Samuel 1 12:3 - Katɔti Ɔku Kedee

³ Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Samuel 1 12:3 ပူးပေါင်းရင်းမြစ်များ

Samuel 2 22:22

Mɔɔdi Unwoti ɔda bubo lɛlɔ. Na ńtedeyi ńtalɛ nwuna ulu lɛlɔ na lɛ́ƒiɔ-nwu.

Nehemia 5:11

“Anwuɔsu egulabi o-o iye edula ebi o-o iye nnɔmii o-o iye adingyii ntɛ bɔwɔdi ni, bɛsɔku kuvonsia kɔni na bíkulo bídie bite-ma. Na bɛsɔku ɔdi biala nwuna kalɔ iye adingyii mmo iye nnɔmii mmo iye kɔduli bite balati. Ɔmɛni ndi kenye kani mɔɔsu-mii ka bɛbla!”

Kɔgya 15:5

Uuvó egulabi teete bekyuli na ulaƒɔ kuvonsia. Na ulabɛ taaƒɔ egulabi na ɔdu ukyuli ɔni na útabla likpidi lɛdi kɔtɔ. Ukyuli ɔni na ɔɔsia ala amɛni anu taabla taasiaku-nya lɛlɔ ni, ɔtɔtɔ ɔɔɔdubo-nwu bɔgyu kudii.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Israelƒuɔ Bɔlɛ 22:4

“Ɔƒɛni si bánu ebuo ɔni na úyu mmɔ ku ngba na nwuna kudɔ na ɔdi ɔmantɛ akɔ iye ebuo ala utine iye koƒonu ni, ɔlɛka ɔƒɔ kayu kammɔ akpa anyɔ.

Israelƒuɔ Bɔlɛ 23:8

“Na ɔdi utaƒɔ egulabi na bɔbɛ kemmo, ɔsika ala ammɔ udu aabwɛ bekyuli bani mɔɔnu anumi na balátɛ litemi siin.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Lewiƒuɔ Ɔda Bubo 6:4

“Na si ɔ́nu nwuna likpidi ɔ́ti na ɔ́nu ka úkpi kɔtɔ ni, ɔlɛka ɔsia ulu biala lɛlɔ na ɔsɔku lɛla lɛmmɔ ubese kenye ute ɔlati. Buyu na úyu-nwu o-o bɔnya na ɔ́nya-nwu ɔ́kya úƒie-nwu lɛla lɛdi ɔƒɔ o-o, nwuna lɛla nse-nwu kudɔ na ɔ́da-ni úti o-o,

Lewiƒuɔ Ɔda Bubo 6:5

bɔkɛ na ɔ́kɛ lɛla lɛdi na útebo-ni kudu mmomu ɔ́kpali ala ka útanu-ni o-o ni, ɔlɛka ɔsɔku lɛla lɛmmɔ ubese kenye ute ɔlati kalɛ kani na líse. Ɔmmɔ kama na ɔƒɔ lɛla lɛmmɔ kayu lɛkpa lɛlɔndi na nina kuye bɔƒɔ kenye ɔsia lɛla lɛmmɔ kuye lɛlɔ ute ɔlati na limeyi lɛni lɛlɔ na ɔ́nu nwuna bɔƒiɔ ɔ́ti mmɔ.

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Mateo 22:21

Amu na bédie kenye banini, “Ɔga Unengudi Kaesare na ɔdi.” Anwuɔsu Yesu ɔ́su-ma ɔnini, “Biti lɛla lɛni ndi Kaesare lɛdi bite Kaesare. Na biti lɛla lɛni ndi Katɔti lɛdi bite Katɔti.”

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Batalane Kabla 20:33

Anumi étegyie-mi na ɔkpanadi sika ugyiedi iye ɔƒualadi iye lɛwu lɛlɔ.

Korintoƒuɔ 2 12:14

Kɔtɛdi mɛni ka lɛ́klibi lɛlɔ na ndubo-mii kudɔ, nsu naaawia kebunku kadi. Amii alati na mɔɔwia, na ɔɔɔdi bina egulabi. Ɔsika ɔɔɔdi bebi mɔɔklibi ala teese ka banu bawɔne lɛlɔ. Mmomu bawɔne mɔɔklibi ala teese na banu bebi lɛlɔ.

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Tesalonikaƒuɔ 1 2:10

Amii alati ku Katɔti ndubunye-bu litemi lɛmɛni kama ka bɔ́da bula lɛlɔ kedee na bina akɔ. Bɔ́bla ala abuni. Na ukyuli ɔdi útanu bɔƒiɔ bɔdi na bula lɛlɔ.

Tesalonikaƒuɔ 1 2:5

Bɛgyi kaduɛ ka ɔɔɔdi kenyemini etemila na búti búboku-mii. Na bútasu-mii litemi buni lɛmɛni kalɛ na bɔkɛ kɔsia kɔdi bɔsiku-mii kudɔ. Na Katɔti ɔlati ndubunye-bu litemi lɛmɛni kama.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.

Samuel 1 10:1

Ɔmmɔ kama ni, Samuel úti ɔsii ɔdi na nnɔmii buwi-nwu kemmo na úwilimi nnɔmii bɔmmɔ úwi Saul lili na ɔ́kya-nwu kɔgbu na ɔ́su-nwu ɔnini, “Geen geen ni, Katɔti ɔ́ƒuna-a ka enwini nwuna kadi bekyuli Israelƒuɔ ɔga.

Samuel 1 12:4

Amu na bana ƒui bédie kenye banini, “Ala ammɔ ƒui ɔdi uuuse lɛni. Átanya bula ɔdi átakya ulu ɔdi lɛlɔ, iye etile ɔdi etila adi, iye eƒie ɔdi lɛla lɛdi aƒɔ ɔkplu kemmo.”

Samuel 1 12:5

Mmɔ na Samuel ɔ́su-ma ɔnini, “Ɔmwi ni, Unwoti ku Ɔga Ɔƒunadi ɔmɛni ndi bekyuli bani nnye na bénu etemila ani na amii alati bɛ́su mɛni. Na ani ndi ka bítanu ɔdi lɛla lɛdi na mina enu kemmo.” Amu na bana ƒui bédie kenye ku lɛdi linwi banini, “Ɛɛn, ama ndubudie-bu etemila amɛni kenye.”

Samuel 1 2:35

Na ndubudie ɔkpane bamba ɔni mabla mina kayi ku kasusu lɛyɔla. Ndubɔya na nwuna ɔtɔ kemmo bekyuli benye kpakplaa na ɔbla-mi kabla uwi biala uti ubunku ɔga ɔni na lɛ́ƒuna.

Samuel 1 24:11

Ati, aanu ƒula awu gyɔlɔɔ ɔni na akya kɔtu na líkulo nda mɛni. Ami ɔlati nékulo awu ɔmmɔ kɔtu, nsu ńtadu-ɔ. Ɔƒaani ni, mɔɔwia ka awɔ ɔlati anu ati nwaa ka ńtabla lɛla lɛdi ńtaƒiɔ-ɔ, na ńtata ńtenye-ɔ lɛlɔ lɛnɔ, nsu awɔ asiaku-mi aatú-mi uwi biala ka adu-mi.

Samuel 1 24:6

Amu na ɔ́su nwuna bekpone ɔnini, “Unwoti utaya na ubo-nwu kemmo lɛni munu munu ka lɛbla lɛla lɛni na lise lɛni udu ku mina ɔga ɔni na Unwoti uwi-nwu lili nnɔmii iye ɔya na liti mina kɔnu lituku-nwu, ɔsika ɔdi Unwoti ukyuli ɔni na úwi nnɔmii lili.”

Samuel 1 24:7

Lɛni na Dawid ɔ́dɔnku nwuna bekpone, na bátabla Saul lɛla lɛdi. Ka Saul ɔ́wɔlɔ ni, ɔ́ta ɔ́lɛ lɛtakpɛ ubu ɔmmɔ kemmo ka ɔtɔlɔ.

Samuel 1 26:11

Nsu ami muuvele nnii Unwoti utaya na liti mina kɔnu lituku nwuna ɔga lɛbla-nwu lɛla lɛdi. Awɔ, ƒɔ lɛtula ku ntu ɔsii ɔni nde-nwu lili mmɔ na bɔtɔlɔ.”

Samuel 1 26:9

Nsu Dawid ɔ́su Abisai ɔnini, “Tadu-nwu! Ɔsika ukyuli biala madu ɔga ɔni na Unwoti ɔlati ɔ́ƒuna ni, Unwoti ɔmmɔ ɔdubo-nwu kɔtu bɔni.”