Samuel 1 14:12 - Katɔti Ɔku Kedee

¹² Na Ƒilistiƒuɔ bekpone bani nkya bana keliekɔ mmɔ bákpali bémene Yonatan ku nwuna ekpola utine banini, “Amii bɛkɔ bibo-bu kudɔ mɛni na bɔdubɔtina-mii lɛla lɛni bɛɛwia.” Anwuɔsu Yonatan ɔ́su nwuna ekpola utine ɔnini, “Siaku-mi taakɔ kɔbi kɔmmɔ. Unwoti unye abu Israelƒuɔ kama na bɔdi Ƒilistiƒuɔ bamɛni lɛlɔ.”

Samuel 1 14:12 ပူးပေါင်းရင်းမြစ်များ

Ala Kalɔ Buse 24:42

“Na uwi ɔni na ḿbedu libiɔ lɛmmɔ kɔtu ɔmwi ni, lɛ́kpali Katɔti lɛ́su-nwu nnini, ‘O Unwoti mina ɔtɔlati Abraham Katɔti, si ɔ́yɔ-ɔ kaƒɔ ni, na aya na lɛla lɛni ɔsu na muusié ulu ɔmɛni ubo-nwu kemmo lɛni.

Ala Kalɔ Buse 24:48

Na ɔmmɔ kama lɛ́kya lili kalɔ na límwi Unwoti Katɔti. Lɛ́kɔliku Unwoti mina ɔtɔlati Abraham Katɔti lɛnyi katɔ. Anwu nátɔnku-mi ɔ́vinku ulu ɔni geen lɛlɔ na ɔlɛka lɛsia. Na ḿbasiaku mina ɔtɔlati Abraham ɔlati ɔnwani uwɔ lite ubidi ɔnanabi ka uti-nwu.

Samuel 2 5:24

Na si uwi ɔni na énu kɔku kɔdi aani bekpone nkɛ muusié taavi egyii ammɔ eli ni, na ata ekpoku-ma kɔnakunwi. Ɔsika kɔku kɔmmɔ ndubɔya na ati ka Unwoti ɔ́gyu ɔtɔ-ɔ anumi. Na ɔdubo Ƒilistiƒuɔ bammɔ bubo bɔƒiɛmi kalɔ na ɔya na adi-ma lɛlɔ.”

Baga 2 14:8

Ɔmmɔ kama ni, Ɔga Amasia ɔ́tala bekyuli ɔ́kya Ɔga Yehoas ɔni ɔti ndi Yehoahas ɔni ɔti ndi Yehu ku kenye kamɛni ɔnini, “Si adi ɔnaabi ni, na ebo bɔsa anumi ku anumi.”

Litemi Batɛne 4:14

Amu na Debora ɔ́su Barak ɔnini, “Yu teesie! Ɔsika ɔmwi kadi Unwoti úti Sisera ɔ́kya-a enu kemmo.” Anwuɔsu Barak úti nwuna bekpone mpim leevu ɔ́siku Tabor Kɔbi mmɔ.

Litemi Batɛne 7:14

Amu na ɔkpana ɔmmɔ ɔ́su-nwu ɔnini, “Ɔɔɔdi lɛla bamba lɛdi na ánu utulo Yoas ubidi Gideon, Israelni ɔmmɔ kewii. Katɔti úti Midianƒuɔ ku abu bani ƒui násala bɔ́bla unwi mɛni ɔ́kya-nwu enu kemmo.”

Litemi Batɛne 7:15

Amu ka Gideon únu kɔna kɔmmɔ ku kalɛ bédie-nwu kalɔ ni, ɔ́lɛ akɔnkɔ na ɔ́kpali Unwoti. Mmɔ kani na únwini úsie Israelƒuɔ kakyakɔ na ɔ́kpali bekpone bammɔ ɔnini, “Bɛta na bɔgyu! Unwoti úti Midianƒuɔ bammɔ ku bana kevo ɔ́kya-bu enu kemmo.”

Litemi Batɛne 9:54

Amu na Abimelek ɔ́babla na ɔ́kpali nwuna ubunkune ɔni mɔɔda-nwu ala ɔnii ubo. Na ɔ́su-nwu ɔnini, “Die ƒula kewii na adu-mi kalɛ na bekyuli bammɔ balasu banii, ‘Uleku nádu-nwu.’ ” Anwuɔsu nwuna ubunkune ɔmmɔ údie nwuna kewii na ɔ́wɔ-nwu ɔ́du.

Samuel 1 14:10

Nsu si bébo-bu kɔnu ka buteebo-ma kudɔ mmɔ ni, bɔdubɔkɔ busie mmɔ. Na ɔmmɔ ɔdubɔbla likposela ute-bu ɔ́si Unwoti kudɔ ka ɔdubo-bu bubunku na bɔdi-ma lɛlɔ.”

Samuel 1 14:13

Yonatan ɔ́kpɛ enu ku akɔnkɔ ɔ́kɔ útálɛ atakpɛ ammɔ eli, na nwuna ukpone ɔmmɔ lɛnɔ ɔsiaku-nwu kama. Yonatan uubó Ƒilistiƒuɔ bammɔ taaƒiɛmi kalɔ. Na nwuna ekpola utine ɔmmɔ lɛnɔ ɔsiaku-nwu kama ɔɔdú-ma.