Samuel 1 13:6 - Katɔti Ɔku Kedee

⁶ Ka Israelƒuɔ bánu ka bana kenyekɔ kaaadia na baabɔku bana bekpone bammɔ geen ɔsu ni, ketulodikɔ bábɛ. Na badi bábɛ na atakpɛ libu kemmo ku abiɔ akukudi ku libu lɛnɔ kemmo.

Samuel 1 13:6 ပူးပေါင်းရင်းမြစ်များ

Samuel 2 24:14

Amu na Dawid ɔ́su ɔnini, “Liƒu bonwu lɛla lɛdi mɛni, na kayi kaakpulu-mi. Nu, si Unwoti ɔlati ɔ́ni-bu kɔtu ni, ɔdia utulo, ɔsika ɔɔnu kɔnyana na ɔdia utulo ka liduo bekyuli lɛkɔkɔ.”

Yesaia 42:22

Nsu nwuna bekyuli bamɛni na béƒie bátɔlɔku na bákya-ma lɛtɔ ku libu kemmo na ukyuli ɔdi uuubo na udie-ma. Na béƒie bana akɛla ƒui báƒɔ na bekyuli bammɔ belenu kalɔ ka basɔku-nya bete-ma.

Yeremia 41:9

Na abiɔ ani kemmo na úbo bekpine bamɛni ɔ́kya ni, Yudaƒuɔ Ɔga ɔni baalɔ Asa néku-nya kalɛ na bataaƒɔ ɔnantu ntu teewi-mu kemmo, ɔsika ɔɔyia Israelƒuɔ Ɔga Baasa ɔdubɔka Mispa ɔma ɔmmɔ ɔkya limeyi na basɔ balákɛ ntu kedukɔ na nwuna ɔma bekyuli balákɛ ntu bɔni na bani.

Esekiel 33:27

“ ‘Na ɔni na ami ndi Unwoti Katɔti na nli ngba uwi ƒui mɛni ni, amii bani nébu bɛkya lɛma lɛni na bábwɛ kemmo mɛni ni, bɛdubo bukpi na kekpokɔ. Na amii bani nkya akpaklɔ ni, beƒiebuo badubo-mii buƒie. Na bani nábɛ bakya atakpɛ libu kemmo ku bani nli atakpɛ eli ƒui ni, ɔlɛ buɛ ndubo-mii bɔdu.

Ƒilipiƒuɔ 1:23

Mina kasusu kéƒu na ala akpa anyɔ amɛni lɛlɔ. Ndubɔyɔ si lɛ́tɔlɔ na lísie nkya Kristo kudɔ. Nka ɔmɛni ɔdia-mi utulo.

Hebriƒuɔ 11:38

Bátakɛ keliekɔ na bekyuli bayawine akɔ. Na bakɛ baaví ketele kemmo ku abi akɔ na bélie atakpɛ ku kalɔ libu kemmo. Nsu bekyuli bamɛni badia betulo kayawi bekyuli.

Yosua 8:20

Amu ka Aiƒuɔ bénwini na bánu kama ni, bánu uyɔ ɔdi ka ɔkɛ katɔ. Na bánu ka kuƒi kɔdi kɔsɔ kuuubo na basia bekeli. Ɔsika Israelƒuɔ bani nékeli básia kalɔ kakwiidi kakɛ ni, bénwini bénye básiaku-ma.

Litemi Batɛne 10:9

Na Amonƒuɔ lɛnɔ bávia Yordan na bétékpoku Yuda ku Benyamin ku Eƒraim adua bekyuli na Israelƒuɔ béduo ɔgbankpi ubendi kemmo.

Litemi Batɛne 20:41

Mmɔ na Israelƒuɔ bénwini na Benyaminƒuɔ béƒu na báti ka Israelƒuɔ baayɔ́ bayila-ma udu.

Litemi Batɛne 6:2

Ka Midianƒuɔ bamɛni bebo ɔyikun bétulo Israelƒuɔ ɔsu ni, Israelƒuɔ bátáwia kɔkyakɔ na abi akɔ ku atakpɛ libu ku kɔgyumanakɔ kpakplaa kemmo.

Samuel 1 13:15

Ɔmmɔ kama ni, Samuel ɔ́yu ulu na ɔ́tɔlɔ Gilgal mmɔ. Na Saul ku bekpone bani nébu basiaku-nwu bátɔlɔ Gilgal mmɔ bésie bátásiaku nwuna bekpone bakladi na Gibea na Benyamin kalɛkɛ lɛlɔ. Na Saul ɔ́ka nwuna bekpone bani nébu basiaku-nwu. Na bana bumomo bɔbla aani nkyuli eti leevu-anyɔ kani.

Samuel 1 14:11

Ɔmmɔ ɔsu ni, bana inyɔ ƒui bédie lɛlɔ na Ƒilistiƒuɔ bammɔ baanu-ma básiku bana keliekɔ mmɔ. Na Ƒilistiƒuɔ bammɔ básu banini, “Bɛnu! Hebriƒuɔ bamɛni bási baalɛ́ bana libu lɛni kemmo na bábɛ bakya.”

Samuel 1 14:22

Ka Israelƒuɔ bani na nka bátábɛla lɛlɔ bákya abi adi akɔ na Eƒraim kalɛkɛ bénu ka bana kadi bekyuli Israelƒuɔ baabɔku Ƒilistiƒuɔ ni, ama lɛnɔ bébo bébebunku na kekpo kammɔ kemmo na bábɔku-ma kpakplaa.

Samuel 1 23:19

Ɔmmɔ kama ni, bekyuli badi bási Siƒ ɔma kemmo na bátásu Saul na Gibea banini, “Dawid ubo kabɛkɔ kadi na bula kudɔ, na Yesimon kada kakɛ na mmɔ kede Hores na Hakila abi lɛlɔ si éti ésela na ɔƒɛ kanukɔ kakɛ.

Samuel 1 24:3

Saul úbo úbedu kesii kani na baƒonu ayu adi enye na ulu kɔtu na lɛtakpɛ ubu ɔdi ɔkya mmɔ. Amu na úduo mmɔ ɔnii utése kuvodɔ. Na ubu ɔmmɔ kani kemmo na Dawid ku nwuna bekyuli bakya na kama kama ƒui.

Samuel 1 31:7

Uwi ɔni na Israelƒuɔ bani na belie Yesreel Kɔwɛ kɔtu ku bani na beli Yordan ɔvi unyɔdi bánu ka Israel bekpone békeli na Saul ku nwuna bebi lɛnɔ békpi ni, békeli na báda bana lɛma lɛmmɔ béwi na Ƒilistiƒuɔ bébeti lɛma lɛmmɔ bénwini bana lɛdi.

Samuel 1 7:7

Ka Ƒilistiƒuɔ bénu ka Israelƒuɔ ƒui bása na Mispa ni, Ƒilsitiƒuɔ agyina besiene báta banii bebekpoku-ma na mmɔ. Amu ɔni na Israelƒuɔ lɛnɔ bénu lɛni ni, liƒu lɛ́da-ma na báyia geen na Ƒilistiƒuɔ ɔkplu ɔsu.