Samuel 1 14:3 - Katɔti Ɔku Kedee

³ Na ɔkpane ɔni baalɔ Ahiya lɛnɔ ɔ́kya mmɔ na ɔkya bakpane awu ɔni muubi-ma kayi ku kama. Ɔkpane ɔmɛni ɔdi Ahitub ubidi na Ahitub ɔdi Ikabod ɔnwani. Na Ahiya ɔdi Pinehas uwɔ, na Pinehas lɛnɔ ɔdi Unwoti ɔkpane Eli ubidi ɔni nákya Silo ɔma. Na Yonatan anwu ni, ukyuli ɔdi ɔɔɔgyi ɔnii anwu ku nwuna ukpone ɔmmɔ bátɔlɔ bana Israelƒuɔ keliekɔ mmɔ bésie kesii kadi.

Samuel 1 14:3 ပူးပေါင်းရင်းမြစ်များ

Samuel 1 1:3

Lɛkwa ndi lɛkwa ni, Elkana ɔɔsí nwuna ɔma mmɔ teesie Silo kesii kani na uusié taatákpa Unwoti Katɔti Ɔyikune Ƒui. Na mmɔ na Unwoti Katɔti bakpane inyɔ badi bákya na badi Eli bebi. Ama baalɔ Hoƒni ku Pinehas.

Samuel 1 14:36

Amu na Saul ɔ́su ɔnini, “Bɛya na bɔbɔku Ƒilistiƒuɔ usien ɔmɛni. Na bɔdu-ma ƒui na buƒie bana ala ƒui bɔƒɔ.” Mmɔ na ama lɛnɔ bédie kenye banini, “Ƒula kasusu kammɔ kadia geen na bɔdubɔbla lɛni.” Nsu ɔkpane ɔni nkya mmɔ bɔ́su ɔnini, “Kudeedi ni, ɔlɛka bɔka Katɔti kasusu buye bunu asa.”

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Samuel 1 2:28

Ƒ'ɔti kaba kemmo bekyuli na lɛ́ƒuna na atɔƒi bamba ƒui akɔ na Israel. Na ama kani ndubusie mina lɛkpabi lɛlɔ na bakyula oloƒui bete-mi. Na bakya bakpane awu asa benye-mi anumi bataabla-mi kabla. Na ama kani na líti bɔkyula akpala ani na Israelƒuɔ béboku kadikɔ líte.

Samuel 1 22:20

Nsu Ahitub uwɔ ɔni baalɔ Abiatar na ɔdi Katɔti Ɔkpane Ahimelek ubidi anwu úkeli na útasiaku Dawid na bábla unwi.

Samuel 1 4:21

Na uwi ɔni na ɔɔyula ni, mmɔ na ɔ́su ɔnini, “Bɛsia-nwu lɛnyi bɛnii Ikabod, ɔsika Katɔti ɔ́ya na Israelƒuɔ bukeye bɔ́yii udu na Bunyimi Adaka ɔni na béƒie báƒɔ mmɔ ɔsu.”

Samuel 1 4:4

Ɔmmɔ ɔsu bésie na bététi Unwoti Ɔyikune Ƒui Bunyimi Adaka ɔmmɔ. Na nwuna lɛlɔ ni, Unwoti batu bebweyi inyɔ badi udu bénye bani baalɔ Kerub na bebo avwi. Na Bunyimi Adaka ɔmmɔ kudɔ ni, Eli bebi inyɔ, Hoƒni ku Pinehas, benye.