Samuel 1 13:14 - Katɔti Ɔku Kedee

¹⁴ Nsu ɔƒaani ni, ƒula lɛgadi lɛsɔ lilenye uwi ƒui. Ɔsika Unwoti ɔ́ɔƒuna ukyuli bamba ɔni na nwuna kayi kaayɔ́ ka ɔtɔnku nwuna kadi bekyuli. Ɔsika awɔ átadi nwuna ɔda bubo lɛlɔ.”

Samuel 1 13:14 ပူးပေါင်းရင်းမြစ်များ

Samuel 2 5:2

Na kukuuku ƒui uwi ɔni na Saul ɔdi bula ɔga ni, awɔ kani nákpanku bula Israelƒuɔ bekpone ésienku kekpokɔ. Na Unwoti ɔ́su-ɔ ɔnini, ‘Awɔ ndubo mina kadi bekyuli bɔda aani baƒonu ɔdane kalɛ, na awɔ ndubɔdi bana ɔga.’ ”

Samuel 2 6:21

Mmɔ na Dawid lɛnɔ údie kenye ɔ́su Mikal ɔnini, “Nsu ala ani ƒui na lɛ́bla ni, Unwoti na muute ɔbu. Anwu náƒuna-mi ka lɛƒɔ ƒ'ɔti kenyekɔ ku nwuna ɔtɔ kemmo bekyuli ƒui kadikɔ linwini mina kadi aani ɔtɔnkune ɔni madi Israel ƒui lɛlɔ. Na ndubo bɔtɔ butulo lɛni na liti lɛkɔliku Unwoti lɛnyi katɔ.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Ala Alɛdi 1 10:13

Na Saul úkpi, ɔsika útasiaku Unwoti siin. Na úni Unwoti ɔda bubo na úsie like bebone kudɔ ka úteye ala únu muedi.

Kɔgya 78:70

Katɔti ɔƒuna Ɔga Dawid ka unwini nwuna kabla ɔblane na ɔda baƒonu lɛlɔ bɔnu ɔya,

Agba 27:24

Ɔsika lɛlakɛ lilese uwi ƒui. Na kagabwa lɛnɔ kelébi ukyuli lili taasi kaba útédu kaba.

Yesaia 39:5

Amu na Yesaia ɔ́su Hesekia ɔnini, “Se atu na enu lɛla lɛni na Unwoti Ɔyikune Ƒui ɔnii mbasu-ɔ.

Batalane Kabla 13:22

Nsu Katɔti ɔ́da-nwu údie liboku lɛlɔ na úti Dawid úse lɛgaboku lɛmmɔ lɛlɔ. Dawid ɔmɛni ɔdi ukyuli ɔni lɛlɔ na Katɔti ɔ́su ɔnini, ‘Lɛ́ƒuna Yese ubidi Dawid líse. Ɔdi ukyuli ɔni na mina kayi kaayɔ́, ɔsika anwu ɔdubɔbu-mi.’

Batalane Kabla 7:46

Katɔti úbunku Dawid kaduɛ. Anwuɔsu Dawid úye Unwoti ɔnii nka ute-nwu kuƒi na ɔtu keliekɔ geen use ute anwu ɔni ndi Yakob Katɔti.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Samuel 1 15:23

Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”

Samuel 1 15:26

Nsu Samuel úni na ɔ́su-nwu ɔnini, “Nsɔ lɛɛɛdubo bunwini bubasiaku-ɔ, ɔsika éni ka adi Unwoti litemi lɛlɔ, anwuɔsu Unwoti lɛnɔ úni ka awɔ asɔ adi nwuna ɔga na Israel lɛlɔ!”

Samuel 1 15:28

Amu na Samuel ɔ́su-nwu ɔnini, “Unwoti ɔ́bwɛ Israelƒuɔ lɛga kadikɔ ɔ́lɛku-ɔ lɛkɔkɔ. Na úti-ka úte ƒula badi bammɔ akɔ ɔdi. Na ɔdi ukyuli ɔni na ɔdia utulo-ɔ ƒui.

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 16:12

Anwuɔsu Yisai ɔ́tala na bátálɔ-nwu béboku, na ɔdi ɔnamu ɔni na ubo ɔlɔkplu na úgyie na ɔɔdia bɔnu lɛnɔ. Mmɔ na Unwoti ɔ́su Samuel ɔnini, “Ta na ewi-nwu nnɔmii lili, ɔsika anwu na lɛ́ƒuna.”

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Samuel 1 24:20

Ngyi nwaa ka awɔ ndubo abadi lɛga. Na ɔkɛnku ƒula lɛlɔ na Israel lɛga kadikɔ kammɔ kadubunye kpakplaa.

Samuel 1 25:30

Na si Unwoti ɔ́bla kenye kani na úse awɔ mina Ati úte-ɔ na ɔ́bla-a Israel lɛlɔ ɔdine ni,

Samuel 1 9:16

Na ɔ́su-nwu ɔnini, “Kɔnaadi aani uwi ɔni kemmo na mɔɔtɛmiku-ɔ mɛni ni, ndubɔya na ɔnana ɔdi ubo-ɔ kudɔ. Na ɔnana ɔmmɔ ɔ́si Benyamin kalɔ kemmo. Wi-nwu lili nnɔmii na ese-nwu likpo na unwini ɔtɔnkune ute mina kadi bekyuli Israelƒuɔ. Anwu ndubo-ma bɔtɔnku na lɛƒɔ-ma na Ƒilistiƒuɔ enu kemmo. Ɔsika lɛla lɛni na bévele-mi ni, línu-ma bɔkpali.”