Na ka ɔ́bɔku-ma ɔ́lɛku ɔ́wɔlɔ ni, ɔ́ya na nwuna batu bagyumanane badi benye ku kewii kadi mɔɔbwɛ ogya teesie anumi teebo kama taabala Eden kemo kammɔ ɔƒɛ katukɔ. Na bétile ukyuli biala kuƒi kalɛ na ulakana kugyii kɔni mɔɔyá na ukyuli uulie ngba mmɔ kudɔ bɔni bude.
Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”
Na uwi ɔmmɔ kemmo ni, ɔnana ɔlakɛne ɔdi ɔ́kya na baalɔ-nwu Kis. Na ɔnana ɔmɛni ɔ́si Aƒia kaba kemmo na Benyamin kɔdua kemmo. Na Aƒia ubidi ndi Bekorat ɔni ubi ndi Seror ɔni ubi ndi Abiel ɔni ubi ndi Kis.
Na Kis ɔmɛni ɔ́wɔ ɔnanabi ɔdi na baalɔ-nwu Saul. Okloƒu ɔmɛni ɔ́lɛ lɛblani utulo ɔdi biala na Israel mmɔ na ɔɔdia bɔnu geen na ɔ́kuku utulo ukyuli biala.