Samuel 1 14:34 - Katɔti Ɔku Kedee

³⁴ Na ɔ́su batɔnkune bammɔ unwi ɔnini, “Sie na atásu bekyuli bammɔ na beti bana ɔmantɛ bakɔ ku baƒonu beboku na badu-ma bewi lɛtabi lɛmɛni lɛlɔ na ulu ɔbuni lɛlɔ. Na ɔmmɔ kama bakana na beti lɛna lɛmmɔ bakun. Na utalɛ ka bataaƒiɔ Unwoti na bataakun lɛna lɛni kemmo na ubugya ɔkya.” Ɔmmɔ ɔsu béti bana ɔmantɛ bakɔ béboku na bábadu-ma na kesii kammɔ.

Samuel 1 14:34 ပူးပေါင်းရင်းမြစ်များ

Ala Kalɔ Buse 9:4

“Nsu bitakun ebuo ɔni bélii-nwu limɔ bádu na ubugya ɔmu ɔkya-nwu kemmo.

Samuel 1 14:33

Na ukyuli ɔdi útásu Saul ɔnini, “Nu, bekyuli bamɛni baabla lɛla lɛni náta línye Unwoti lɛlɔ, ɔsika baakun lɛna lɛni kemmo na ubugya ɔmu ɔkya.” Amu na Saul ɔ́va ku lɛdi momoomo ɔnini, “Bíbile bula bɔƒɔtaadi bɔmmɔ. Ɔmmɔ ɔsu biminime lɛtabi linengudi lɛdi biboku-mi kudɔ mɛni kɔnakunwi.”

Samuel 1 14:35

Na usien ɔmmɔ ni, Saul ɔ́tu lɛkpabi na bábla akpala béte Unwoti na mmɔ. Na ɔmmɔ ndi kudeedi ka Saul ɔ́bla lɛni.