Samuel 1 10:7 - Katɔti Ɔku Kedee

⁷ Si ala amɛni álɛ ni, kabla biala na anii aabla ni, na enye-ka lɛlɔ kpakplaa ɔsika Katɔti ulieku-ɔ.

Samuel 1 10:7 ပူးပေါင်းရင်းမြစ်များ

Ala Kalɔ Buse 21:20

Katɔti ɔ́nu ubi ɔmmɔ lɛlɔ útédu ka ɔ́bi lɛlɔ. Ɔ́kya ketele kammɔ kemmo na úbenwini ɔgbini.

Samuel 2 7:3

Mmɔ na Natan údie kenye na ɔ́su-nwu ɔnini, “Lɛla biala na aakali ka abla ni, awɔ bla-ni. Ɔsika Unwoti uliku-ɔ na ɔdubo-ɔ bubunku.”

Hiob 31:25

Na ńtakun lɛmɛnɛ lɛnɔ na lɛkɛ lɛmmɔ lɛdi lɛlɔ.

Israelƒuɔ Bɔlɛ 4:8

Amu na Unwoti ɔ́su-nwu ɔnini, “Si bátaƒɔ ƒula etemila bátadi na banu akɔla budie taatina edeedi amɛni bati ni, badubɔƒɔ akɔla anyɔdi amɛni badi.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Luka 2:12

Na lɛla lɛni na bɛdubuti bɛnu bɛti ni, ani ndi ka bɛdubɔnu ubiwɔ ɔni bényimi bákya kɔdi kemmo na ɔtɛ bebuo kadikɔ.”

Yohane 6:14

Amu ka bekyuli bammɔ bánu akɔla budie taatina bɔmɛni ni, básu banini, “Sɔsɔ anwu ndi Katɔti Kenye Udiene ɔni mebo kayawi.”

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Litemi Batɛne 6:12

Amu na Unwoti ɔtu ɔmmɔ údie lɛlɔ ɔ́tina Gideon na mmɔ na ɔ́su-nwu ɔnini, “Unwoti ulieku-ɔ, awɔ ukpone ɔyikune.”

Litemi Batɛne 9:33

Na si kadi kégye na ɔƒɛ úsela katukɔ ni, bikeli bitéduo ɔma ɔmmɔ kemmo. Na si Gaal ku nwuna bekyuli bata banii bebekpoku-mii ni, bɛbla lɛla biala bɛɛyɔ́.”

Samuel 1 2:34

“Na lɛla lɛni ndubɔlɛku ƒula bebi Hoƒni ku Pinehas ni, anwu na adubuti ati lɛla lɛni na mɔɔsu-ɔ mɛni. Bana inyɔ badubo bukpi limeyi linwi.

Samuel 1 20:13

Nsu si mina ɔti ɔda kasusu kekpidi ka ɔbla-a lɛla lɛdi na ami Yonatan ńtete-ɔ bɔti na ekeli aƒɔ ƒula lili ngba ni, na Unwoti ɔni-mi kɔtu kpakplaa biala námanku-mi. Muuvele Unwoti nnii ulieku-ɔ kalɛ kani na úlieku mina ɔti úbavi.

Samuel 1 3:19

Kalɛ kani na Samuel ɔɔbi lɛlɔ teebu ni, lɛni na Unwoti ɔsiaku-nwu. Na ala ani ƒui na ɔɔsu ni, eebo-nwu kemmo lɛni, na ɔdi ulásia kɔmadɔ.