Bávia ketu na utukwalɛ bonwu ɔdi, na bátáƒɔ lɛlɔ bátɛ Geba ɔma kemmo. Na liƒu lɛ́ya na lɛlɔ lɛɛtɔ́ Rama ɔma bekyuli. Na Saul ɔma Gibea kadi bekyuli beekeli ka baƒɔ bana lili ngba.
Saul ɔ́ƒuna bekpone mpim ɛtɛ ɔ́siku Israel. Na bekpone mpim inyɔ basiaku-nwu na Mikmas ku Betel abi kalɛkɛ lɛlɔ. Na apim unwi basiaku ubidi Yonatan na Gibea na Benyamin kalɛkɛ lɛlɔ. Na bekpone bakladi bani ƒui nébu ni, Saul ɔ́ya na bátɔlɔ bésie bana kɔduli.
Ɔƒɛni na uwi ɔmmɔ kemmo ni, Saul ɔ́tu nwuna kevo na kɔdingyii klukui kɔdi kalɔ na Gibea na Benyamin kalɛkɛ. Na nwuna bekpone bani mabla aani eti leevu-anyɔ lɛnɔ bebunku-nwu na mmɔ.