Samuel 1 14:18 - Katɔti Ɔku Kedee

¹⁸ Amu na Saul ɔ́su ɔkpane Ahiya ɔnini, “Ti Katɔti Bunyimi Adaka ɔmmɔ boku.” Na uwi ɔmmɔ ni, na adaka ɔmmɔ ɔ́kya Israelƒuɔ kudɔ.

Samuel 1 14:18 ပူးပေါင်းရင်းမြစ်များ

Samuel 2 11:11

Mmɔ na Uria údie kenye ɔnini, “Dɛ na ndubɔkana lɛmmɔ udu bɔbla. Israelƒuɔ ƒui ku Yudaƒuɔ benye kekpo. Na nvo kemmo na baatɛ. Na Unwoti Bunyimi Adaka ɔmmɔ lɛnɔ ɔkya-ma kudɔ mmɔ. Mina unengu Yoab ku nwuna bebunkune lɛnɔ kɔyɔ lɛlɔ na baatɛ na baaakya lɛma kemmo muedi. Ɔmmɔ ɔsu ami lɛnɔ naaakana kaduli busie na ntádi na lɛni na ami ku mina uleku lɛnɔ bɔtɛ. Uwi ɔni na eli ngba mɛni ni, lɛɛɛdubo ɔmmɔ udu bɔkana bɔbla!”

Samuel 1 7:1

Ɔmmɔ ɔsu Kiriat-Yearim bekyuli bébo na bébeti Unwoti Bunyimi Adaka ɔmmɔ bésienku Aminadab kesii. Na nwuna kaduli kakya abi lɛlɔ na bana ɔma kemmo. Na ubidi Eleasa na báƒuna ka utaanu Unwoti Bunyimi Adaka ɔmmɔ lɛlɔ.

Samuel 1 5:2

Na ka béti-nwu béboku mmɔ ni, béti-nwu bétése bana baƒiɔ ɔtɔ na badi baƒiɔ benengudi bani na baakpá na baalɔ-ma Dagon. Béti Bunyimi Adaka ɔmmɔ bényene Dagon baƒiɔ bani na bávɔ bényene mmɔ kɔmadɔ.

Litemi Batɛne 20:23

Na Israelƒuɔ bésie Unwoti anumi na bétéwulo bakya-nwu laa útédu useyi uwi. Na béye Unwoti banii, “Bɔsɔ busie na butékpoku bula banwani Benyamin kɔdua?” Amu na Unwoti údie kenye ɔnini, “Ɛɛn, biteesie bitékpoku-ma.”

Litemi Batɛne 20:18

Na Israelƒuɔ bésie Betel na bétéye básiku Unwoti kudɔ banii, “Kaba bekyuli bamani nka busie butákpoku Benyamin kɔdua bekyuli?” Amu na Unwoti údie kenye ɔnini, “Yuda kɔdua bekyuli baka busie.”

Bumomo Bɔka 27:21

Na uténye ɔkpane Eleasar anumi na uye Unwoti kasusu ute-nwu na ulu sɛsɛɛ lɛlɔ. Na si Yosua údie lɛdi asa na anwu ku Israelƒuɔ ƒui badubɔlɛ busie kesii kadi na si ɔ́sɔ údie lɛdi na basɔ benwini bebo.”

Samuel 1 14:17

Amu na Saul ɔ́su nwuna badi bani nkya-nwu kudɔ mmɔ ɔnini, “Bɛsala bekpone bammɔ ƒui na bɛnu bani nálɛ-mii akɔ.” Na ka bábla lɛni ni, bánu báti ka Yonatan ku nwuna ekpola utine ɔmmɔ neeebo-ma akɔ.

Samuel 1 14:36

Amu na Saul ɔ́su ɔnini, “Bɛya na bɔbɔku Ƒilistiƒuɔ usien ɔmɛni. Na bɔdu-ma ƒui na buƒie bana ala ƒui bɔƒɔ.” Mmɔ na ama lɛnɔ bédie kenye banini, “Ƒula kasusu kammɔ kadia geen na bɔdubɔbla lɛni.” Nsu ɔkpane ɔni nkya mmɔ bɔ́su ɔnini, “Kudeedi ni, ɔlɛka bɔka Katɔti kasusu buye bunu asa.”

Samuel 1 23:9

Uwi ɔni na Dawid únu ka Saul ɔɔwia ulu ɔni na ubo ubeƒie-nwu ni, ɔ́su Ɔkpane Abiatar ɔnini, “Ti ƒula bɔkpa awu ɔmmɔ boku.”