́tɔlɔ úsie kesii kani néduku-nwu.”

Batalane Kabla 1:26

Na ka bátu egulabi bánu na nkyuli inyɔ bamɛni lɛlɔ ni, Matia ɔdi nénwini úwi na béti-nwu bébunku nkyuli leevu-unwi bammɔ.

Samuel 1 14:40

Mmɔ na Saul úbo ɔda úte Israelƒuɔ bammɔ ƒui ɔnini, “Biténye ɔvi ɔngye. Na ami ku mina ubi Yonatan bunye ɔvi ɔmɛni.” Amu na bédie kenye banini, “Bɔdubɔbla lɛla biala na ásu-bu.”

Samuel 1 14:42

Anwuɔsu Saul ɔ́su Ahiya ɔnini, “Amu die tina ami ku Yonatan ntɛ bula akɔ ɔni geen na ɔdi.” Na úbalɛ Yonatan lɛlɔ ka anwu nábla likpidi.