Samuel 1 13:4 - Katɔti Ɔku Kedee

⁴ Ɔmmɔ ɔsu na Israel lɛma kemmo ƒui ni, bekyuli bammɔ bénu ka Saul ɔ́di Ƒilistiƒuɔ kakɛ kadi lɛlɔ. Na bagyi lɛnɔ ka Ƒilistiƒuɔ beekisi Israelƒuɔ geen. Anwuɔsu bálɔ bekyuli bammɔ ka besie batásiaku Saul na Gilgal.

Samuel 1 13:4 ပူးပေါင်းရင်းမြစ်များ

Ala Kalɔ Buse 34:30

Mmɔ na Yakob ɔ́su Simeon ku Lewi ɔnini, “Bíti lɛbibo bonwu bíboku-mi lɛlɔ. Na bíti lɛla libudi bibawɛɛ-mi lɛlɔ. Na ndubo buteenwenyi na Kanaanƒuɔ ku Perisiƒuɔ kadi bekyuli kudɔ na kalɔ kamɛni lɛlɔ. Bɛɛnu ka buuumomo na si básala lɛlɔ na báta kekpo na mina lɛlɔ ni, badubɔyila mina kaduli bekyuli ku ala ƒui udu.”

Ala Kalɔ Buse 46:34

na bidie kenye bɛnini, ‘Ati, abu ƒula kabla bablane ni, bebuo kani na bɔɔnyuɛ ɔ́si-bu lɛnamu uwi ƒui aani bula bati kalɛ.’ Na ɔmmɔ ɔdubɔya na bete-mii kuƒi ka bilie kalɔ kammɔ kemmo na Gosen kalɛkɛ lɛlɔ. Ɔsika bebuo banyuɛne ƒui beesé Egyipte kadi bekyuli ƒui lɛlɔ.”

Samuel 2 10:6

Uwi ɔni na Amonƒuɔ bánu báti ka Dawid ɔ́kɛ kɔnyi geen na lɛla lɛni na bábla nwuna batu ɔsu ni, bésie na bétévo Siriaƒuɔ bekpone mpim aavlanyɔ básiku Bet-Rehob ku Soba lɛma kemmo na básɔ bévo apim unwi básiku Maaka ɔga kudɔ na bévo mpim leevu-inyɔ básiku Tob lɛnɔ kudɔ.

Israelƒuɔ Bɔlɛ 5:21

Mmɔ na batɔnkune bammɔ básu-ma banini, “Unwoti ɔdubɔtɛku-mii litemi! Amii néti-bu bínwini bekyuli bani muuƒí Ƒarao ku nwuna benengu livo yayaaya, na utulo ka bɛ́kya-ma kewii kɔnu ka badu-bu muedi.”

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Yosua 5:9

Amu na Unwoti ɔ́su Yosua ɔnini, “Kɔƒa kɔni mɔɔdu-mii ka bɛdi kabla bablane bite Egyipteƒuɔ ni, lídie-ku bina lɛlɔ ɔmwi.” Anwuɔsu básia kesii kammɔ lɛnyi banii Gilgal. Na lɛni kani baalɔ mmɔ úti úbedu ɔmwi.

Samuel 1 10:8

“Mɔɔyɔ́ ka agyu atɔ-mi na Gilgal. Na ami ndubɔsia-a kama libo mbanu-ɔ na mmɔ. Na bɔdubɔbla akpala bɔkyula bute Katɔti ku unwi bɔbla akpala lɛnɔ. Nsu ɔlɛka enye agya-mi emeyi maatɛ wetédu ka líbo ḿbatina-a lɛla lɛni na ɔlɛka abla.”

Samuel 1 27:12

Na Ɔga Akis ɔ́ƒɔ Dawid ɔ́di na ɔ́su ɔnini, “Dawid únwini ukisine úte Israelƒuɔ ɔsu ɔdubunwini mina kabla ɔblane uwi ƒui.”