Samuel 1 12:10 - Katɔti Ɔku Kedee

¹⁰ Na uwi biala na bádi-ma lɛlɔ lɛni ni, beenwíni kayi na bewulo bevele Unwoti banini, ‘Bɔ́bla alaekpidi bɔ́ƒiɔ-ɔ, O Unwoti, na búnwini kama bɔ́kya-a na bɔɔkpá ala bamba, aani Baal baƒiɔ ku Astarot baƒiɔ. Nsu ɔƒaani ni, die-bu lɛku bula bekisine enu kemmo na bɔdubɔbla-a kabla.’

Samuel 1 12:10 ပူးပေါင်းရင်းမြစ်များ

Kɔgya 106:44

Nsu Unwoti uunú-ma keku si ala étulo-ma na baakpali-nwu.

Yesaia 26:16

Unwoti, uwi ɔni na lɛbibo lɛ́siaku-bu na bɔ́ɔnɔ na bula lɛtuni kemmo ni, bɔ́wia-a kama ulu.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yosua 13:31

Na Gilead kakɛ ku Astarot ku Edrei ɔni ndi Ɔga Og lɛma lɛni nkya Basan aka na béti béte Makir kaduli bekyuli kakɛ kenwi. Na Makir ɔmɛni ɔ́si Manase kaba kemmo.

Litemi Batɛne 10:10

Amu na Israelƒuɔ béwulo bákpali Unwoti banini, “O Katɔti, bɔ́bla likpidi na ƒula anumi, na búni-ɔ búse, na búsie bɔsiaku Baal baƒiɔ ku bana lidu bamba.”

Litemi Batɛne 2:11

Uwi ɔmmɔ na Israelƒuɔ bábla likpidi na Unwoti anumi, na bésie bakya baakpá Baal baƒiɔ lidu lidu.

Litemi Batɛne 2:13

ɔsika béni Unwoti na bésie baabla kabla teete Baal ku Astarot baƒiɔ.

Litemi Batɛne 3:15

Amu na Israelƒuɔ básɔ béwulo bákpali Unwoti, na Unwoti ɔ́sɔ úte-ma udiene. Na udiene ɔmmɔ baalɔ banii Ehud. Na Ehud ɔmɛni ɔdi kɔmii ukyuli, na ɔti ndi Gera ɔni nási Benyamin kɔdua kemmo. Na Israelƒuɔ bátala Ehud ɔmɛni ka uti etela adi utéte Ɔga Eglon ɔni nási Moab.

Litemi Batɛne 3:7

Amu na Israelƒuɔ bábla likpidi na Unwoti anumi. Na ɔkɛnku ɔmɛni ɔsu báyiƒala bana Unwoti Katɔti, na bénwini bátákpa Baal ku Asera baƒiɔ.

Litemi Batɛne 3:9

Nsu ka Israelƒuɔ béwulo bákpali Unwoti ni, Unwoti úte-ma udiene ɔdi, na anwu ndi Otniel, Kaleb ɔnwani ɔnamudi ubidi Kenas. Na anwu nékpo ɔ́ƒɔ-ma.

Litemi Batɛne 4:3

Yabin ubo bapɔnkɔ kɛɛkɛ eti leevu-maane (900) lɛni ndi abuala sɔɔn. Na ɔ́kɛ ɔyikun na ɔ́bla Israelƒuɔ likyulikpi ala akwa aavlanyɔ sɔɔn. Ɔkɛnku ɔmmɔ ɔsu ni, Israelƒuɔ béwulo bákpali Unwoti ka ubebunku-ma.

Litemi Batɛne 6:7

Ka Israelƒuɔ béwulo bákpali Unwoti ka ubedie-ma na Midianƒuɔ bukpoku bɔmɛni ɔsu ni,

Samuel 1 7:2

Ɔmɛni ɔsu adaka ɔmmɔ ɔ́kya-nwu kudɔ na Kiriat-Yearim mmɔ akwa aavlanyɔ. Na uwi ɔmɛni kemmo ƒui ni, Israelƒuɔ béwulo kɔnyana geen na bévele Unwoti banii ubunku-ma.

Samuel 1 7:6

Amu uwi ɔni na Israelƒuɔ bammɔ básala lɛlɔ na Mispa ni, Samuel únye aani Israelƒuɔ ɔtɔnkune kalɛ na Mispa, na bédu ntu na libiɔ kemmo na beebó-mu teewi kalɔ teete Unwoti aani lɛlɔ buti teete-nwu akpala. Na bélie kɔka limeyi lɛmmɔ lɛlɔ, na bédie bana alaekpidi kalɔ básu Unwoti banini, “O Unwoti, bɔ́bla likpidi bɔ́ƒiɔ-ɔ.”